တောမီးလောင်ချိန်မှာ ရေကူးကန်ထဲ ရေငုပ်ရင်း အသက်ရှင်လွတ်မြောက်ခဲ့တဲ့ အမျိုးသား
သြစတြေးလျအမျိုးသားတစ်ဦးဟာ တောမီးလောင်ကျွမ်းမှု ကြုံတွေ့ချိန် ရေကူးကန်ထဲ ရေငုပ်ရင်း အသက်ရှင် လွတ်မြောက်ခဲ့တဲ့အကြောင်း ပြန်ပြောပြခဲ့ပါတယ်။ အသက် ၅၃ နှစ်အရွယ်ရှိတဲ့ ပီတာဖာဘရီစီဟာ သြစတြေးလျနိုင်ငံ အနောက်ပိုင်းမှာ နေထိုင်သူပါ။ လွန်ခဲ့တဲ့ နှစ်ပိုင်းအတွင်း သူတို့ဒေသမှာ ဧက ၇၀၀၀ ကျော် လောင်ကျွမ်းခဲ့ပြီး နေအိမ် ၃၀ ကျော် ပျက်စီးဆုံးရှုံးခဲ့တဲ့ တောမီးလောင်ကျွမ်းမှု ဖြစ်ပွားခဲ့ပါတယ်။
တောမီး ကူးစက်ပျံ့နှံ့လာချိန်မှာ တခြားသူတွေက နေရပ်စွန့်ခွာ ထွက်ပြေးခဲ့ကြပေမဲ့ ဖာဘရီစီကတော့ သူ့အိမ်မှာပဲ ဆက်နေဖို့ ဆုံးဖြတ်ခဲ့ပါတယ်။ မီးခိုးတွေကြားမှာ အသက်ရှူမကြပ်အောင် နေနိုင်ဖို့ စကူဘာရေငုပ် ကိရိယာတွေ တပ်ဆင်ခဲ့ပါတယ်။ ဒါပေမဲ့ အခြေအနေ ပိုဆိုးလာလို့ ဖာဘရီစီက သူ့အိမ်နီးနားချင်းရဲ့ ရေကူးကန်ထဲ သွားနေခဲ့ရပါတယ်။ တောမီးက သူ့လမ်းကြောင်းတစ်လျှောက် ကူးစက်ပျံ့နှံ့သွားချိန်မှာ ဖာဘရီစီက ရေကူးကန်ထဲ ၅ မိနစ်ကြာ ရေငုပ်နေခဲ့တာပါ။
အဲဒီတောမီးလောင်ကျွမ်းမှုမှာ ဖာဘရီစီရဲ့ နေအိမ်ကတော့ မီးလောင်ပျက်စီးမှုကနေ လွတ်မြောက်သွားခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။