ဒေါ်နယ် ထရမ့်ကို ပစ်ခတ်ခဲ့တဲ့thayနတ်သမား ဘယ်သူလဲ
အမေရိကန်ပြည်ထောင်စု၊ ပန်ဆေဗေးနီးယားပြည်နယ်၊ ဘက်သယ် ပါ့ခ်မြို့က ဆင်ခြေဖုံးအရပ်မှာ နေထိုင်သူတွေအတွက်တော့ အတွေးနယ်ချဲ့မဆုံးဖြစ်နေပါတယ်။
ဒေသခံ လူငယ်လေး လူငယ်လေး သောမတ်စ် မက်သူး ခရွတ်စ်ဟာ လာမယ့် နိုဝင်ဘာ ရွေးကောက်ပွဲအတွက် လူထုနဲ့တွေ့ဆုံနေတဲ့ အမေရိကန်သမ္မတဟောင်း ဒေါ်နယ်ထရမ့်ကို thayနတ်နဲ့ပစ်ခတ်ပြီး လုပ်ကြံဖို့ ကြိုးပမ်းခဲ့သူအဖြစ် သတ်မှတ်ခံလိုက်ရတာကြောင့် ဖြစ်ပါတယ်။
ခရွတ်စ်ဟာ ပန်ဆေဗေးနီးယားပြည်နယ်၊ ဘတ်တလာမြို့မှာ လူအုပ်ကို မိန့်ခွန်းပြောနေတဲ့ သမ္မတဟောင်း ထရမ့်ကို အေအာရ် -၁၅ အမျိုးအစား ဆမီ အော်တို မောင်းပြန်ရိုင်ဖယ်နဲ့ ပစ်ခတ်ခဲ့တာလို့ စုံစမ်းစစ်ဆေးသူတွေက ယူဆထားပါတယ်။
ဒီပစ်ခတ်မှုကြောင့်ပဲ ပရိသတ်ထဲက လူတစ်ဦးthayဆုံးပြီး နောက်ထပ် လူနှစ်ဦးလည်း စိုးရိမ်ဒဏ်ရာတွေ ရခဲ့ပါတယ်။
အနေတင့်ကြတဲ့သူ့အရပ်ထဲ အိမ်နီးချင်းတွေအတွက်တော့ အနေအေးတဲ့ဒီလူငယ်ဟာ ထရမ့်ကို လုပ်ကြံပစ်ခတ်တယ်လို့ ဘယ်လိုဘယ်ပုံ စွပ်စွဲခံရလဲဆိုတာကို နားမလည်နိုင်အောင် ဖြစ်နေကြပါတယ်။
အသက် ၂၀ အရွယ် စားဖိုဆောင်လုပ်သား ခရွတ်စ်ကိုတော့ သမ္မတသက်တော်စောင့်လုံခြုံရေးအဖွဲ့ (Secret Service)က အဲဒီနေရာမှာတင် အthayပစ်ခတ် ဖမ်းဆီးခဲ့တယ်လို့ အမေရိကန်အရာရှိတွေက ပြောပါတယ်။
အမေရိကန်ထောက်လှမ်းရေးအဖွဲ့ (FBI) ကတော့ ခရွတ်စ်ဟာ “သမ္မတဟောင်းကို လုပ်ကြံဖို့ ကြိုးပမ်းမှုမှာ ပါဝင်သူဖြစ်ပြီး စုံစမ်းစစ်ဆေးမှုတွေ ဆက်ပြီးပြုလုပ်နေတယ်”လို့ တာဝန်ရှိတဲ့အတိုင်း ထုတ် ပြောပါတယ်။
သောမတ်စ် ခရွတ်စ်ရဲ့ မှတ်ပုံတင် မတွေ့ရတာကြောင့် စုံစမ်းစစ်ဆေးသူတွေဟာ သူ ဘယ်သူလဲဆိုတာ သိနိုင်ဖို့ DNA နဲ့ မျက်နှာသိမှတ် နည်းပညာကို အသုံးပြု ရှာဖွေခဲ့ရတယ်လို့ FBI က ပြောပါတယ်။
