အစားအသောက်တွေ အလွန်အကျွံစားပြတဲ့ တရုတ်အစားအသောက်ဘလော့ဂါ စားပိုးနင့်ပြီး Live လွှင့်နေစဉ် ကွယ်လွန်
အစားအစာတွေကို အားရပါးရ စားပြတဲ့ တရုတ် အစားအသောက်ဘလော့ဂါဟာ live လွှင့်နေတုန်း စားပိုးနင့်ပြီး thayဆုံးသွားခဲ့ပါတယ်။ အသက် ၂၄ နှစ်အရွယ် တရုတ်အမျိုးသမီး ပန်ရှောင်တင်းဟာ အရင်က စားသောက်ဆိုင်မှာ စားပွဲထိုးအလုပ်လုပ်ရာကနေ အစားအသောက်ဘလော့ဂါ ဖြစ်လာခဲ့တာပါ။ အစားအသောက်ဘလော့ဂါတွေက ဝင်ငွေကောင်းသလို ပရိသတ်တွေပေးတဲ့ လက်ဆောင်ပစ္စည်းတွေလည်း ရတတ်ပါသေးတယ်။
အစပိုင်းမှာ ပန်ရှောင်တင်းက အစားအသောက်ဘလော့ဂါအလုပ်ကို ကြားပေါက်ဝင်ငွေရှာဖို့သာ လုပ်ခဲ့တာဖြစ်ပြီး နောက်ပိုင်းတဖြည်းဖြည်း ဝင်ငွေကောင်းလာချိန်မှာ စားပွဲထိုးအလုပ်ကို စွန့်လွှတ်ကာ အစားအသောက်ဘလော့ဂါအလုပ်ကို တစ်စိုက်မတ်မတ် လုပ်ခဲ့တာ ဖြစ်ပါတယ်။
ပန်ရှောင်တင်းဟာ မကွယ်လွန်မီအချိန်က တစ်ရက်ကို အနည်းဆုံး ၁၀ နာရီဆက်တိုက် အစားအစာတွေ စားပြတာ၊ Live လွှင့်ချိန် တစ်ချိန်အတွင်း အစားအစာ ၁၀ ကီလိုဂရမ်ကျော် စားပြတာ အစရှိတဲ့ ခက်ခက်ခဲခဲ စိန်ခေါ်မှုတွေ လုပ်ပြခဲ့ပါတယ်။
တရုတ်နိုင်ငံဟာ အလွန်အကျွံ စားသောက်မှုနဲ့ အစားအစာ လေလွင့်မှုကို လျှော့ချနိုင်ဖို့ ရည်ရွယ်ပြီး ၂၀၂၀ ပြည့်နှစ်ကစလို့ အစားအစာ အလွန်အကျွံ စားပြတဲ့ Livestream နဲ့ ဗီဒီယို ထုတ်လွှင့်သူတွေကို ဒဏ်ကြေး ယွမ် ၁၀၀၀၀ အထိ ချမှတ်ကာ နှိမ်နင်းခဲ့ပါတယ်။ ဒါပေမဲ့ အစားအစာ အလွန်အကျွံစားပြတဲ့ အစားအသောက်ဘလော့တွေကတော့ ရေပန်းစားနေဆဲပါပဲ။
ပန်ရှောင်တင်းဟာ အခုလအစောပိုင်းက Live လွှင့်နေတုန်း အသက်ဆုံးရှုံးခဲ့တာပါ။ thayမှုthayခင်း စစ်ဆေးမှုအရ သူ့ရဲ့အစာအိမ်ထဲမှာ မကျေညက်တဲ့ အစားအစာတွေ ပြည့်နှက်နေပြီး သူ့ဝမ်းဗိုက်ကလည်း ဆိုးဆိုးရွားရွား ပုံစံပြောင်းနေတာ တွေ့ရပါတယ်။
ရေးသားသူ -Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။