သီလရှင်ကို_အမျိုးသားတွေ_ရှိခိုးသင့်ပါသလား
“သီလရှင်”စတင်ဖြစ်ပေါ်လာပုံ သမိုင်းအကျဉ်းကို အရင်သိထားဖို့လိုအပ်ပါတယ်။ မြတ်စွာဘုရားရှင် လက်ထက်တော် အခါကာလမှာ မိထွေးတော် ဂေါတမီကို အကြောင်းပြုပြီး “အမျိုး သမီး သာသနာ” စတင်ပေါ်ထွန်း ခဲ့ပါတယ်။
စာလိုပေလိုတော့ “ဘိက္ခူနီ သာ သနာ” လို့ခေါ်တာပေါ့။အဲဒီသာ သနာဟာ မြတ်စွာဘုရား ပရိနိဗ္ဗာန်စံဝင်ပြီး နှစ်ပေါင်း ငါးရာလောက်မှာပဲ အပြီးတိုင် ပျောက်ကွယ် ခဲ့ပါတယ်။
ဘာကြောင့်လည်းဆိုတော့ အမျိုးသမီးတွေမြတ်စွာဘုရားရဲ့ ဝိနည်းသိက္ခာပုဒ်တွေကို ထိန်းသိမ်းနိုင်သူ မိမိကိုယ်ကို ကာကွယ်စောင့်ရှောက်နိုင်စွမ်းရှိသူတွေ မ ပေါ်ထွန်းတော့ လို့ပါပဲ။
မြန်မာနိုင်ငံတွင် သာသနာနှစ် (၉၀၀-၁၄၀၀)အတွင်းမှာ အမျိုးသမီးတွေ သာသနာတွင်း ဝင်ရောက်လာခြင်းမှစ၍ “သီလရှင် သာသနာ” စတင်ပေါ်ထွန်း ခဲ့ပါတယ်။
ကုန်းဘောင်ခေတ် အရောက်မှာတော့ သာသနာပိုင် ရှမ်းကလေးကျွန်း ဆရာတော်ရဲ့ ညီ မအရင်းဖြစ်ပြီး အလွန်နာမည်ကြီးတဲ့သီလရှင် မယ်ကင်း (ဘွဲ့ အမည် ကတော့ “မယ်ခေမာ”) ရဲ့ ကြိုးစားအားထုတ်မှုကြောင့် မြန်မာနိုင်ငံ သီလရှင်သာသနာဟာ
ထွန်းတောက်လာခဲ့ ပါတော့တယ်။ ဒါဟာ “သီလရှင် သာသနာသမိုင်း” အကျဉ်းချုပ်ပါ။
အမျိုးသမီးတွေဟာ သီလရှင်ဝတ်ပြီဆိုတာနဲ့ ရဟန်းတော်တစ်ပါးပါးထံမှာ ရှစ်ပါး သို့မဟုတ် ကိုးပါးသီလကို ခံယူဆောက်တည် ကြရပါတယ်။ သီလရှင် အချင်းချင်းထံမှာ သီလရှင်ဝတ်လို့ မရပါဘူး။
သီလရှင်ဖြစ်ပြီ ဆိုတာနဲ့ လိင်ဆယ်ပါး ဒဏ်ဆယ်ပါး သေခိယ(၇၅)ပါးစတဲ့ကျင့်ဝတ်တရား တွေကို စောင့်ထိန်းကြဖို့ ဆရာတော်က မိန့်ကြားရပါတယ်။ဒါဆိုရင် “သီလရှင်ကိုအမျိုးသား တွေ ရှိခိုးသင့် မသင့်”ဆိုတာ ရိပ်မိလောက်ပြီ ထင်ပါတယ်။
ဗုဒ္ဓသာသနာတော်မှာရှိခိုးပူဇော်ခြင်းဆိုတာဟာ သီလနဲ့သာသနာ တော်ကိုသာ ရှိခိုးပူဇော်တာဖြစ်ပြီး ပုဂ္ဂိုလ်ကို အဓိကထားတာ မဟုတ်ပါဘူး။ ပုဂ္ဂိုလ်ကို ကြည့်မယ် ဆိုရင်တော့ သူလည်း ခန္ဓာငါးပါး ကိုယ်လည်း ခန္ဓာငါးပါး
ထူးခြားမှု မရှိပါဘူး။
များသောအားဖြင့် ငါးပါး သီလသာ စောင့်ထိန်းကြတဲ့ အမျိုးသားတွေဟာ သီလရှင်တွေကို သူတို့ပြုစုနေတဲ့ သာသနာတော်နဲ့ သူတို့စောင့်ထိန်းထားတဲ့ သီလသိက္ခာတွေ ကျင့်ဝတ်တရား တွေကို ပူဇော်တယ်လို့ သဘောထားပြီး ရှိခိုးပူဇော်မယ်ဆိုရင်
ကုသိုလ်တွေ ပွားနိုင်ပါတယ်။
ထို့အပြင် (မိန်းမတွေဟာ ယောက်ျားတွေအောက် ယုတ်ညံ့တယ်ဆိုတာလည်း မဖြစ်နိုင်တဲ့အတွက် ကိုယ့်ထက် အသက် သိက္ခာကြီးမားတဲ့ အမျိုးသမီးတွေ သီလရှင်တွေကို ကန်တော့ခြင်းဟာ
ဘုန်းနိမ့်တယ်ဆိုတာ မမှန်ကန်ပါဘူး)။
တစ်ချို့အမျိုးသမီးတွေတောင် မရှိခိုးကြပါဘူး။သီလရှင်ရှိခိုးရင် ဘုန်းနိမ့်သလို လိုဘာလို လိုနဲ့ မရှိခိုးကြဘူး။ တစ်ကယ်တော့ သီလရှင်မှာလည်းသိက္ခာပုဒ်တွေ အများကြီးရှိပါတယ်။လူတွေမှာက ငါးပါးသီလပဲ စောင့်ကြတယ်။ ငါးပါးသီလတောင် လူတိုင်း မမြဲကြပါဘူး။
ဒါကြောင့် အမှန်တကယ် သီလရှင်ကို ရှိခိုးသင့်ပါတယ်။ ကိုယ်ရဲ့ အမေ အမတွေတောင် ရှိခိုးသေးတာပဲ သိက္ခာပုဒ်စောင့်ထိန်းပြီး ဘုရားသာသနာတွင်း မှာနေတဲ့ သီလရှင်ဆိုတော့ ပိုပြီးတော့တောင် ရှိခိုးရမှာပါ ။ သီလရှင်တွေကို ရှိခိုးရင် ဘုန်းနိမ့်သလိုလို ကံနိမ့်သလိုလို နဲ့မရှိခိုးပဲ လူနဲ့တန်းတူ ဆက်ဆံတာတွေ တွေ့ရမြင်ရတာ တကယ်စိတ်မချမ်းသာ စရာတွေပါ။အားလုံး တရားအမှန်ကို သိကြပါစေ။
(စေတနာပန်းခင်းဆရာတော်)
# ဓမ္မရတနာ
သီလရှင်တွေရဲ့ သိက္ခာပုဒ်တော်ကို ယ္ခုထက် ပိုမိုသိချင်ပါတယ်ဆိုသူများ #ဝီကီပီးဒီးယား-မှာ လေ့လာဖတ်ရှုနိုင်ပါတယ်။
ရေးသားသူ –သာထက်ဇော်မကွေး
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
