အိမ်မှာဘုရားပန်းအိုးကပ်ရင်
အိမ်မှာဘုရားပန်းအိုးကပ်ရင်
၂ အိုး ၄ အိုး စုံ ကပ်တာများ
ဘုရား ပန်းအိုး ကပ်တော ပဲ
ဘယ်နှစ်အိုးကပ်ကပ်ပါ လှူတဲ့စိတ်အဓိကလို့ ယုံကြည်တယ်
ဒါလေးဖတ်ရတော့ ပိုကျေနပ်
ဗဟုသုတ လေး မျှ ဝေပေးပါသည်
၁။ ပန်း ဘာကြောင့် ကပ်ရသလဲ?
၂။ ပန်းအိုး ဘယ်နှအိုး ထားသင့်သလဲ?
၁။ ဂေါတမ မြတ်စွာဘုရားရှင်
ဇေတဝန်ကျောင်း ဂန္ဓကုဋီတိုက်တော်မှာ
သီတင်းသုံးတော်မူစဉ်
ရပ်ဝေးရပ်နီးမှ ရဟန်းရှင်လူအများ
ဘုရားဖူးတရားနာလာကြကုန်၏။
ခရီးကပန်း
လမ်းကကြမ်းသောကြောင့်
ချွေးသီးချွေးပေါက် အသွယ်သွယ်
ဖုန်အလိမ်းလိမ်းနှင့်ပေါ့။
တချို့မှာချွေးနံ့တထောင်းထောင်းနှင့်
ဘုရားရှင်သီတင်းသုံးရာ
ဂန္ဓကုဋီတိုက်တော်တခုလုံး
အနံ့သက်တွေကမကောင်း။
ဒါကို သတိပြုမိတဲ့
ညီတော်အရှင်အာနန္ဒာစသော
ရဟန်းရှင်လူတွေက ဘုရားနဲ့
တရားနာပရိသတ်အကြားမှာ
ပန်းနံ့သာတွေကို ထားခဲ့ကြတယ်။
ဘုရားပန်းတွေကြောင့်
ပရိသတ်တွေဆီက ချွေးနံ့တွေ
ဘုရားဆီမရောက်တော့ဘူးပေါ့။
တရားနာပရိသတ်တွေလည်း
ပန်းနံ့လေးတွေရ ပန်းတွေကိုမြင်ပြီး
အမောတွေပြေ
စိတ်တွေကြည်လင်လာတယ်။
တရားနာရတာလည်း
အရင်ကထက်
ကြည်ကြည်နူးနူးရှိလာတယ်
ထိုအချိန်မှစ၍
ဘုရားပန်းလှူတဲ့ဓလေ့က
စတင်လာတယ်။
ပန်းပန်တာမဟုတ်တဲ့အတွက်
မာလာဂန္ဓ ဝိလေပနဆိုတဲ့
သီလနဲ့လည်း ငြိစွန်းမှုမရှိတော့ဘူး
အပြစ်ကင်းတယ်။
၂။ ပန်းအိုးဘယ်နှအိုး
ထားရမလဲဆိုတဲ့ အမေးမှာ
နံပါတ် ၁ အဖြေက
သက်သေဖြစ်တယ်။
ဘယ်နှအိုးထားထား
အပြစ်မရှိဘူး။
မိမိတို့ရဲ့ ဘုရားစင်နဲ့
လိုက်ဖက်သလိုထားနိုင်တယ်။
၁ အိုး ၃ အိုး စသည်ဖြင့်
မဂဏန်းထားမှ
၂ အိုး ၄ အိုး စသည်ဖြင့်
စုံဂဏန်းထားမှဟု
ဘုရားဟောမရှိခဲ့ဘူး။
စုံမခွဲပြီးလှူဒါန်းတာက
ဗုဒ္ဓဘာသာရဲ့ အယူအဆမဟုတ်။
မိမိရဲ့ဘုရားစင်အနေအထားက
ဘယ်နှအိုးထားမှ
တင့်တယ်မယ်ဆိုတာကို
ချင့်ချိန်တတ်ဖို့အရေးကြီးသည်။
တချို့က ယတြာတွေ
အဓိဋ္ဌာန်တွေကြောင့်
အရေအတွက်အမျိုးမျိုးလှူကြတယ်။
ဘယ်လိုပဲလှူလှူ ကုသိုလ်က ကုသိုလ်ပဲ။
ဘုရားပန်းတွေလန်းတော့
ဘုရားကျောင်းလည်း
မဂ်လာကျက်သရေတိုးတာပေါ့။
တရားချစ်ခင်
စိတ်ကောင်းဝင်ကြကုန်သော
သူတော်စင် ပရိသတ်အပေါင်း
ကပ်သုံးပါးနှင့်ဝေး၍
အမြတ်ဆုံးတရားနှင့်အေးပါစေ။
ကိုယ်စိတ်နှစ်ဖျာကျန်းမာချမ်းသာ လန်းဖြာကြပါစေ။
Copy ယူရျ် ပြန်လည်မျှဝေပေးခြင်းဖြစ်ပါသည်။
ရေးသားသူ –Crd
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
