မိန်းမဖုန်းနံပါတ်ကို နှစ် ၃၀ ကြာ ထီထိုးလာခဲ့တဲ့ အမျိုးသား ဒေါ်လာ ၂.၆၄ သန်းတန် ထီဆုကြီး ဆွတ်ခူး
ထီနံပါတ်တစ်ခုတည်းကို နှစ် ၃၀ ကျော် ကံစမ်းလာခဲ့တဲ့ အမျိုးသားတစ်ဦးဟာ နောက်ဆုံးမှာတော့ အမေရိကန်ဒေါ်လာ ၂.၆၄ သန်း ထီဆုကြီး ဆွတ်ခူးသွားခဲ့ပါတယ်။ အမေရိကန်နိုင်ငံ မက်ဆာချူးဆက်ပြည်နယ်၊ လက်စတာမြို့မှာ နေထိုင်တဲ့ ကီဗင်ကော်နာဟာ သူ့မိန်းမရဲ့ ဖုန်းနံပါတ်အဟောင်းကို နှစ် ၃၀ တိုင်တိုင် ထီထိုးလာခဲ့တာဖြစ်ပြီး ပြီးခဲ့တဲ့စနေနေ့က Megabucks ထီဖွင့်ပွဲမှာ ထီဆုကြီး ဆွတ်ခူးသွားခဲ့တာပါ။
ကီဗင်ကော်နာဟာ သူတို့ စကြိုက်ခဲ့တုန်းက သူ့မိန်းမအိမ်မှ ဖုန်းနံပါတ်ကို နှစ်ပေါင်းများစွာ ထီထိုးလာခဲ့တာ ဖြစ်ပါတယ်။ ကီဗင်ကော်နာဟာ ထီဆုကြီး ဆွတ်ခူးခဲ့ပေမဲ့ သူ့အတွက် ခြေအိတ်အသစ်ပဲ ဝယ်မှာဖြစ်ပြီး ကျန်ငွေအားလုံးကိုတော့ သူ့ကလေးတွေရဲ့ ပညာရေးအတွက် အသုံးပြုသွားမယ်လို့ ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။