ဗောကွင်းစီးရင်း အိပ်ပျော်သွားလို့ ပင်လယ်ထဲ ၁၉ နာရီကြာ မျောပါသွားသူ
ဗောကွင်းစီးရင်း ဘီယာသောက်နေတဲ့ အမျိုးသားတစ်ဦးဟာ ၁၉ နာရီကြာ ပင်လယ်ထဲ မျောပါသွားခဲ့ပါတယ်။ ဟောင်နန်လို့ အမည်ရတဲ့ အသက် ၅၈ နှစ်အရွယ် အမျိုးသားဟာ ဇူလိုင်လ ၆ ရက်နေ့ ည ၆ နာရီ၊ ၇ နာရီဝန်းကျင်မှာ ဘီယာဘူးတွေ ယူလာပြီး ထိုင်ဝမ်မြောက်ပိုင်းက နယူးတိုင်ပေမြို့ ကမ်းခြေမှာ ဗောကွင်းစီးနေခဲ့တာပါ။
ဟောင်နန်ဟာ ဗောကွင်းစီးနေရင်း အိပ်ပျော်သွားခဲ့ပြီး ပြန်နိုးလာချိန်မှာတော့ ကမ်းနဲ့ အလှမ်းဝေးဝေးကို ရောက်နေပါပြီ။ သူက အော်ဟစ်အကူအညီတောင်းခဲ့ပေမဲ့ ကမ်းနဲ့ဝေးလွန်းလို့ ဘယ်သူမှ မကြားခဲ့ပါဘူး။ သူဟာ တညလုံး ပင်လယ်ထဲ မျောပါနေပြီး နောက်တစ်နေ့ နေ့လယ် ၁ နာရီခွဲအချိန်ကျမှ Wanli Princess 168 ငါးဖမ်းသင်္ဘောပေါ်မှ သင်္ဘောသားတွေက သူ့ကို တွေ့ရှိခဲ့ကြတာပါ။
ဟောင်နန်ကို ဆေးရုံပို့ပြီး ကျန်းမာရေးစစ်ဆေးမှုတွေ ပြုလုပ်ခဲ့ပြီးနောက် အထွေအထူး စိုးရိမ်စရာမရှိလို့ အချိန်ပိုင်းအတွင်း ဆေးရုံဆင်းခွင့် ပေးခဲ့ပါတယ်။ ဟောင်နန်ရဲ့ သတင်းက အွန်လိုင်းမှာ ပျံ့နှံ့သွားခဲ့ပြီး လူအများစုကတော့ ကံကောင်းလို့ အသက်ရှင်သန်ခဲ့တာလို့ မှတ်ချက်ပေးခဲ့ကြပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။