မင်္ဂလာဆောင်အတွက် လုပ်ဖော်ကိုင်ဖက်တစ်ယောက်ချင်းစီက အန်ပေါင်း ၃၆ စင်ကာပူဒေါ်လာ ပဲပေးလို့ ရက်တော်တော်ကြာအိပ်မရဖြစ်ခဲ့တဲ့ မလေးရှားအမျိုးသမီး
မလေးရှားနိုင်ငံက အမျိုးသမီးတစ်ဦးဟာ သူ့မင်္ဂလာဆောင်အတွက် လက်ခံနိုင်ဖွယ်မရှိတဲ့ အန်ပေါင်းပမာဏကို လက်ခံရရှိခဲ့တယ်ဆိုတာကို လူမှုကွန်ယက်မှာ ရေးသားဖော်ပြခဲ့ပါတယ်။ အမည်မသိအဲ့ဒီအမျိုးသမီးက သူ့မင်္ဂလာပွဲကို လွန်ခဲ့တဲ့ ၄ နှစ်က ကျင်းပဖို့ စီစဉ်ခဲ့ပေမဲ့ ကိုဗစ်ရောဂါကြောင့် သူ့အစီအစဉ်ကို ရွှေ့ဆိုင်းခဲ့ရတာပါ။
အခုနှစ် ဇွန်လမှာ မင်္ဂလာပွဲကျင်းပနိုင်ခဲ့ပေမဲ့ ကုန်ပစ္စည်းစရိတ်က အရင်ထက် ၂ ဆ- ၃ ဆလောက်မြှင့်တက်ခဲ့တာကြောင့် သူ့မင်္ဂလာပွဲကုန်ကျစရိတ်က ပိုများပြားလာခဲ့ပါတယ်။ သူဟာ အစပိုင်းစိတ်ကူးထားတဲ့နေရာထက် အခြားနေရာမှာ မင်္ဂလာပွဲကျင်းပဖြစ်ခဲ့ပါတယ်။ သူ့မင်္ဂလာပွဲအတွက် လူ ၁၀၀ လောက်ဖိတ်ကြားခဲ့ပါတယ်။
မင်္ဂလာပွဲပြီးလို့ အန်ပေါင်းတွေဖွင့်ကြည့်တဲ့အချိန်မှာ သူ့လုပ်ဖော်ကိုင်ဖက်တစ်ယောက်ချင်းစီက ၃၆ စင်ကာပူဒေါ်လာပဲ ပေးတဲ့အတွက် သူ စိတ်ပျက်သွားခဲ့တယ်လို့ ဆိုပါတယ်။ သူတို့ကို ဧည့်ခံခဲ့တာနဲ့ မတန်လောက်အောင် အန်ပေါင်းနည်းနည်းပဲပေးခဲ့တဲ့အတွက် ရက်တော်တော်ကြာ အိပ်မရနိုင်ခဲ့ဘူးလို့ ဆိုပါတယ်။ အဲ့ဒီလုပ်ဖော်ကိုင်ဖက်တွေနဲ့ ထပ်ပြီးဘာမှမစားတော့ဘူးလို့လည်း ထပ်ပြောခဲ့ပါတယ်။ “လက်ဖွဲ့မတတ်နိုင်ရင် မင်္ဂလာပွဲတက်ချင်တယ်လို့ မပြောပါနဲ့”တဲ့။
လူမှုကွန်ယက်အသုံးပြုသူတွေက အဲ့ဒီအမျိုးသမီးရဲ့မကျေနပ်ချက်တွေကို ဂရုဏာသက်ဝင်ခဲ့ခြင်းမရှိခဲ့ပါဘူး။ တော်တော်များများက “သူ့ရဲ့သူငယ်ချင်းမဖြစ်လို့ ကံကောင်းတယ်”လို့ ပြောခဲ့ကြပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။