ဗြိတိန်နည်းပညာလုပ်ငန်းရှင် Mike Lynch ရဲ့ရုပ်အလောင်းကို နစ်မြုပ်သွားတဲ့ရွက်လှေအပျက်အစီးထဲကနေ ဆယ်ယူရရှိ
ဗြိတိန်နည်းပညာလုပ်ငန်းရှင် Mike Lynch ရဲ့ရုပ်အလောင်းကို အီတလီနိုင်ငံ၊ မစ္စလီကမ်းရိုးတန်းမှာ နစ်မြုပ်သွားတဲ့ ရွက်လှေအပျက်အစီးတွေထဲက ပြန်လည်တွေ့ရှိခဲ့တယ်လို့ အီတလီအစိုးရတာဝန်ရှိသူတစ်ဦးက အတည်ပြုပြောကြားခဲ့ပါတယ်။
တနင်္လာနေ့မနက်အစောပိုင်းမှာ ပြင်းထန်တဲ့ မုန်တိုင်းကြောင့် Mike Lynch အပါအဝင် ခရီးသည် ၁၂ ဦးနဲ့ အမှုထမ်း ၁၀ ဦးလိုက်ပါလာတဲ့ ဇိမ်ခံရွက်လှေက နစ်မြုပ်သွားခဲ့တာပါ။ လူ ၁၅ ဦးကို ကယ်ဆယ်နိုင်ခဲ့ပေမဲ့ အများအပြားပျောက်ဆုံးနေဆဲပါပဲ။
ကြာသပတေးနေ့ကအထိ Ivoke Capital ကုမ္ပဏီတည်ထောင်သူ၊ Autonomy နဲ့ Darktrace ကုမ္ပဏီတွေရဲ့တွဲဖက်တည်ထောင်သူဖြစ်တဲ့ Mike Lynch ရဲ့ ၁၈ နှစ်သမီးလေး Hannah ပျောက်ဆုံးနေဆဲပါ။ Morgan Stanley International ဥက္ကဋ္ဌ Jonathan Bloomer နဲ့ ဇနီးဖြစ်သူ Judy တို့အပါအဝင် ရုပ်အလောင်း ၄ လောင်းကို ဗုဒ္ဓဟူးနေ့က တွေ့ရှိခဲ့ပါတယ်။
ဇိမ်ခံရွက်လှေနစ်မြုပ်သွားကတည်းက ကယ်ဆယ်ရှာဖွေရေးကြိုးပမ်းမှုတွေ လုပ်ဆောင်နေခဲ့ပေမဲ့ ရွက်လှေအပျက်အစီးတွေရဲ့အခြေအနေက ကယ်ဆယ်ရေးကို ရှုပ်ထွေးစေခဲ့ပါတယ်။ နစ်မြုပ်စေခဲ့တဲ့ ပြင်းထန်တဲ့ရာသီဥတုအခြေအနေက ရာသီဥတုသတိပေးချက်ထုတ်ပြန်ထားခြင်းမရှိဘဲ မမျှော်လင့်ဘဲဖြစ်သွားခဲ့တာပါ။
Mike Lynch က မကြာသေးခင်ကမှ US လိမ်လည်မှုရုံးတင်စစ်ဆေးမှုမှာ တရားသေလွတ်မြောက်တာအတွက် ဂုဏ်ပြုဖို့ သူငယ်ချင်းမိတ်ဆွေတွေကို ရွက်လှေပေါ် ဖိတ်ကြားခဲ့တာပါ။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။