ပြာလဲ့လဲ့ မဟုတ်တဲ့ လနီကြီး သို့မဟုတ် စူပါမွန်း
ကမ္ဘာနဲ့အနီးဆုံးဖြစ်တဲ့လကို ကမ္ဘာသူကမ္ဘာသားတွေက အနီးကပ်နဲ့ အရွယ်စား ကြီးကြီးမြင်ရတဲ့ စူပါမွန်းဖြစ်စဥ်ကို သြဂုတ်လ ၁၉ ရက်ညတုန်းက ကမ္ဘာ့မြို့ကြီး တချို့မှာ မြင်တွေ့ခဲ့ရပါတယ်။
အခုမြင်ကွင်းတွေကတော့ ရီယို၊ အေသင်၊ ဘက်ဆာ၊ ဂျေရုစလင်၊ ဆဗေး၊ စတော့ဟုမ်း၊ အစ္စတန်ဘူလ်၊ ရောမမြို့တွေကနေ စူပါမွန်းကို မြင်ရတဲ့အခြေအနေဖြစ်ပါတယ်။
နေ၊ ကမ္ဘာနဲ့ လ တတန်းတည်းဖြစ်ချိန်မှာ လက ကမ္ဘာနဲ့ပိုနီးလာပြီး ပုံမှန်မြင်နေကျ အရွယ်အစားထက် ပိုကြီးမားတဲ့အခြေအနေနဲ့မြင်တွေ့ခဲ့ရတာဖြစ်ပါတယ်။
အပြာရောင်စူပါမွန်းလို့ ခေါ်လေ့ရှိကြပေမဲ့ မြောက်အမေရိကတိုက်မှာတော့ အပြာရောင် မဟုတ်ဘဲ အနီရောင် လပြည့်ဝန်းကြီး ဖြစ်နေပါတယ်။
အကြောင်းကတော့ မြောက်အမေရိကတိုက်မှာ လောင်တဲ့တောမီးတွေကနေထွက်တဲ့မီးခိုးတွေဟာ အတ္တလန္တိတ်သမုဒ္ဒရာကောင်းကင်ထက်က လေထုထဲမှာ ပျံ့နှံ့ပြီး အဲဒီလေထုကို လ အလင်းရောင်ဖြတ်သန်းရတဲ့အခါ လိမ္မော်နဲ့ အနီရောင်ရောင်စဥ်တွေကို ပိုပြီး ရှင်းရှင်းလင်းလင်းမြင်ရတာဖြစ်ပါတယ်။
ရေးသားသူ –BBC Burmese
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။