စက်ဘီးစီးတတ်လို့ နာမည်ကြီးနေတဲ့ ခွေးကလေး
တရုတ်နိုင်ငံမှ ခွေးလေးတစ်ကောင်ဟာ စက်ဘီးစီးတတ်လို့ လူသိများ ကျော်ကြားနေပြီး သူ့ဗီဒီယိုတွေကလည်း အွန်လိုင်းမှာ ပျံ့နှံ့နေပါတယ်။ ဆုလိုင်ဖူလို့ အမည်ရတဲ့ ခွေးကလေးဟာ တရုတ်နိုင်ငံ ကျင်ဆုပြည်နယ်က ဖြစ်ပါတယ်။ သူက လူတွေစက်ဘီးစီးတဲ့အတိုင်း ထိုင်ခုံမှာ ထိုင်၊ ရှေ့လက်က လက်ကိုင် ကိုင်၊ နောက်ခြေက ခြေနင်းကိုနင်းပြီး စက်ဘီးစီးပြလေ့ ရှိပါတယ်။
သူ စက်ဘီးစီးနေတဲ့ပုံစံက ၃၊ ၄ နှစ်အရွယ် ကလေးငယ်တစ်ယောက်အတိုင်းပါပဲ။ တရုတ်နိုင်ငံမှာတင်မကဘဲ အခြားအာရှနိုင်ငံတွေအထိပါ သူ့ဗီဒီယိုတွေက ပျံ့နှံ့နေပါတယ်။ ဂျပန်နိုင်ငံရဲ့ Fuji News Network သတင်းဌာနမှာတောင် ဆုလိုင်ဖူရဲ့ပုံတွေ ပါဝင်လာပါသေးတယ်။ ဆုလိုင်ဖူကို သူ့သခင်က စကိတ်စီးတာလည်း သင်ပေးထားပြီး ၅ ရက်သင်ရုံနဲ့ စကိတ်ကိုလည်း ကျွမ်းကျွမ်းကျင်ကျင် စီးတတ်နေပါပြီ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။