အသက် ၁၀ နှစ်ကွာတဲ့ အဆိုတော်နဲ့ တွဲနေတဲ့ မင်းသမီး ဟန်ဂျီမင်း
တောင်ကိုရီးယားမင်းသမီးချော ဟန်ဂျီမင်းဟာ Jannabi အဆိုအဖွဲ့ရဲ့ အဖွဲ့ဝင် ချွိုက်ဂျွန်ဟွန်းနဲ့ ချစ်သူတွေဖြစ်နေပါတယ်။ ဒီအကြောင်းကို ဩဂုတ်လ ၈ ရက်နေ့မှာ သတင်းမီဒီယာတစ်ခုက ထုတ်ပြန်ပြီးနောက် နှစ်ဦးလုံးရဲ့အေဂျင်စီတွေက အတည်ပြုပေးခဲ့တာပါ။
ဟန်ဂျီမင်းနဲ့ ချွိုက်ဂျွန်ဟွန်းတို့က KBS2 ရုပ်သံလိုင်းရဲ့ Music Talk Show “The Seasons: Choi Jung Hoon’s Night Park” မှာ တွေ့ဆုံခဲ့ပြီးနောက် မကြာသေးခင်ကမှ သူတို့စပြီးတွဲခဲ့ကြတယ်လို့ သတင်းမီဒီယာတစ်ခုက ထုတ်ပြန်ထားပါတယ်။
ဒီထုတ်ပြန်ချက်နဲ့ပတ်သက်ပြီး ဟန်ဂျီမင်းရဲ့ အေဂျင်စီ BH Entertainment က “ဟန်ဂျီမင်းနဲ့ Jannabi အဖွဲ့ရဲ့ ချွိုက်ဂျွန်ဟွန်းတို့က တွဲနေကြတာမှန်ပါတယ်။ မကြာသေးခင်ကမှ သူတို့နှစ်ဦးဟာ ချစ်သူတွေဖြစ်လာခဲ့တာပါ”လို့ အတည်ပြုပေးခဲ့ပါတယ်။
ချွိုက်ဂျွန်ဟွန်းရဲ့အေဂျင်စီ Peponi Music ကလည်း “ကျွန်တော်တို့ ဒါကို စစ်ဆေးကြည့်လိုက်တော့ ‘The Seasons: Choi Jung Hoon’s Night Park ကတဆင့် သူတို့နှစ်ဦး စတွေ့ဆုံခဲ့ကြပြီး ချစ်သူတွေဖြစ်လာကြတယ်ဆိုတာ မှန်ပါတယ်”လို့ ပြောကြားခဲ့ပါတယ်။
၂၀၂၃ ခုနှစ် ဩဂုတ်လမှာ ဟန်ဂျီမင်းက ‘The Seasons: Choi Jung Hoon’s Night Park မှာ ပါဝင်ခဲ့ပြီး သူတို့နှစ်ဦးဟာ သီချင်းတွေကို နှစ်ယောက်အတူတူဆိုခဲ့ကြပါတယ်။ သူတို့နှစ်ဦးက အသက် ၁၀ နှစ်ကွာပါတယ်။ ဟန်ဂျီမင်းက ၁၉၈၂ ခုနှစ်ဖွားဖြစ်ပြီး ချွိုက်ဂျွန်ဟွန်းကတော့ ၁၉၉၂ ခုနှစ်ဖွားဖြစ်ပါတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
