ဩဂုတ်လအတွင်း Google မှာ အရှာများဆုံး ထိုင်းဇာတ်လမ်းတွဲနဲ့ဇာတ်ကားများ
ကိုရီးယားဇာတ်လမ်းတွဲတွေလိုပဲ ထိုင်းဇာတ်လမ်းတွဲနဲ့ ဇာတ်ကားတွေကလည်း ပရိသတ်တွေကို ဆွဲဆောင်ထားနိုင်တယ်ဆိုတာ ဘယ်သူမှငြင်းနိုင်မှာမဟုတ်ပါဘူး။ အခုနှစ်ထဲမှာလည်း ထိုင်းဇာတ်လမ်းတွဲ၊ ထိုင်းဇာတ်ကားကောင်းလေးတွေ ထွက်ရှိထားပါတယ်။ လက်ရှိ ဘယ်ဇာတ်လမ်းတွဲတွေ၊ ဘယ်ဇာတ်ကားတွေကို ပရိသတ်တွေစိတ်ဝင်စားနေလဲ သိချင်ကြမယ်ထင်ပါတယ်။ ဩဂုတ်လ ၁၉ ရက်နေ့ကနေ ဩဂုတ်လ၂၅ ရက်နေ့အထိ စုဆောင်းထားတဲ့ ဒေတာတွေပေါ်အခြေခံပြီး ဩဂုတ်လ ၄ ပတ်မြောက်အတွင်း Google မှာ အရှာများဆုံး ထိုင်းဇာတ်လမ်းတွဲနဲ့ ထိုင်းဇာတ်ကားတွေရှိပါတယ်။ ထိပ်ဆုံးမှာ ရပ်တည်နေတဲ့ ဇာတ်လမ်းတွဲ၊ ဇာတ်ကား ၅ ကားကတော့
၁ Terror Tuesday; Extreme (Netflix)
ဩဂုတ်လ ၂၀ ရက်နေ့က ထွက်ရှိခဲ့တဲ့ Terror Tuesday; Extreme သည်းထိပ်ရင်ဖိုဇာတ်လမ်းတွဲက ထိပ်ဆုံးနေရာမှာရပ်တည်နေပါတယ်။ ဒီဇာတ်လမ်းတွဲမှာ Cheraprang Areekul၊ Music Praewa တို့က အဓိကသရုပ်ဆောင်ထားကြပါတယ်။
၂ The Paradise of Thorns (GDH 559)
Jeff Satur၊ Engfa Waraha တို့ အဓိကပါဝင်ထားတဲ့ The Paradise of Thorns ရုပ်ရှင်ကားက နံပါတ် ၂ နေရာမှာပါ။ ဒီရုပ်ရှင်ဟာ ဩဂုတ်လ ၂၂ ရက်နေ့မှာ ထွက်ရှိခဲ့တာပါ။ကြည့်ရှုသူတွေဆီက ကောင်းတဲ့တုံ့ပြန်ချက်တွေလည်းရရှိထားပါတယ်။
၃ The Lady and Her Lovers (ONE 31)
မင်းသမီးချော Baifern Pimchanok ပါဝင်ထားပြီး မြန်မာပရိသတ်တွေပါ ကြည့်ရှုနေကြတဲ့ The Lady and Her Lovers ဇာတ်လမ်းတွဲကတော့ တတိယနေရာမှာ ရပ်တည်နေပါတယ်။
၄ Duang Jai Tewaprom; Phon Cheewan (Thai Channel 3)
Kao Noppakao နဲ့ PP Punpreedee ပါဝင်ထားတဲ့ Duang Jai Tewaprom; Phon Cheewan ဇာတ်လမ်းတွဲကတော့ ကြည့်ရှုသူတွေကို ဆွဲဆောင်ထားနိုင်ပြီး နံပါတ် ၄ နေရာမှာ ရှိနေပါတယ်။
၅ Bangkok Breaking: Fa Narok Mueang Thewada (Netflix)
နံပါတ် ၅ နေရာမှာ ရှိနေတာကတော့ ထိပ်တန်းမင်းသားချော Weir Sukollawat ပါဝင်ထားတဲ့ အက်ရှင်ဇာတ်ကားဖြစ်ပါတယ်။ Bangkok Breaking: Fa Narok Mueang Thewada ဆိုတဲ့ ဒီဇာတ်ကားက ၂၀၂၁ ခုနှစ်က ထွက်ရှိတဲ့ Bangkok Breaking ရဲ့အဆက်ဇာတ်ကားဖြစ်ပါတယ်။ ဒီဇာတ်ကားကတော့ ၂၀၂၄ ခုနှစ် စက်တင်ဘာ ၂၆ ရက်နေ့မှ ထွက်ရှိမှာဖြစ်ပါတယ်။
ရေးသားသူ -Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