သူ့ရဲ့ဇာတိဟာ မစ္စတာ ထရမ့်ကို လုပ်ကြံthetဖြတ်ဖို့ ကြိုးပမ်ခဲ့တယ်လို့ဆိုတဲ့နေရာကနေ ၄၃ မိုင်နီးပါးအကွာ ပန်ဆေဗေးနီးယားပြည်နယ်၊ ဘက်သယ် ပါ့ခ်မြို့က ဖြစ်ပါတယ်။
သင်္ချာနဲ့ သိပ္ပံပညာထူးချွန်ကျောင်းသားအဖြစ် ၂၀၂၂ ခုနှစ်မှာ ဘက်သယ် ပါ့ခ် အထက်တန်းကျောင်းကနေ ကျောင်းပြီးခဲ့ပြီး ဆုငွေ ဒေါ်လာ ၅၀၀ ရခဲ့တယ်လို့ ဒေသတွင်း သတင်းစာ တစ်စောင်က ပြောပါတယ်။
ခရွတ်စ်ဟာ သူအိမ်ကနေ အချိန်နည်းနည်းပဲ ကားမောင်းရတဲ့ ဒေသန္တရ သူနာပြုစောင့်ရှောက်ရေး ဂေဟာရဲ့စားဖိုဆောင်မှာ အလုပ်လုပ်သူလို့ ဘီဘီစီက နားလည်ရပါတယ်။
ပြည်နယ် မဲပေးမှတ်တမ်းတွေမှာတော့ သူဟာ ရီပတ်ဘလီကန် တစ်ဦးအဖြစ် မှတ်တမ်း ဝင်ထားတာတွေ့ရတယ်လို့ အမေရိကန်မီဒီယာတွေက သတင်းဖော်ပြပါတယ်။
၂၀၂၁ ခုနှစ်မှာ လစ်ဘရယ်အရေးလှုပ်ရှားတဲ့အဖွဲ့ ActBlue ကို ၁၅ ဒေါ်လာ လှူဒါန်းခဲ့တယ်လို့လည်း သတင်းတွေက ဖော်ပြပါတယ်။
ဒေသတွင်း thayနတ်ပစ်ကလပ်အသင်း Clairton Sportsmen’s Club မှာ ပြီးခဲ့တဲ့နှစ်ကစလို့ အဖွဲ့ဝင် ဖြစ်ထားပါတယ်။
အဲဒီကလပ်အသင်းရဲ့ အင်တာနက် စာမျက်နှာအရဆိုရင် အဲဒီကလပ်ဟာ ပစ်ဘာ့မြို့တောင်ပိုင်းမှာ ရှိပြီး ပန်ဆယ်ဗေးနီးယား၊ အိုဟိုင်းယိုးနဲ့ အနောက် ဗာဂျီးနီးယား “ပြည်နယ်သုံးခုမှာ အကောင်းဆုံး thayနတ်ပစ်ဝန်ဆောင်မှုတွေရှိတဲ့နေရာတွေထဲက တစ်ခု”လို့ ဖော်ပြထားပါတယ်။ အသင်းဝင် ၂,၀၀၀ ကျော်ရှိပါတယ်။
thayနတ်ပစ်လေ့ကျင့်ကွင်း မျိုးစုံရှိပြီး ၁၇၁ မီတာအကွာက ပစ်မှတ်တွေကို ပစ်ခတ်နိုင်တဲ့ စွမ်းအားပြင်း ရိုင်ဖယ်ပစ်ကွင်းလည်း ရှိပါတယ်။
“ဒီလို အဆင်ခြင်မဲ့ အကြမ်းဖက်မှုလုပ်ရပ်မျိုးနဲ့ပတ်သက်ပြီး ကလပ်အသင်းဘက်က အပြည့်အဝ သတိပေးချက် ထားတယ်ဆိုတာကတော့ ရှင်းနေတာပါပဲ” လို့ အဲဒီအသင်းကို ကိုယ်စားပြုတဲ့ ရှေ့နေ ရောဘတ် အက်စ် ဘူတေးက လော့စ် အိန် ဂျလိစ် တိုင်းမ် သတင်းစာကိုပြောပါတယ်။
