ဇာတ်လမ်းတွဲမှာတင်မဟုတ်ဘဲ အပြင်မှာပါ လက်ထပ်ကြတော့မယ့် “Marry My Husband” ဇာတ်လမ်းတွဲထဲက စုံတွဲ
တောင်ကိုရီးယားမင်းသား ဂျန်ဂျေဟို နဲ့ မင်းသမီး ဂုံမင်ဂျွန်တို့ဟာ ဇာတ်လမ်းတွဲတစ်ခုမှာ စုံတွဲအဖြစ်သရုပ်ဆောင်ပြီးတဲ့နောက် တကယ့်လက်တွေ့ဘဝမှာလည်း လက်ထပ်ကြတော့မှာဖြစ်ပါတယ်။ သူတို့လက်ထပ်တော့မယ်ဆိုတာကို ဩဂုတ် ၁၆ ရက်နေ့က အတည်ပြုပေးခဲ့တာပါ။
မင်းသမီးဂုံမင်ဂျွန်က News1 သတင်းဌာနကို ဖုန်းကနေတဆင့် ဖြေကြားပေးခဲ့ပါတယ်။ သူနဲ့ သူ့ရဲ့တွဲဖက်သရုပ်ဆောင်ဂျန်ဂျေဟိုတို့ဟာ စက်တင်ဘာလမှာ လက်ထပ်တော့မှာဖြစ်တယ်လို့ အတည်ပြုဖြေကြားခဲ့ပါတယ်။ မိသားစုတွေ၊ ရင်းနှီးတဲ့သူငယ်ချင်းမိတ်ဆွေတွေနဲ့ပဲ သီးသန့်မင်္ဂလာပွဲကျင်းပသွားမှာဖြစ်တယ်လို့လည်း ပြောပါတယ်။
သူတို့နှစ်ဦးက ၁၉၈၆ ခုနှစ်ဖွားတွေဖြစ်ပြီး အသက်အရွယ်အတူတူပါပဲ။ အခုနှစ်အစောပိုင်းမှာ ထုတ်လွှင့်ပြသခဲ့တဲ့ နာမည်ကြီးဇာတ်လမ်းတွဲ Marry My Husband မှာ ဇနီးမောင်နှံအဖြစ် သရုပ်ဆောင်ခဲ့ကြတာပါ။ သူတို့နှစ်ဦးက အဲ့ဒီဇာတ်ကားမှာအတူတူမပါဝင်ခင်ကတည်းက အချင်းချင်းသိပြီးသားဖြစ်တယ်လို့ သိရပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။