စတန်းဖို့ဒ်တက္ကသိုလ်ကနေ မာစတာဘွဲ့ ယူနိုင်ခဲ့တဲ့ အသက် ၁၀၅ နှစ်အရွယ် အဘွားအို
စတန်းဖို့ဒ်တက္ကသိုလ်ရဲ့ ၂၀၂၄ ခုနှစ် ဘွဲ့နှင်းသဘင်အခမ်းအနားကတော့ အံ့အားသင့်စရာ ဖြစ်ခဲ့ပါတယ်။ ဘာကြောင့်လဲဆိုတော့ အသက် ၁၀၅ နှစ်အရွယ် အဘိုးအိုက မာစတာဘွဲ့ အပ်နှင်းခံခဲ့ရတာကြောင့်ပါပဲ။ သူ့ရဲ့ပညာရေးခရီးလမ်းမှာ ကြီးမားတဲ့ အဟန့်အတားတွေ ကြုံခဲ့ရပေမဲ့ ဗာဂျီးနီးယားဟစ်လော့က ဇွဲမလျှော့ခဲ့ဘဲ ရည်မှန်းချက်ကို မဆုတ်မနစ် အကောင်အထည် ဖော်ခဲ့တာပါ။
ဟစ်လော့ဟာ ၁၉၄၀ ပြည့်နှစ်တုန်းက စတန်းဖို့ဒ်တက္ကသိုလ်မှာ ပညာသင်ကြားနေရင်း မာစတာဘွဲ့အတွက် စာတမ်းပြုစုနေခဲ့တာပါ။ ဒါပေမဲ့ အဲဒီအချိန်မှာပဲ အမေရိကန်က ဒုတိယကမ္ဘာစစ်ထဲ ရောက်သွားခဲ့ပြီး သူ့ရဲ့ခင်ပွန်းလောင်း ဂျော့ကလည်း စစ်မှုထမ်းခဲ့ရတာကြောင့် ပညာရေးကို ရပ်နားခဲ့ရပါတယ်။
ဒုတိယကမ္ဘာစစ် ပြီးဆုံးသွားချိန်မှာတော့ ဟစ်လော့က သင်ကြားရေးလက်မှတ်နဲ့ စာသင်တဲ့အလုပ်ကို နှစ်ရှည်လများ လုပ်ခဲ့ပါတယ်။ တခြားသူတွေရဲ့ ပညာရေးတိုးတက်ဖို့ တစိုက်မတ်မတ် ကြိုးစားအားထုတ်ပေးခဲ့တာပါ။ နှစ်ပေါင်း ၈၀ ကျော် ကြာမြင့်ချိန်မှာတော့ ဟစ်လော့ဟာ တချိန်က သူတက်ခဲ့ဖူးတဲ့ စတန်းဖို့ဒ်တက္ကသိုလ် ပရဝုဏ်ထဲကို တစ်ကျော့ပြန် ခြေချခွင့်ရခဲ့ပြီး သားသမီး၊ မြေး၊ မြစ်တွေနဲ့အတူ မာစတာဘွဲ့ ယူနိုင်ခဲ့တာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။