စာသင်နှစ်ကုန်လက်ဆောင်အဖြစ် တပည့်တွေကို သူတို့ရဲ့
ပုံစံတူချည်ထိုးအရုပ်လေးတွေထိုးပေးဖြစ်ခဲ့တဲ့ ကျောင်းဆရာမ
အောက်စဖို့မြို့၊ Tyndale Community School မူလတန်းကျောင်းဆရာမဆာရာ ရှာဘီဆိုသူဟာ စာသင်နှစ်ကုန်ဆုံးချိန်ရောက်တော့မှာဖြစ်လို့ သူ့ရဲ့တပည့်တစ်ဦးချင်းစီအတွက် သီးသန့်လက်ဆောင်အနေနဲ့ သူတို့နဲ့ပုံစံတူ ချည်ထိုးအရုပ်လေးတွေ ထိုးပေးဖြစ်ခဲ့ပါတယ်။
ဆာရာက သူ့တပည့် အယောက် ၃၀ ရဲ့ပုံစံတူချည်ထိုးအရုပ်တွေကို မေလမှာ စထိုးဖြစ်ခဲ့တာပါ။ စာသင်ကုန်ဆုံးချိန်မှာတော့ သူ့ရဲ့တတိယတန်းကလေးတွေအတွက် လက်ဆောင် အချိန်မှီပေးနိုင်ခဲ့ပါတယ်။ ဆာရာဟာ သူတို့ရဲ့စာသင်ချိန်တွေကို အမှတ်တရဖြစ်အောင် အမှန်တကယ်ထူးခြားတဲ့အရာကို ပေးလိုတဲ့အတွက် အခုလိုတပည့်တွေနဲ့ရုပ်တူချည်ထိုးအရုပ်တွေပေးဖြစ်ခဲ့တာပါ။
ဒီအရုပ် ၃၀ ထိုးဖို့အတွက် တစ်ရုပ်ကို ၈ နာရီခန့် အချိန်ယူရပြီး စုစုပေါင်း နာရီ ၂၄၀ ကြာမြင့်ခဲ့ပါတယ်။ အသက် ၃၂ နှစ်အရွယ်ဆာရာက ချည်ထိုးနည်းအတတ်ပညာကို ကိုဗစ်ကာလအတွင်းမှာမှ စလုပ်ဖြစ်ခဲ့တာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