တရားဥပဒေစိုးမိုးရေး အရာရှိတွေကတော့ ဒေါ်နယ် ထရမ့်ကို ပစ်ခတ်ရာမှာသုံးခဲ့တဲ့ လက်နက်ဟာ ခရွတ်စ်ရဲ့ ဖခင် ဝယ်ထားတဲ့ လက်နက်ဖြစ်တယ်လို့ ယူဆတဲ့အကြောင်း အေပီသတင်းမှာဖော်ပြပါတယ်။
အမည်မဖော်လိုတဲ့ အရာရှိ ၂ ဦးကတော့ ခရွတ်စ်ရဲ့ ဖခင်ဟာ အဲဒီလက်နက်ကို ပြီးခဲ့တဲ့ ၆ လတုန်းက ဝယ်ယူခဲ့တယ်လို့ ပြောတဲ့အကြောင်း သတင်းက ဖော်ပြပါတယ်။
အမေရိကန် မီဒီယာတွေမှာတော့ ခရွတ်စ်ဟာ thayနတ်တွေနဲ့ ဖြိုချဖျက်ဆီးတဲ့အကြောင်းအရာတွေကြောင့် လူသိများတဲ့ ယူကျူ့ ချန်နယ် Demolition Ranch က ထုတ်တဲ့ တီရှပ်အင်္ကျီကို ဝတ်ထားခဲ့တယ်လို့ ဆိုပါတယ်။ အဲဒီချန်နယ်ဟာ thayနတ်တွေနဲ့ ဖောက်ခွဲရေးပစ္စည်းတွေအကြောင်း ရုပ်သံတွေ တင်ပြီး အဲဒီရုပ်တွေကို ကြည့်ရှုဖို့ စာရင်းသွင်းသူက သန်းနဲ့ချီ ရှိပါတယ်။
ပစ်ခတ်မှုဖြစ်အပြီး နောက်တစ်နေ့မှာတော့ ခရွတ်စ်ရဲ့ ကားထဲကနေ သံသယဖြစ်စရာ ပစ္စည်းတွေ တွေ့ခဲ့တယ်လို့ ဥပဒေစိုးမိုးရေးအရာရှိရင်းမြစ်တွေကို ကိုးကားပြီး ဘီဘီစီရဲ့ အမေရိကန် မိတ်ဖက် သတင်းဌာန CBS က သတင်းဖော်ပြပါတယ်။
သတင်းအရဆိုရင် မသင်္ကာသူအဖြစ် သတ်မှတ်ခံရတဲ့ ခရွတ်စ်ဆီမှာ ပစ္စည်းစတင်ပြုလုပ်ဖို့ စျေးထဲကနေ အလွယ်တကူ ဝယ်နိုင်တဲ့ ပစ္စည်းတစ်ခုကို တွေ့ခဲ့ရတယ်လို့ ဆိုပါတယ်။
လုံခြုံရေး ကြိုတင်သတိအနေနဲ့ ဗုံးရှင်းလင်းရေးနည်းပညာသမားတွေကို ခေါ် ခဲ့ရသလို အဲဒီ ပစ္စည်းတွေကိုလည်း စုံစမ်းစစ်ဆေးနေပြီဖြစ်ပါတယ်။
သူက ဘယ်လိုလူမျိုးလဲ
အဖြူအမည်း မသည်းကွဲသေးတဲ့အချိန်မှာ ခရွတ်စ် တစ်ယောက် ဘယ်လို လူမျိုးဖြစ်တယ်ဆိုပြီး မျိုးစုံပုံဖော်မှုလည်း ထွက်ပေါ်လာပါတယ်။
