အရသာ၊ အရည်အသွေး မပျက်ဘဲ ၁၅ နှစ်ကြာ အေးခဲထားနိုင်ပြီး ကမ္ဘာ့အရှားပါးဆုံးအမဲသား
ပြင်သစ်နိုင်ငံမှ မွေးမြူရေးခြံတစ်ခြံဟာ ထူးခြားတဲ့အေးခဲနည်းစနစ်ကို အသုံးပြုပြီး ၁၅ နှစ်ကြာ အေးခဲထားနိုင်တဲ့ အမဲသားတွေကို ထုတ်လုပ်ရောင်းချလျက်ရှိပါတယ်။ ပြင်သစ်နိုင်ငံ၊ စိန့်မိုင်ဟီယယ်ဒေသမှာ နေထိုင်တဲ့ ပိုလ်မတ်မိသားစုဟာ ၁၈၄၆ ခုနှစ်ကတည်းက အမဲသား ရောင်းလာတာဖြစ်ပြီး အလက်ဇန္ဒားပိုလ်မတ်ကတော့ ဆဋ္ဌမမျိုးဆက် ဖြစ်ပါတယ်။
အလက်ဇန္ဒားရဲ့ အဘိုးနဲ့ အဖေဖြစ်သူတို့က ဟိုက်ဘာနေရှင်းလို့ အမည်ပေးထားတဲ့ အေးခဲနည်း စနစ်သစ်တစ်ခုကို ဖန်တီးနိုင်ခဲ့ပြီးနောက် ၁၉၉၉ ပြည့်နှစ်တွေအတွင်းမှာတော့ သူတို့ရဲ့ အမဲသားက နာမည်ကြီးလာခဲ့ပါတယ်။ သူတို့ဟာ နည်းပညာမြင့် ဓာတ်ခွဲခန်းထဲမှာ အပူချိန် -၄၃ ဒီဂရီစင်တီဂရိတ်အထိ အအေးဓာတ်လွှတ်ထားပြီး အမဲသားထဲကို တစ်နာရီ ကီလိုမီတာ ၁၂၀ နှုန်းနဲ့ လေအေးတွေ ထိုးသွင်းလိုက်တာ ဖြစ်ပါတယ်။ အဲဒီနည်းစနစ်က အမဲသားရဲ့အဆင်း၊ အနံ့၊ အရသာကို မထိခိုက်စေဘဲ ဆယ်စုနှစ် တစ်ခုကြာ သိုလှောင်ထားလို့ ရပါတယ်။
သိုလှောင်ချိန် ကြာလေလေ၊ အသားရဲ့ အရည်အသွေး ပိုကောင်းလေလေ ဖြစ်ပြီး ၁၅ နှစ်ကြာ အေးခဲထားတဲ့ အမဲသား တစ်ကီလိုဂရမ်ကိုတော့ အမေရိကန်ဒေါ်လာ ၃၂၀၀ နှုန်းအထိ ရောင်းချပါတယ်။ ဒါကြောင့်လည်း ကမ္ဘာ့အရှားပါးဆုံး အမဲသားလို့ သတ်မှတ်ခံထားရပြီး ကမ္ဘာပေါ်မှ ထိပ်တန်းစားသောက်ဆိုင်တွေမှာပဲ ပိုလ်မတ်မိသားစုရဲ့ အမဲသားကို ချက်ပြုတ်ရောင်းချနိုင်ကြပါတယ်။
ပိုလ်မတ်မိသားစုရဲ့ အမဲသားကို ဝယ်ချင်တဲ့ စားသုံးသူတွေဟာ လနဲ့ချီ ကြိုမှာရလေ့ရှိသလို စားသောက်ဆိုင်တွေက မှာမယ်ဆိုရင်တော့ သူတို့ရဲ့အမဲသားကို သိုလှောင်ထိန်းသိမ်းနိုင်စွမ်း၊ စီမံချက်ပြုတ်နိုင်စွမ်း ရှိ၊ မရှိဆိုတာကို အလက်ဇန္ဒားက ကြိုတင်သွားရောက် လေ့လာပြီးမှ ရောင်းချပေးတယ်လို့ ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။