အိမ်ထောက်သက် ၂ နှစ်အကြာမှာ ဘင်အက်ဖလက်ခ်နဲ့ ကွာရှင်းခွင့်တင်ခဲ့တဲ့ ဂျနီဖာလိုပက်ဇ်
အဆိုတော်မင်းသမီး ဂျနီဖာလိုပက်ဇ်က ခင်ပွန်းဖြစ်သူ လင်နို့လူသားဇာတ်ကောင် မင်းသားဘင်အက်ဖလက်ခ်နဲ့ ၂ နှစ်ကြာ လက်ထပ်ပြီးနောက် ဩဂုတ်လ ၂၀ ရက်နေ့မှာ ကွာရှင်းခွင့်တင်ခဲ့တယ်။ ဘာကြောင့် ကွာရှင်းလိုက်ကြတယ်ဆိုတာကိုတော့ အသေးစိတ်မသိရှိရသေးဘူးလို့ သိရပါတယ်။
သူတို့စုံတွဲက ၂၀၂၂ ခုနှစ် ဇူလိုင်လက လာ့စ်ဗီးဂတ်စ်မှာ လက်ထပ်ခဲ့ကြတာပါ။ သူတို့ရဲ့လက်ထပ်မှုကို လိုပက်ဇ်က သူ့ရဲ့ဝက်ဘ်ဆိုဒ်မှာ “ကျွန်မတို့ လက်ထပ်လိုက်ကြပြီ။ အချစ်က လှပပါတယ်။ အချစ်က အကြင်နာတရားပါပဲ။ အချစ်က စိတ်ရှည်ရတယ်။ နှစ်နှစ်ဆယ်စိတ်ရှည်ခဲ့တယ်”လို့ ရေးသားကြေညာခဲ့တာပါ။
လာ့စ်ဗီးဂတ်စ်မှာ လက်ထပ်ပြီး နောက်လကျတော့ ဒုတိယမင်္ဂလာပွဲကို ဂျော်ဂျီယာမှာ ကျင်းပခဲ့ပါတယ်။ သူတို့စုံတွဲက ၂၀၀၀ ပြည့်နှစ်အစောပိုင်းမှာ တွဲခဲ့ဖူးပြီး ၂၀၀၃ ခုနှစ်မှာ စေ့စပ်ခဲ့ကြပေမဲ့ မင်္ဂလာပွဲကို ရွှေ့ဆိုင်းခဲ့ကာ နောက်ပိုင်းမှာ လမ်းခွဲခဲ့ကြပါတယ်။
နောက်ပိုင်း သူတို့ဟာ အိမ်ထောင်ကိုယ်စီကျခဲ့ကြပါတယ်။ ၂၀၂၁ ခုနှစ်ကျမှ ဘင်အက်ဖလက်ခ်နဲ့ ဂျနီဖာလိုဗက်ဇ်တို့ ပြန်တွဲဖြစ်ခဲ့ကာ လက်ထပ်ဖြစ်ခဲ့တာပါ။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။