သူနဲ့အတူတူကျောင်းတက်ခဲ့ဖူးတဲ့ ဒေသခံလူငယ်တွေကတော့ သူ့ကို မကြာခဏ အနိုင်ကျင့်ခံရတတ်တဲ့ အထီးကျန်သမားတစ်ယောက်လို့ ပြောပြီး တစ်ခါတလေမှာ “အမဲလိုက်တဲ့ပုံစံလို အဝတ်အစားတွေ ကျောင်းကို ဝတ်လာတတ်တယ်” လို့ ဒေသခံသတင်းဌာန KDKA ကို ပြောပါတယ်။
ခရွတ်စ်ရဲ့ အတန်းဖော် ဆန်မာ ဘာကလေ ကတော့ သူဟာ “စာမေးပွဲတွေမှာ အမြဲတမ်း အမှတ်ကောင်းတွေရတတ်တယ်” “သမိုင်းဘာသာရပ်ကို အလွန်စိတ်ဝင်စားတဲ့သူ” လို့ဆိုပြီး မတူတဲ့မှတ်ချက်မျိုး ဘီဘီစီကို ပြောပြပါတယ်။
“အစိုးရနဲ့ သမိုင်းအကြောင်းတွေကို သူ အားလုံး သိပုံရတယ်” လို့လည်း ပြောပါတယ်။ ဒါပေမဲ့ ဒါဟာ သာမန်ကနေ ကွဲထွက်နေတာမျိုး မဟုတ်ဘဲ …. သူက အမြဲတမ်း ဖော်ဖော်ရွေရွေပါပဲ”လို့ လည်း ပြောပါတယ်။
ဆရာ၊ ဆရာမတွေ ချစ်တဲ့တပည့်မျိုးလို့လည်း သူမက ဘရွတ်စ် ပုံစံကို ပုံဖော်ပြောပြပါတယ်။
တခြားကျောင်းသားကျောင်းသူတွေကတော့ သူ့ကို တိတ်တိတ်ဆိတ်ဆိတ်နေတတ် သူတစ်ဦးအနေနဲ့ပဲ အမှတ်ရကြပါတယ်။
“သူ ကျောင်းတော့ တက်ခဲ့တာပဲ။ ဒါပေမဲ့ သူဟာ ထင်ထင်ပေါ်ပေါ်ရှိခဲ့တဲ့ ကျောင်းသားမျိုးတော့ မဟုတ်ခဲ့ဘူး” လို့ အမည်မဖော်လိုတဲ့ သူ့ အတန်းဖော်ဟောင်းတစ်ဦးက ဘီဘီစီကို ပြောပြပါတယ်။
“အတွေးထဲမှာရှိတဲ့ သူမျိုးတော့ မဟုတ်ဘူး” “ဒါပေမဲ့ သူ့ကို ကြည့်ရတာ ပုံမှန်ပါပဲ”
၂၀၂၂ မှာ ခရွတ်စ်နဲ့ အတူတူ ဘက်သယ်ပါ့ခ် အထက်တန်းကျောင်းပြီးခဲ့တဲ့ ကျောင်း ရိုင်ဖယ်အသင်း အဖွဲ့ဝင်ဟောင်း ဂျိမ်းဆန် မိုင်ယာစ် ကတော့ ဘရွတ်စ်ဟာ အသင်းဝင်ဖို့ အရည်အချင်းမပြည့်မီခဲ့ဘူးလို့ CBS သတင်းဌာနကို ပြောပါတယ်။
“သူ ကြိုးစားခဲ့ပေမဲ့ အငယ်တန်း ကျောင်းရိုင်ဖယ်အသင်းမှာတောင် မပါခဲ့ဘူး” လို့ မစ္စတာ မိုင်ယာစ်က ပြောပါတယ်။
“အထက်တန်းကျောင်းမှာတော့ အသင်းအရန်လူ အဖြစ်ပါဖို့တောင် သူ ထပ်မကြိုးစားခဲ့ဘူး ”
ခရွတ်စ်ဟာ ကျောင်းသားတွေထဲမှာ ရန်လည်းမဖြစ်၊ အထူးတလည် လူစိတ်ဝင်စားတာလည်း မခံရတဲ့ သာမန် ကျောင်းသားလေး တစ်ဦးအနေနဲ့ပဲ အမှတ်ရမိတယ်လို့လည်း သူက ဆက်ပြောပြပါတယ်။
