၅ ရက်၊ ၅ နာရီ၊ ၂၃ မိနစ်အတွင်း အိုင်ယာလန်ကို ဘီးတစ်လုံးပါ စက်ဘီးနဲ့ ဖြတ်သန်းပြီး ဂင်းနက်စ်စံချိန် တင်ခဲ့သူ
အိုင်ယာလန်အမျိုးသားတစ်ဦးဟာ ဘီးတစ်လုံးပဲပါတဲ့ စက်ဘီးကိုစီးပြီး အိုင်ယာလန်နိုင်ငံတောင်ဖျားကနေ မြောက်ဖျားအထိ ၃၀၈ မိုင်အကွာအဝေးကို ၅ ရက်၊ ၅ နာရီ၊ ၂၃ မိနစ်နဲ့ ဖြတ်သန်းနိုင်ခဲ့ပြီး ဂင်းနက်စ်စံချိန် တင်နိုင်ခဲ့ပါတယ်။
အေမွန်ကိဗ်နေးဟာ အိုင်ယာလန်နိုင်ငံတောင်ဘက်ဖျား မိုင်ဇန်ဟတ်ကနေ မြောက်ဘက်ဖျားဖြစ်တဲ့ မာလင်ဟတ်အထိ ဘီးတစ်လုံးပဲပါတဲ့ စက်ဘီးကိုစီးသွားခဲ့တာပါ။ သူဟာ တစ်ရက်ကို ၁၂ နာရီနှုန်း စက်ဘီးစီးခဲ့ပြီး တစ်နေ့တာ ခရီးစဉ် ပြီးဆုံးခါနီးတိုင်း စက်ဘီးမစီးချင်တော့လောက်အောင် ပင်ပန်းနွမ်းလျခဲ့တယ်လို့ ဆိုပါတယ်။
ကိဗ်နေးဟာ ၂၀၁၆ ခုနှစ်တုန်းကလည်း ခြေဗလာနဲ့ ခရီးအဝေးဆုံးသွားနိုင်သူအဖြစ် ဂင်းနက်စ်စံချိန် တင်ခဲ့ဖူးပါတယ်။ အဲဒီနောက်မှာလည်း ၁၀ ရက်အတွင်း တောင် ၁၀ လုံးကို ခြေဗလာနဲ့ တက်ခဲ့ဖူးပါတယ်။
ကိဗ်နေးဟာ အရင်တုန်းက ဘီးတစ်လုံးပါ စက်ဘီးကို လုံးဝမစီးခဲ့ဖူးပါဘူး။ ဂင်းနက်စ်စံချိန်တင်ဖို့ အကြံရတော့မှ ဘီးတစ်လုံးပါ စက်ဘီးကို အစီးကျင့်ခဲ့တာ ဖြစ်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။