လကမ္ဘာရဲ့ အဝေးဘက်ခြမ်းကနေ နမူနာတွေယူပြီး ပြန်လာခဲ့တဲ့ Chang’e-6 လွန်းပျံယာဉ် ကမ္ဘာမြေပေါ် ပြန်လည်ဆင်းသက်
လကမ္ဘာရဲ့ အဝေးဘက်ခြမ်းကနေ ဓာတ်ခွဲစမ်းသပ်စရာ နမူနာတွေယူပြီး ပြန်လာခဲ့တဲ့ တရုတ်နိုင်ငံဟာ Chang’e-6 လွန်းပျံယာဉ်ဟာ ဇွန်လ ၂၅ ရက်က မွန်ဂိုးလီးယားအတွင်းပိုင်းဒေသကို ဆင်းသက်နိုင်ခဲ့ပါပြီ။ ဒါကြောင့် တရုတ်နိုင်ငံဟာ လကမ္ဘာရဲ့ အဝေးဘက်ခြမ်းကနေ နမူနာတွေ သယ်ယူလာနိုင်တဲ့ ပထမဆုံးနိုင်ငံ ဖြစ်လာခဲ့ပါပြီ။
Chang’e-6 လွန်းပျံယာဉ်ဟာ လကမ္ဘာရဲ့ အပေါ်ယံမြေလွှာလို့ ခေါ်ဆိုရမယ့် သဲ၊ ဖုန်မှုန့် ၄.၄ ပေါင်ကို သယ်ယူလာခဲ့တာပါ။ ဇွန်လ ၁ ရက်နေ့က လကမ္ဘာရဲ့ တောင်ဝင်ရိုးစွန်းကို ဆင်းသက်နိုင်ခဲ့တဲ့ Chang’e-6 လွန်းပျံယာဉ်ဟာ စက်ရုပ်လက်တံကို အသုံးပြုပြီး အပေါ်ယံမြေလွှာကို တူးယူခဲ့တာပါ။
တရုတ်နိုင်ငံဟာ Chang’e-1 ကနေ Chang’e-5 အထိ လကမ္ဘာထံ ခရီးစဉ် ၅ ကြိမ်သွားရောက်ခဲ့ပြီး လကမ္ဘာရဲ့ အဝေးဘက်ခြမ်းမှာလည်း မိုးလေဝသစခန်း တည်ဆောက်နိုင်ခဲ့ပါတယ်။ ” ဒါက ရွှေတွင်းကြီးပါပဲ။ ရတနာသိုက်ပေါ့ဗျာ။ နိုင်ငံတကာက သိပ္ပံပညာရှင်တွေလည်း ဒီစီမံကိန်းအပေါ် အလွန်စိတ်လှုပ်ရှားနေကြပါတယ်” လို့ ဘရောင်းတက္ကသိုလ်ရဲ့ ဂြိုဟ်ဆိုင်ရာ ဘူမိသိပ္ပံပါမောက္ခ ဂျိမ်းစ်ဟတ်က ပြောပါတယ်။
လူသားတွေဟာ လကမ္ဘာရဲ့ အဝေးဘက်ခြမ်းကို မြင်ဖူးခဲ့ခြင်းမရှိပါဘူး။ လကမ္ဘာရဲ့ အဝေးဘက်ခြမ်းမှာ စတည်ဖြစ်တည်စဉ် အစောပိုင်းကာလရဲ့ သဘောသဘာဝနဲ့ ဗီဇအခြေအနေတွေကို ပကတိအတိုင်း တွေ့ရနိုင်သေးတယ်လို့ သိပ္ပံပညာရှင်တွေက ယူဆထားကြပါတယ်။ ကမ္ဘာပေါ်မှ ပြတ်ရွေ့ကြောတွေကြောင့် ကမ္ဘာဂြိုဟ်ရဲ့ အစောပိုင်းကာလ သွင်ပြင်လက္ခဏာ၊ အခြေအနေတွေ ပျက်စီးခဲ့ပေမဲ့ လကမ္ဘာပေါ်မှာ ပြတ်ရွေ့ကြောမရှိလို့ မူလဘူတ သွင်ပြင်လက္ခဏာတွေ မြင်ရဖွယ် ရှိနေပါတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။