ဖိအားမှ တွန်းအားဆီသို့
ကမ္ဘာပေါ်မှာ အရှည်ကြာဆုံး ထိုးသတ်ခဲ့တဲ့ လက်ဝှေ့ပွဲတစ်ခုရှိခဲ့တယ်။ အဲ့တာက ၁၈၉၃ ခုနှစ်က အမေရိကန်နိုင်ငံမှာ Andy Bowen နဲ့ Jack Burke တို့ထိုးသတ်ခဲ့ကြတာဖြစ်ပြီး နာရီပေါင်း ၇နာရီနဲ့ ၁၉မိနစ်လောက်အထိ အနိုင်မခံ အရှုံးမပေးထိုးသတ်ခဲ့ကြတာဖြစ်ပါတယ်။
အားကစားလုပ်ဖူးသူ အထူးသဖြင့် လက်ဝှေ့ကစားဖူးသူတွေဆိုရင် ပိုသိလိမ့်မယ့် ကြိုး၀ိုင်းထဲမှာ နာရီ၀က် ၄၅မိနစ်လောက်ထိုးရင်ကို လူတော်တော်လေးပြိုင်းပါတယ်။ ဒါပေမယ့် အန်ဒီဘို၀င်နဲ့ ဂျက်ဘာခ့်တို့ ဘာကြောင့်များ ၇နာရီ ၁၉မိနစ်လောက် အထိတောင့်ခံပြီး ထိုးသတ်နေခဲ့တာလဲ? နောက်ကွယ်မှာ ဇာတ်လမ်းတွေရှိခဲ့ပါတယ်။
အတိုချုပ်ပြော ရရင်အန်ဒီဘို၀င်မှာ ဒီပွဲနိုင်မှ ဆေးကုလို့ရမယ့် သမီးငယ်လေးရှိနေသလို ဂျက်ဘာခ့်မှာလည်း ဒီပွဲန်ိုင်မှ အိမ်အကြွေးနဲ့အသိမ်းမခံရမှာဖြစ်ပြီး သူ့မိသားစုလမ်းဘေးမရောက် မှာဖြစ်ပါတယ်။နောက်ဆုံးအနိုင်မခံအရှုံးမပေးပဲ ထိုးသတ်ကြရင်း ပူးတွဲသရေသာရလဒ်ထွက်ပေါ်ခဲ့ပေမယ့် နှစ်ယောက်သားကျားကုတ်ကျားခဲ ထိုးသတ်မှုအပေါ် နိုင်ငံတစ်ဝှမ်းရဲ့အာရုံစိုက်ခံရပြီး အန်ဒီဘို၀င်လည်း သူ့သမီးကိုဆေးကုပေးနိုင်ခဲ့သလို လက်တစ်ဖက်ကျိုးတာတောင်ထိုးသတ်နေခဲ့တဲ့ ဂျက်ဘာခ်လည်း အိမ်အကြွေးဆပ်နိုင်ပြီး သူတို့မိသားစုလမ်းဘေးမရောက်ရေး ကယ်တင်နိုင်ခဲ့တယ်။
ဒီမှာပြောပြချင်တာက တွန်းအားပါ။လူတွေက pressure လို့ခေါ်တဲ့ လူမှုဖိအားကြောင့် ဘ၀ကိုအရှုံးပေးတတ်ကြတယ်။
အမှန် ဖိအားကို တွန်းအားအဖြစ်ပြောင်းလဲနိုင်ရင် လောကကြီးမှာ ဘာကိုမှ အရှုံးပေးစရာမလိုတော့ဘူး။ဒါဆို စိတ်ကိုလှုပ်ရှားအောင် ဘယ်အရာတွေက တွန်းအားပေးနေတာလဲ? လူတွေကို လှုပ်ရှားအောင် ဖိအားပေးနေသော အကြောင်းရင်းခံ ခြောက်ချက်ရှိသည်။
အဲ့တာတွေက
(၁) ကြောက်ရွံ့မှု
(၂) ယုံလွယ်တတ်မှု
(၃) အကြံဉာဏ်
(၄) အားကျမခံစိတ်
(၅) မျှော်လင့်ချက်
(၆) အချက်အလက်များ ဖြစ်တယ်။
၁။ကြောက်ရွံမှုကိုအရှုံးပေးလိုက်ရင် ဖိအားဖြစ်မယ် သတ္တိရှိလိုက်ရင်တော့ တွန်းအားရလာမယ်။
၂။ယုံလွယ်တတ်မှု တနည်းအားဖြင့် အားနာတတ်မှုဟာလည်း အရှုံးပေးလိုက်ရင် ဖိအားဖြစ်ပြီး အာမနာဘူးဟေ့ဆိုတဲ့စိတ်မာမှုရှိအောင် သတ္တိရှိလိုက်ရင် တွန်းအားဖြစ်သွားမယ်။
၃။အကြံဥာဏ်မထွက်လို့ ဖိအားဖြစ်ရပေမယ့် ကြိုးစားလေ့လာမှုဆိုတဲ့ သတ္တိရှိလိုက်ရင် တွန်းအားဖြစ်သွားမယ်။
၄။အားကျရတဲ့သူက အရမ်းသာလွန်းနေရင် ဖိအားဖြစ်လာတတ်ပြီး တစ်ဖြည်းဖြည်းနဲ့တိုးတတ်အောင်လုပ်မယ်ဆိုတဲ့ ဇွဲရှိရင် တွန်းအားရလာမယ်။
၅။မျှော်လင့်ချက်ဆိုတာ ခပ်ဝေးဝေးလှမ်းမမှီတဲ့နေရာမှာရှိနေရင် ဖိအားဖြစ်နေပေအယ့် ပန်းတိုင်ကို ဦးတည်ချက်မပြောင်းဘဲ သေးသေးလေးဆီ အပိုင်းအခြားလုပ်တတ်ရင် တွန်းအားရလာမယ်။
၆။အချက်အလက်ဆိုတာ Self analysisတစ်ခုခြင်းဆီကနေရလာတဲ့ Main point for everything လို့ဆိုလိုလို့ရပါတယ်။ဘယ်အရာက အရေးကြီးလဲ,လိုအပ်ချက်က ဘာလဲ?,လက်ရှိဖြစ်တည်ခြင်း စသည့်တို့က ဖိအား တစ်ခုဖြစ်လာပြီး ကိုယ့်အတွက်အရေးကြီးတဲ့ အရာတစ်ခုလုပ်ဆောင်ဖို့ တွန်အားတစ်ခုဖြစ်လာစေပါတယ်။
ဒီလိုနဲ့ ဖိအားကို တွန်းအားအဖြစ်ပြောင်းနိုင်လာတဲ့အခါ အခက်အခဲကသေးငယ်သွားပြီး အောင်မြင်မှုနဲ့ နီးကပ်လာမှာပါ။ ဖိအားကို တွန်းအားအဖြစ်ပြောင်းလဲနိုင်ပါစေ။
Credit
ရေးသားသူ –Crd
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။