“ဘယ်သူ့ကိုမှ မကောင်းကြောင်း မပြောတတ်တဲ့သူမျိုး။ ပြီးခဲ့တဲ့ရက်တွေမှာ မြင်ခဲ့တာတွေကို လုပ်နိုင်မယ့်သူမျိုးလို့ ကျွန်တော် တခါမှာ မတွေးမိဘူး”
သူ့ရပ်ရွာထဲက နောက်ထပ်လူတွေကတော့ ပစ်ခတ်မှုလုပ်ခဲ့တယ်လို့ စွပ်စွဲခံရသူဟာ သစ်ပင်တန်းတွေနဲ့ တိတ်တိတ်ဆိတ်ဆိတ်ရှိလှတဲ့ သူတို့မြို့ ဘက်သယ် ပါ့ခ်က ဖြစ်တယ်ဆိုတဲ့အချက်ကိုပဲ အတော်လေး အံ့အားသင့်ကြပါတယ်။
အဲဒီလူတွေထဲမှာ ခရွတ်စ် အိမ်နီးချင်းလည်းဖြစ်၊ သူ ကျောင်းသားဘဝက ကျောင်းမှာ အလုပ်လုပ်ကိုင်ခဲ့ဖူးသူလည်းဖြစ်တဲ့ အသက် ၂၇ နှစ်အရွယ် ဂျက်ဆင် မက်ဂီ ဆိုသူ အမျိုးသားလည်း ပါဝင်ပါတယ်။
မစ္စတာ မက်ကီကတော့ သူဟာ ခရွတ်စ်နဲ့ လူချင်း မရင်းနှီးဘူးလို့ ပြောပြီး မယုံနိုင်တဲ့အတွေးတွေ သူ့မှာ ရှိနေတုန်းပဲလို့ ဆိုပါတယ်။
“ဒါဟာ တုန်လှုပ်စရာ ကောင်းတယ်။ ဒီလိုကြောက်မက်ဖွယ်ကောင်းတဲ့ဖြစ်ရပ်တစ်ခုဟာ အိမ့်ကိုယ် အနောက်ဘက်ကနေ ထွက်လာလိမ့်မယ်ဆိုတာမျိုး တွေးမိမှာလည်းမဟုတ်ဘူး” လို့ သူက ပြောပါတယ်။
”ရူးသွားလောက်တယ်ဗျာ”
ခရွတ်စ် အခုလိုလုပ်ရတဲ့နောက်ခံ အကြောင်းအရင်းက ဘာလဲ
အမေရိကန်အစိုးရထောက်လှမ်းရေးအေဂျင်စီတွေကတော့ သူ အခုလိုပြုလုပ်ဖို့ စေ့ဆော်စေတဲ့ အကြောင်းရင်းနဲ့ တခြားလူ ပါဝင်မှုရှိ မရှိကို စုံစမ်းနေပါတယ်။
”လက်ရှိမှာတော့ ဒီလိုဖြစ်စေတဲ့ နောက်ခံ အကြောင်းရင်းကို ကျွန်တော်တို့ မသိနိုင်သေးပါဘူး” FBI ရဲ့ ပစ်ဘာ့မြို့ အထူးစုံထောက် ကယ်ဗင် ရိုဂျက်က စနေနေ့ည သတင်းစာရှင်းလင်းပွဲမှာ ပြောပါတယ်။
ဒီလို နောက်ကွယ်က အကြောင်းရင်းကို စုံစမ်းတာကလည်း လနဲ့ချီကြာမြင့်နိုင်ပြီး စုံစမ်းစစ်ဆေးသူတွေဟာ ခရွတ်စ် အခုလိုပြုလုပ်စေခဲ့တဲ့နောက်ကွယ် အကြောင်းရင်းကို သိနိုင်အောင် ”မနားတမ်း” လုပ်ဆောင်သွားမယ်လို့ မစ္စတာ ရိုဂျက်က ပြောပါတယ်။
