တောနက်ထဲ ၅ ရက်ကြာ ပျောက်ဆုံးနေတဲ့ ၅ နှစ်ကလေးကို အသက်ရှင်လျက် ပြန်တွေ့
တောနက်ထဲမှာ ၅ ရက်ကြာ ပျောက်ဆုံးသွားတဲ့ ၅ နှစ်အရွယ် ဗီယက်နမ်ကလေးငယ်ကို အသက်ရှင်လျက် ပြန်လည်တွေ့ရှိခဲ့ပါတယ်။ ဒန်တီယန်လမ်ဟာ မောင်နှမတွေနဲ့အတူ ချောက်တစ်ခုထဲမှာ ကစားရင်း တောင်ကုန်းတစ်ခုပေါ် တက်သွားခဲ့တာပါ။ အဲဒီနောက်မှာ မျက်စိလည်ပြီး လမ်းပျောက်သွားခဲ့ပါတယ်။ အပူပိုင်း မိုးသစ်တောတွေဟာ လမ်းပျောက်ဖို့ လွယ်ကူပြီး ဒန်တီယန်လမ်ဟာလည်း တောထဲမှာ တဝဲလည်လည် ဖြစ်နေခဲ့တာပါ။
ရဲတပ်ဖွဲ့၊ စစ်သည်နဲ့ လုပ်အားပေး ၁၅၀ ပါဝင်တဲ့အဖွဲ့က ဗီယက်နမ်နိုင်ငံ အနောက်မြောက်ပိုင်း ယန်ဘေးပြည်နယ်က တောင်တွေပေါ်မှာ ရှာဖွေရေးလုပ်ခဲ့ကြပါတယ်။ ၅ ရက်မြောက်နေ့မှာတော့ လယ်သမားတစ်ဦးက ပီလောပီနံ ချုံပုတ်ထဲမှာ ဒန်တီယန်လမ်ကို ရှာတွေ့ခဲ့တာပါ။ သူ့ကို ရှာတွေ့ချိန်မှာ ဒန်တီယန်လမ်ရဲ့အဝတ်အစားတွေက ဖုန်အလိမ်းလိမ်း ဖြစ်နေပြီး မတ်တတ်ရပ်ဖို့ အားမရှိအောင် ဖြစ်နေပြီလို့ လယ်သမားဖြစ်သူ လီဗန်နန်က ဆိုပါတယ်။
ဒန်တီယန်လမ်ဟာ တောထဲက သစ်သီးသစ်ရွက်တွေနဲ့ စမ်းချောင်းထဲက ရေကိုသောက်ပြီး အသက်ရှင်ခဲ့တာပါ။ သူ့ကို အသက်ရှင်လျက် ပြန်တွေ့ခဲ့လို့ ဝမ်းသာနေကြပြီး ဒါဟာ အံ့ဘွယ်ဖြစ်ရပ်တစ်ခုလို့ ဆိုကြပါတယ်။ ဗီယက်နမ်နိုင်ငံဟာ သစ်တောထူထပ်ပြီး ယမ်ဘေးပြည်နယ်ကလည်း သစ်တောအလွန်ထူထပ်တဲ့နေရာ ဖြစ်ပါတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။