လွန်ခဲ့တဲ့ ၂၆ နှစ်က ဓာတ်ပုံအတိုင်း ပြန်လည်ဖန်တီးရိုက်ကူးခဲ့တဲ့
ဟောင်ကောင်နာမည်ကြီးသရုပ်ဆောင် ၃ ဦး
ဟောင်ကောင်နာမည်ကြီးသရုပ်ဆောင်တွေဖြစ်ကြတဲ့ ဒန်နီရယ်ဝူ၊ စတီဖန်ဖုန်း၊ ရှုချီတို့ဟာ ပရိသတ်တွေကို လွန်ခဲ့တဲ့ ၂၆ နှစ်ကအမှတ်တရတွေကို ပြန်အမှတ်ရစေဖို့ ဖန်တီးပေးခဲ့ကြပါတယ်။ လွန်ခဲ့တဲ့ ၂၆ နှစ်က ၃ ယောက်အတူတူရိုက်ခဲ့တဲ့ပုံစံအတိုင်း လက်ရှိမှာ ပြန်ရိုက်ကူးကာ ဒန်နီရယ်ဝူက အင်စတာဂရမ်မှာ တင်ခဲ့တာပါ။
အလယ်မှာ ရှုချီက ထိုင်ခုံပေါ်ထိုင်နေပြီး ဘေးတစ်ဖက်တစ်ချက်မှာ ဒန်နီရယ်ဝူနဲ့ စတီဖန်ဖုန်းတို့ရှိနေတဲ့ပုံလေးဖြစ်ပါတယ်။ အဲ့ဒီပုံကို လွန်ခဲ့တဲ့ ၂၆ နှစ်က သူတို့ ၃ ဦးပါဝင်ခဲ့တဲ့ Bishonen ဇာတ်ကားပရိုမိုးရှင်းဆင်းတဲ့အချိန် ရိုက်ကူးခဲ့တာပါ။ ပြန်လည်ဖန်တီးရိုက်ကူးထားတဲ့ လက်ရှိဓာတ်ပုံကတော့ အခုနှစ်နွေရာသီမှာ ရိုက်ခဲ့တာပါ။
သူတို့ ၃ ယောက်စလုံးက အသက် ၅၀ အရွယ်ရှိနေပါပြီ။ စတီဖန်ဖုန်းနဲ့ ရှုချီတို့ကတော့ လက်ထပ်ထားကြတာပါ။ ပြီးခဲ့တဲ့အပတ်ကလည်း ဒန်နီရယ်ဝူနဲ့ စတီဖန်ဖုန်းတို့ဟာ New York Fashion Week ကို တက်ရင်း ဓာတ်ပုံအတူတူရိုက်ခဲ့ကြပါသေးတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။