စီအန်အန်သတင်းဌာနကိုတော့ မစ္စတာ ခရွတ်စ်ရဲ့ ဖခင် မက်သူး ခရွတ်စ်က “ ဘာတွေဖြစ်ကုန်ပြီလဲဆိုတာ” သူ သိအောင် ကြိုးပမ်းမှာဖြစ်သလို သူ့ သားဖြစ်သူအကြောင်းမပြောခင် “ တရားဥပဒေ စိုးမိုးရေးအဖွဲ့တွေနဲ့ ကျွန်တော် စကားပြောပြီးတဲ့အထိ စောင့်ပါ” လို့ ပြောပါတယ်။
ခရွတ်စ် မိသားစုဟာ စုံစမ်းထောက်လှမ်းသူတွေနဲ့ ပူးပေါင်းဆောင်ရွက်နေတယ်လို့လည်း FBI က ပြောပါတယ်။
ရဲတပ်ဖွဲ့ဝင်တွေကတော့ မိဘတွေနဲ့အတူနေထိုင်တဲ့ ခရွတ်စ်အိမ်နားက လမ်းတွေကို ပိတ်ထားလိုက်ပါပြီ။
ခရွတ်စ်ရဲ့ အိမ်နီးနားချင်းတစ်ဦးကတော့ အရာရှိတွေဟာ သူမကို ညကြီးမင်းကြီးမှာ သတိပေးတာမျိုးမရှိဘဲ နေရာပြောင်းရွှေ့ပေးခဲ့တယ်လို့ CBS သတင်းဌာနကပြောပါတယ်။
ဘတ်တလာမြို့ရဲတပ်ဖွဲ့ဝင်တွေကတော့ ခရွတ်စ် အိမ်နားတဝိုက်မှာ ဗုံးရှာဖွေမှုတွေ ဆက်လုပ်ခဲ့တယ်လို့ ပြောပါတယ်။
ခရွတ်စ်ဟာ ထရန့်ကို ပစ်ခတ်မှုမလုပ်ခင် ကြိုတင်ပြင်ဆင်မှုတွေ လုပ်ခဲ့နိုင်ခြေရှိတယ်ဆိုပြီး တရားဥပဒေစိုးမိုးရေး သတင်းရင်းမြစ်တွေက CBS သတင်းဌာနကို ပြောပါတယ်။
ဒါပေမဲ့ အဲဒီပြင်ဆင်မှုကို ဘယ်လောက်အထိ အချိန်ယူခဲ့လဲဆိုတာကတော့ ဆက်လုပ်နေတဲ့ စုံစမ်းစစ်ဆေးမှုမှာ အဓိကထား စုံစမ်းနေပါတယ်။
ရဲတပ်ဖွဲ့ကတော့ သူ တစ်ယောက်တည်း လှုပ်ရှားခဲ့တာလို့ ယူဆပေမဲ့ လူထုစုဝေးပွဲထဲရောက်အောင် တခြားသူတွေနဲ့အတူ လိုက်သွားခဲ့တာလားဆိုတာကိုတော့ ဆက်ပြီး စုံစမ်းစစ်ဆေးနေပါတယ်။
တခြားသူတွေကို သူ ပစ်ခတ်ခဲ့သေးလား
အမေရိကန်သတင်းဌာန TMZ က ရရှိတဲ့ ရုပ်သံမှာတော့ thayနတ်သမားတစ်ယောက်ဟာ ခေါင်မိုးတစ်ခုပေါ်ကနေ ပစ်ခတ်နေတာကို ပြသနေပါတယ်
ပစ်ခတ်မှုမှာ လူ တစ်ဦး thayဆုံးပြီး နောက်ထပ် နှစ်ဦးလည်း ဒဏ်ရာရခဲ့ပါတယ်။
