အမှိုက်ပုံးထဲက ပြန်ကောက်ထားတဲ့ ထီလက်မှတ်ကနေ ဒေါ်လာ ၂ သိန်းဆု ပေါက်
အမေရိကန်နိုင်ငံမှ လင်မယားနှစ်ယောက်ကတော့ အမှိုက်ပုံးထဲက ပြန်ကောက်ထားတဲ့ ထီလက်မှတ်ကနေ ဒေါ်လာ ၂ သိန်းဆု ဆွတ်ခူးခဲ့တာကြောင့် သူတို့ရဲ့စိတ်ကူးယဉ် အိမ်ကလေးတစ်လုံး ဝယ်ယူဖို့ စီစဉ်နေကြပါပြီ။
တောင်ပိုင်းကာရိုလိုင်းနားပြည်နယ်မှာ နေထိုင်တဲ့ လင်မယားဟာ Circle K စတိုးဆိုင်ကနေ ၅ ဒေါ်လာတန် ခဲခြစ်ထီလက်မှတ်ဝယ်ယူခဲ့ပြီး ဇနီးဖြစ်သူက ခဲခြစ်ကြည့်ရာမှာ မပေါက်ဘူးထင်ပြီး အမှိုက်ပုံးထဲ လွှင့်ပစ်ခဲ့တာပါ။ ခင်ပွန်းက မေးမြန်းကြည့်ချိန်မှာ ဂဏန်း ၁၂ လုံးပြည့်အောင် မခြစ်ရသေးမှန်း သိသွားလို့ ပြန်ကောက်ပြီး ခဲခြစ်ခိုင်းခဲ့တာပါ။
ဇနီးက ထီလက်မှတ်ကို ပြန်ကောက်ပြီး ဂဏန်း ၁၂ လုံး ပြည့်အောင် ခြစ်ကြည့်ချိန်မှာတော့ ဒေါ်လာ ၂ သိန်းဆု ပေါက်နေမှန်း သိလိုက်ရတာပါ။ သူတို့လင်မယားနှစ်ဦးကတော့ လုံခြုံရေးအရ အမည်ဖော်လိုခြင်း မရှိပါဘူး။ ထီဆုကြေးငွေကို အသုံးပြုပြီး သူတို့ရဲ့စိတ်ကူးထဲက အိမ်လေးတစ်လုံး ဝယ်ဖို့ စီစဉ်သွားမယ်လို့ ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။