တောင်ကိုရီးယားမှာ လည်ပတ်နေပြီဖြစ်တဲ့ ကမ္ဘာ့ပထမဆုံး ဟိုက်ဒရိုဂျင်စွမ်းအင်သုံး အိမ်ရာ
တောင်ကိုရီးယားနိုင်ငံ အူဆန်မြို့မှာ တည်ဆောက်ခဲ့တဲ့ ကမ္ဘာ့ပထမဆုံး ဟိုက်ဒရိုဂျင်စွမ်းအင်သုံး အိမ်ရာ(Yuldong-With-U)မှာတော့ လူတွေ နေထိုင်နေပါပြီ။ အခန်းပေါင်း ၄၃၇ ခန်းပါတဲ့ အိမ်ရာတစ်ခုလုံးရဲ့ မီးသုံးစွဲမှုကို ဟိုက်ဒရိုဂျင်စွမ်းအင်နဲ့ပဲ ရာနှုန်းပြည့် ပေးအပ်ထားတာပါ။
Yuldong-With-U အိမ်ရာကို လည်ပတ်နေတာ တစ်လကြာမြင့်ပါပြီ။ ပြီးခဲ့တဲ့ဇွန်လအတွင်း တစ်နာရီကို ၈၄၀ မဂ္ဂါဝပ်နှုန်း (840 MWh) စွမ်းအင် ထုတ်လုပ်ခဲ့ပြီး ပုံမှန်အားဖြင့် လျှပ်စစ်ဓာတ်အား အသုံးပြုမယ်ဆိုရင် မီတာခ ဝမ်သန်း ၁၅၀ ကျသင့်မှာ ဖြစ်ပါတယ်။ Yuldong-With-U အိမ်ရာမှာတော့ ဟိုက်ဒရိုဂျင်စွမ်းအင် အဖိုးနှုန်းထားကို သတ်မှတ်ခြင်း မရှိသေးပါဘူး။ မကြာခင် ဈေးသတ်မှတ်မယ်လို့ ဆိုပါတယ်။
အိမ်ရာနားတစ်ဝိုက်မှာရှိတဲ့ စက်ရုံတွေကနေ ၁၀ ကီလိုမီတာ ရှည်လျားတဲ့ ပိုက်လိုင်းတွေ အသုံးပြုပြီး ဟိုက်ဒရိုဂျင် သွယ်တန်းရယူထားတာပါ။ ကွန်တိန်နာတစ်လုံးစာ အရွယ်အစားရှိတဲ့ ဟိုက်ဒရိုဂျင် လောင်စာဆဲလ် ၃ ခုကို အိမ်ရာခေါင်မိုးပေါ်မှာ တပ်ဆင်ထားပြီး ဟိုက်ဒရိုဂျင် ၅၁ ကီလိုဂရမ်ကနေ တစ်နာရီမှာ စွမ်းအင် ၁.၃၁ မဂ္ဂါဝပ် ထုတ်လုပ်ပေးလျက် ရှိပါတယ်။ ဒီပမာဏဟာ မိသားစု ၄ ယောက်နေတဲ့ အိမ်ထောင်စုကို တစ်လလုံးလုံး ၂၄ နာရီမပြတ် စွမ်းအင်ပေးနိုင်စွမ်း ရှိပါတယ်။
ဟိုက်ဒရိုဂျင်စွမ်းအင်ကို အသုံးပြုထားတာဖြစ်လို့ သဘာဝပတ်ဝန်းကျင် ထိခိုက်မှုကို လျှော့ချပေးနိုင်မှာပါ။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။