thayဆုံးသူရော၊ ဒဏ်ရာရသူတွေပါ အရွယ်ရောက် အမျိုးသားတွေဖြစ်ပြီး ထရန့် ဟောပြောပွဲကိုလာနားထောင်တဲ့ ပရိသတ်တွေ ဖြစ်တယ်လို့ CBS သတင်းဌာနက ပြောပါတယ်။
ဇူလိုင် ၁၄ ရက်နေ့က ပြုလုပ်ခဲ့တဲ့ သတင်းစာရှင်းလင်းပွဲမှာတော့ ပန်ဆေဗေးနီးယားပြည်နယ်အုပ်ချုပ်ရေးမှူး ဂျို့ရှ် ရှာပီရိုက thayဆုံးသူဟာ အသက် ၅၀ အရွယ် စေတနာ့ဝန်ထမ်း မီးသတ်အရာရှိ ကိုရီ ကွန်ပါရေထောဆိုသူ ဖြစ်ပြီး မိသားစုကို ကာကွယ်ဖို့ “မိသားစုကို သူ့ကိုယ်နဲ့ ကာကွယ်သွားတယ်” လို့ပြောပါတယ်။
ကွန်ပါရေထော ဟာ ”သူရဲကောင်းတစ်ဦးလို thayဆုံးခဲ့တာ” လို့လည်း သူက ဆက်ပြောပါတယ်။
ပတ်ခတ်တိုက်ခိုက်မှုအပြီး နာရီပိုင်းအတွင်းမှာပဲ thayဆုံးသူနဲ့ဒဏ်ရာရခဲ့သူတွေရဲ့ မိသားစုဝင်တွေကို ကူညီထောက်ပံ့မယ့် အွန်လိုင်းပေါ်ကနေ စေတနာရှင် အလှူရှင်တွေကို ဖိတ်ခေါ်တဲ့ GoFundMe အင်တာနက်စာမျက်နှာတစ်ခုကို မစ္စတာ ထရမ့်ရဲ့ မဲဆွယ်အဖွဲ့ရဲ့ ဘဏ္ဍာရေးညွှန်မှူး မက်ဒစ် အိုရိုဘာ့က ဖွင့်ခဲ့ပါတယ်။
အခုဆို အဲဒီစာမျက်နှာကနေ အလှူငွေ အမေရိကန်ဒေါ်လာ ၃ သိန်း ၄ သောင်း ကျော် ရရှိထားပြီးဖြစ်ပါတယ်။
thayနတ်ပစ်ခံရတဲ့ ဒေါ်နယ် ထရမ့်ကတော့ “ကျွန်တော့် ညာဘက် နားရွက်အပေါ်ပိုင်းကို ကျည်ဆန်ထိမှန်ခဲ့ပါတယ်” လို့ပြောပြီး “ကျည်ဆံက အရေပြားပေါ်ကို ဆုတ်ဖြဲသွားတာကို ခံစားမိခဲ့တယ်”လို့လည်း သူရဲ့ Truth ဆိုရှယ်မီဒီယာ ပေါ်မှာ ရေးတင် ပါတယ်။
သက်တော်စောင့် လုံခြုံရေးအဖွဲ့တွေက ထရမ့်ကို စင်မြင့်ထက်ကနေ ခေါ် ထုတ်သွားချိန်မှာ သူ့ရဲ့နားအပြင် မျက်နှာမှာလည်း သွေးတွေစီးကျနေတာကို မြင်ခဲ့ရပါတယ်။
ထရန့် “ကျန်းမာရေးကောင်းမွန်ပါတယ်” လို့ပြောပြီး လုံခြုံရေးအဖွဲ့ဝင်တွေကိုလည်း ကျေးဇူးတင်တဲ့အကြောင်း ရီပတ်ဘလီကန်ပါတီ အမျိုးသားကော်မတီ(RNC)က သူတို့ရဲ့ အင်တာနက်စာမျက်နှာ ကနေ ထုတ်ပြန်ခဲ့ပါတယ်။
