YouTube ချန်နယ် ဖွင့်ပြီး တစ်ရက်အတွင်း subscriber ၁၅ သန်းကျော် ရခဲ့တဲ့ ရော်နယ်ဒို
ပေါ်တူဂီအသင်းခေါင်းဆောင် ရော်နယ်ဒိုဟာ YouTube ချန်နယ်(UR · Cristiano) ဖွင့်လှစ်တဲ့ တစ်ရက်အတွင်းမှာပဲ subscriber ၁၅ သန်းကျော် ရရှိခဲ့ပြီး အအောင်မြင်ဆုံး YouTube ချန်နယ် တည်ထောင်မှုအဖြစ် စံချိန်တင်နိုင်ခဲ့ပါတယ်။ Ballon D’Or ဆု (၅)ကြိမ် ဆွတ်ခူးနိုင်ခဲ့တဲ့ ရော်နယ်ဒိုဟာ YouTube ချန်နယ် ဖွင့်လှစ်ကြောင်း သူ့ရဲ့ အခြားလူမှုကွန်ရက်တွေမှာ ပို့စ်တင်ခဲ့ပြီး တစ်နာရီအတွင်းမှာပဲ subscriber ၁ သန်း ရရှိခဲ့တာပါ။
ပထမဆုံး ဗီဒီယိုတင်ပြီး နာရီပိုင်းအကြာမှာ နောက်ထပ် ၁.၇ သန်းနီးပါး ထပ်တိုးလာခဲ့ပြီး ၂၄ နာရီအတွင်းမှာပဲ subscriber ၁၅ သန်းကျော် သွားခဲ့တာ ဖြစ်ပါတယ်။ ရော်နယ်ဒိုဟာ ဖေ့ဘွတ်ခ်မှာ အားပေးသူ သန်း ၁၇၀၊ အင်စတာဂရမ်မှာ အားပေးသူ ၆၃၆ သန်းနဲ့ တွစ်တာ(X)မှာ အားပေးသူ ၁၁၂.၅ သန်း ရရှိထားသူပါ။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။