နာမည်ကျော် YouTuber MrBeast ရဲ့ TeamSeas ပရောဂျက်က သမုဒ္ဒရာထဲမှ အမှိုက်အလေးချိန် ပေါင် ၃၄ သန်းကို ဖယ်ရှားပေးနိုင်ခဲ့
နာမည်ကျော် YouTuber တွေဖြစ်တဲ့ MrBeast နဲ့ Mark Rober တို့ ပူးပေါင်းလုပ်ဆောင်ခဲ့ကြတဲ့ TeamSeas ပရောဂျက်ဟာ သမုဒ္ဒရာထဲမှာ အမှိုက် အလေးချိန် ပေါင် ၃၄ သန်းကို ဖယ်ရှားပေးနိုင်ခဲ့ပါတယ်။ လှူဒါန်းငွေ တပြားတချပ်တိုင်းအတွက် အကျိုးဖြစ်စေရမယ်ဆိုတဲ့ ကြွေးကြော်ချက်နဲ့အတူ ၂၀၂၁ ခုနှစ် အောက်တိုဘာလမှာ ဒီစီမံကိန်းကို စတင်ခဲ့ကြတာဖြစ်ပါတယ်။
The Ocean Cleanup၊ Ocean Conservancy စတဲ့ အဖွဲ့အစည်းတွေနဲ့ ပူးပေါင်းလုပ်ဆောင်ခဲ့ကြတာဖြစ်ပြီး အလှူငွေ ဒေါ်လာ ၃၃ သန်းအထိ ရရှိခဲ့ကြလို့ မူလရည်မှန်းထားတာထက် ပိုမိုဆောင်ရွက်နိုင်ခဲ့ကြပါတယ်။ နိုင်ငံပေါင်း ၂၀၀ ကျော်မှာ သန့်ရှင်းရေးလုပ်ငန်းတွေ ဆောင်ရွက်ပေးတဲ့ စေတနာ့ဝန်ထမ်း ၁၁၂၀၀၀ ကျော်အထိ ရှိခဲ့တာပါ။
TeamSeas ပရောဂျက်ရဲ့ အောင်မြင်မှုဟာ အနာဂတ်ကာလ သဘာဝပတ်ဝန်းကျင်အရေး လှုပ်ရှားမှုတွေအတွက် မျှော်လင့်ချက်ရောင်ခြည်ဖြစ်တယ်လို့ ဆိုကြပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။