ကူညီပေးတတ်သူတစ်ဦးကြောင့် ဒေါ်လာ ၄၀၀၀၀ အလိမ်ခံရမယ့် ဘေးကနေ ကင်းလွတ်ခဲ့တဲ့ အမျိုးသမီး
ကူညီပေးတတ်သူတစ်ဦးနဲ့ ရဲတပ်ကြီးတို့ကြောင့် အမျိုးသမီးကြီးတစ်ဦးဟာ ဒေါ်လာ ၄၀၀၀၀ လိမ်ခံရမယ့်ဘေးက ကင်းလွတ်ခဲ့ပါတယ်။ လူလိမ်တစ်ယောက်ဟာ ဘဏ်လုံခြုံရေးအဖွဲ့ဝင်အဖြစ် အယောင်ဆောင်ပြီး အမျိုးသမီးကြီးကို Bitcoin ATM ထဲ ဒေါ်လာ ၄၀၀၀၀ ထည့်ပေးဖို့ စေခိုင်းခဲ့တာပါ။ လူလိမ်က အမျိုးသမီးကြီးထံ တစ်ပတ်လုံးလုံး ဆက်တိုက်ဖုန်းဆက်ခဲ့ပြီး အနုနည်းနဲ့တစ်ဖုံ၊ ခြိမ်းခြောက်ရင်းတစ်ဖုံ ပြောခဲ့ရာမှာ အမျိုးသမီးကြီးကလည်း ယုံကြည်သွားခဲ့ပါတယ်။
လူလိမ်က အမျိုးသမီးကြီးရဲ့အိမ်ကို ကားစေလွှတ်ပြီး ဘဏ်မှာ ငွေသွားထုတ်ဖို့ ခိုင်းစေခဲ့ပါတယ်။ အမျိုးသမီးကြီးက ဘဏ်မှာ အပ်ထားတဲ့ သူ့ပိုက်ဆံတွေကို သွားထုတ်ကာ Bitcoin ATM ထဲ ထည့်ပေးဖို့ ပြင်ဆင်နေချိန် မန်ဒီဂျော်ဒန်ဆိုတဲ့ အမျိုးသမီးက မသင်္ကာလို့ ရဲစခန်းကို ဖုန်းဆက်ခဲ့တာပါ။
အဲဒီနောက်မှာ ရဲတပ်ကြပ်ကြီး ဂျိမ်းစ်စတီးဝပ် ရောက်ရှိလာခဲ့ပြီး အကျိုးအကြောင်း မေးမြန်းကြည့်ချိန်မှာတော့ အလိမ်ခံရမှန်း ရိပ်မိသွားခဲ့ပြီး အချိန်မီ တားဆီးနိုင်ခဲ့တာပါ။ သူတို့ရဲ့ ကူညီပေးမှုကြောင့် အမျိုးသမီးကြီးလည်း ဒေါ်လာ ၄၀၀၀၀ အလိမ်ခံရမယ့် အခြေအနေကနေ လွတ်မြောက်ခဲ့ပါတယ်။ ဒီဖြစ်ရပ်ကတော့ အမေရိကန်နိုင်ငံ တက္ကဆက်ပြည်နယ်မြောက်ပိုင်းမှာ ဖြစ်ပွားခဲ့တာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။