မီတာ ၁၃၀ နီးပါးကနေ ပစ်ခတ်ခဲ့တယ်ဆိုတဲ့ရုပ်ပုံ သရုပ်ဖော်
မသင်္ကာသူ thayနတ်သမားက ထရန့်ကို ဘယ်လောက်အကွာအဝေးကနေ ပစ်ခတ်ခဲ့တာလဲ
လူထုတွေ့ဆုံပွဲမှာ ရှိနေတဲ့ မျက်မြင်တစ်ဦးကတော့ ခရွစ်လို့ယူဆရတဲ့ ရိုင်ဖယ်thayနတ် ကိုင်ထားတဲ့အမျိုးသားတစ်ဦးဟာ ပစ်ခတ်မှုမတိုင်ခင်မှာ အနီးနားက အဆောက်အအုံတစ်ခု အမိုးပေါ်ကို တွယ်တက်သွားခဲ့တာ မြင်ခဲ့တယ်လို့ ဘီဘီစီကို ပြောပါတယ်။
BBC Verify က ဆန်းစစ်ထားတဲ့ရုပ်သံမှာလည်း thayနတ်သမားဟာ အမေရိကန်သမ္မတဟောင်းနဲ့ မီတာ ၂၀၀ တောင်မဝေးတဲ့နေရာက အဆောက်အအုံ ခေါင်မိုးပေါ်ကနေ ပစ်ခတ်ခဲ့တာ လို့ အတည်ပြုနိုင်ခဲ့ပါတယ်။
TMZ က ရရှိတဲ့ ဗီဒီယိုဖိုင်မှာလည်း thayနတ်သမားဟာ “အေအာရ်ပုံစံရိုင်ဖယ်” အမျိုးအစားနဲ့ ပစ်ခတ်ခဲ့တာလို့ CBS သတင်းဌာနက ထုတ်လွှင့်ခဲ့ပါတယ်။
ပစ်ခတ်တာတွေ မရှိခင်ချိန်ထဲက သံသယဖြစ်ဖွယ်လူတစ်ဦးကို တွေ့ရကြောင်း ရဲတပ်ဖွဲ့ကို အကြောင်းကြားခဲ့တာတွေ ရှိခဲ့ပါတယ်။ ဒါပေမဲ့လည်း ရဲတပ်ဖွဲ့ဝင်တွေက ခြေရာမခံနိုင်ခဲ့ဘူးလို့ တရာဥပဒေစိုးမိုးရေး အရင်းအမြစ်တွေက CBS သတင်းဌာနကို ပြောပါတယ်။
ဒါပေမဲ့ ပစ်ခတ်သူဟာ ဘယ်လိုthayနတ်အမျိုးအစားကို ကိုင်ဆောင်ပြီး ဘယ်နှစ်ချက် ပစ်ခတ်ခဲ့တယ်ဆိုတာကို ချက်ချင်းသိနိုင်ဖို့ မလွယ်ကူနိုင်ဘူးလို့ FBI အဖွဲ့ က ပြောပါတယ်။
thayနတ်သမားက သမ္မတဟောင်း ထရန့်ကို ပစ်ခတ်ခဲ့ပြီးတဲ့နောက်မှာတော့ သမ္မတ သက်တော်စောင့်အဖွဲ့ က thayနတ်သမားကို အthay ပစ်ခတ်ဖမ်းဆီးခဲ့ပါတယ်။
ယူနီဖောင်းအပြည့်အစုံဝတ်ထားတဲ့ အခြား လက်နက်ကိုင် တပ်ဖွဲ့ဝင်တွေဟာလည်း ခေါင်မိုးပေါ်မှာလဲကျနေတဲ့ လူငယ်တစ်ဦးဆီကို ဦးတည်သွားခဲ့ကြတာဖြစ်ပါတယ်။
ရေးသားသူ –BBC Burmese
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
