kaon particle ကို ရှာဖွေတွေ့ရှိခဲ့ပေမဲ့ ကျောင်းထွက်ခဲ့ရတဲ့ အမျိုးသမီးကြီးကို ဂုဏ်ထူးဆောင်ဒေါက်တာဘွဲ့ အပ်နှင်း
လွန်ခဲ့တဲ့ ၇၅ နှစ်က မိသားစုကို ကျွေးမွေးစောင့်ရှောက်ဖို့ တက္ကသိုလ်ကနေ ထွက်ခဲ့ရတဲ့ ရူပဗေဒကျောင်းသူ အမျိုးသမီးကြီးဟာ အသက် ၉၈ နှစ်အရွယ်မှာ ဂုဏ်ထူးဆောင် ဒေါက်တာဘွဲ့ အပ်နှင်းခံခဲ့ရပါတယ်။ ရို့စ်မေရီဖောင်လာဟာ ၁၉၄၈ ခုနှစ်က ဘရစ္စတိုးတက္ကသိုလ်မှာ ပညာသင်ကြားနေရင်း (kaon particle)အမှုန်ကို ရှာဖွေတွေ့ရှိခဲ့ပါတယ်။ ဒါပေမဲ့ သူဟာ ဒေါက်တာဘွဲ့ မရခင်မှာပဲ ရူပဗေဒပညာရှင်တစ်ဦးဖြစ်သူ ပီတာဖောင်လာနဲ့ အိမ်ထောင်ကျခဲ့ပြီး မိသားစုတာဝန်တွေကြောင့် ကျောင်းထွက်ခဲ့ရတာပါ။
” ရို့စ်မေရီဖောင်လာရဲ့ အရေးပါတဲ့ ရှာဖွေတွေ့ရှိမှုတွေက ယနေ့ခေတ် ရူပဗေဒပညာရှင်တွေရဲ့လုပ်ဆောင်မှုတွေနဲ့ စကြဝဠာအကြောင်း ကျွန်တော်တို့ရဲ့ သိရှိနားလည်မှုအပေါ် ပုံဖော်ပေးနိုင်ခဲ့ပါတယ်” လို့ ဘရစ္စတိုးလ်တက္ကသိုလ်ရဲ့ ပါမောက္ခချုပ် ဆာပေါလ်နာ့စ်က ပြောပါတယ်။
ရို့စ်မေရီဖောင်လာဟာ kaon particle ကို ရှာဖွေတွေ့ရှိချိန်မှာ အသက် ၂၂ နှစ်အရွယ်ပဲ ရှိပါသေးတယ်။ ရို့စ်မေရီဖောင်လာကို ကမ်းဘရစ်ချ်မြို့မှာရှိတဲ့ သူ့ရဲ့နေအိမ်အနီးမှာ သီးသန့်ဘွဲ့နှင်းသဘင်အခမ်းအနား ကျင်းပပေးပြီး သိပ္ပံဆိုင်ရာ ဂုဏ်ထူးဆောင်ဒေါက်တာဘွဲ့ အပ်နှင်းခဲ့တာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
