အရွယ်ရောက်လာပြီး Kpop Idol တစ်ယောက်လိုတောင်ဖြစ်နေတဲ့ “Baby Shark” Music Video ထဲက ကလေးလေး
“Baby Shark doo doo doo doo doo doo” သီချင်းကို ကြည့်လိုက်တာနဲ့ ကလေးကအစ လူကြီးအဆုံး အကုန်သိကြပါတယ်။ ဒီ Baby Shark သီချင်းက ၂၀၁၆ ခုနှစ် ဇွန်လမှာ ထွက်ရှိခဲ့တာဖြစ်ပြီး အခုအချိန်ထိ လူကြည့်အများဆုံးဗီဒီယိုဖြစ်နေပါတယ်။ အခုအချိန်ထိ ကြည့်ရှုသူ ၁၄ ဘီလျံရှိနေပါတယ်။
ဒီသီချင်းကို တောင်ကိုရီးယားကုမ္ပဏီ SmartStudy ပိုင် ပညာရေးအမှတ်တံဆိပ်ဖြစ်တဲ့ Pinkfong က ထုတ်တာဖြစ်ပြီး အသက် ၁၀ နှစ်အရွယ် ကိုရီးယား-အမေရိကန်အဆိုတော် Hope Segoine က သီဆိုခဲ့တာပါ။
ကလေးသရုပ်ဆောင်တွေဖြစ်တဲ့ Park Geon Roung နဲ့ Elaine Kim Johnston က ဒီသီချင်းမှာ သရုပ်ဆောင်ထားကြပါတယ်။ အခုဆို Park Geon Roung ဆိုတဲ့ ကလေးသရုပ်ဆောင်က အသက် ၁၅ နှစ်ရှိနေပြီး သူ့ရဲ့ရုပ်ရည်ကြည့်ကောင်းမှုကြောင့် လူမှုကွန်ယက်ပေါ်မှာ နာမည်ကြီးနေပါတယ်။
Geon Roung က အနုပညာလှုပ်ရှားမှုတွေလုပ်နေဆဲဖြစ်ပြီး ၂၀၁၉ ခုနှစ်ကတည်းက Play With Me Club (South Korean co-ed kids group) ရဲ့တစ်စိတ်တစ်ပိုင်းဖြစ်ခဲ့ပါတယ်။ သူဟာ စက်တင်ဘာလဆို အသက် ၁၆ နှစ်ပြည့်မှာဖြစ်ပြီး အင်စတာဂရမ်မှာ ဖော်လိုဝါ ၁ သိန်းကျော်ရှိပါတယ်။ Ig မှာ သူ့ကို အများဆုံးမေးကြတာက “Baby Shark ကလေးလေးလား”ဆိုတာပါပဲ။ အရွယ်ရောက်ပြီး ရုပ်ရည်ချောမောနေတဲ့အတွက် လူမှုကွန်ယက်အသုံးပြုသူတွေ အံ့အားသင့်ခဲ့ရပြီး Kpop Idol နဲ့ တူတယ်လို့ ပြောနေကြပါတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။