ဆိုက်ကို ဖောက်လာတာကြောင့် DJ လောကကနေအနားယူဖို့ဆုံးဖြတ်လိုက်တဲ့ နေမျိုးအောင်ချွေးမ violet
ကြက်သားသည်မလေးတစ်ယောက်ဘဝကနေ နာမည်ကျော်ကြားတဲ့ DJ မလေးတစ်ယောက်ဖြစ်လာတဲ့ Violet ခေါ် ထွေးမွန်ကိုတော့ မသိသူမရှိသလောက်ပါဘဲ။အသားဖြူဖြူနုနုဖတ်ဖတ်လေးနဲ့ ချစ်စရာကောင်းတဲ့ ရုပ်ရည်လေးကိုပိုင်ဆိုင်ထားတဲ့ violet ကိုတော့ ပရိတ်သတ်တွေက ကြက်သားရောင်းတဲ့ ပုံစံလေးကနေစသိခဲ့ကြတာပါ။ကြက်သားရောင်းတဲ့ ဓာတ်ပုံတွေ ပျံနှံ့လာခဲ့ပေမယ့် သူ့ရဲ့ ပုံစံလေးကြောင့် အစစ်အမှန်ဆိုတာကို မယုံခဲ့ကြဘဲ ပရိတ်သတ်တွေစိတ်ဝင်စားအောင်ရိုက်ခဲ့တဲ့ ဓာတ်ပုံလို့သာ ထင်ခဲ့ကြတာလည်းဖြစ်ပါတယ်။
ပရိတ်သတ်တွေမယုံတာကလည်း မဆန်းပါဘူးနော်။ဈေးသည်မပြောနဲ့ သာမာန်အခြေခံလူတန်းစားပုံစံမပေါက်တဲ့ Violet ရဲ့ပုံစံကြောင့် ပရိတ်သတ်တွေက အံ့ဩပြီး မယုံကြည်နိုင်အောင်ဖြစ်ခဲ့ကြတာပါ။Violet ကတော့ လူအများရဲ့အာရုံစိုက်မှုကို ရပြီးချိန်မှာ DJ လောကထဲကို ဝင်ရောက်ခဲ့ပြီး သူ့ရဲ့ချစ်စရာကောင်းတဲ့ပုံစံနဲ့ အလုပ်ပေါ်မှာ အလေးထားတဲ့ သူ့ရဲ့ စိတ်ကြောင့် အောင်မြင်တဲ့ DJမလေးတစ်ယောက်ဖြစ်လာခဲ့ပါတယ်။DJလောကမှာနာမည်ကြီးတစ်ယောက်ဖြစ်တဲ့ Violet ကိုပရိတ်သတ်တွေအားပေးချစ်ခင်ရတာကလည်း ပွင့်လင်းတဲ့အပြောအဆိုနဲ့ မိဘအပေါ်သိတတ်တဲ့ စိတ်လေးကြောင့်ပါ။
အရင်က ဈေးရောင်းပြီးရှာဖွေကျွေးမွေးခဲ့သလို၊အခုလို အလုပ်အကိုင်ကောင်းနေချိန်မှာ လိုလေးမရှိအောင် တတ်နိုင်သလောက်ဖြည့်ဆည်းပေးတတ်တဲ့ စိတ်လေးကြောင့်ဘဲ ပရိတ်သတ်တွေရဲ့အားပေးချစ်ခင်မှုကိုရနေသလို မတော်ရသေးတဲ့ ယောက္ခမတွေရဲ့ အသဲစွဲချွေးမလေးဖြစ်နေခဲ့တာလည်းဖြစ်ပါတယ်။Violet က နာမည်ကြီးမင်းသားချော နေမျိုးအောင်ရဲ့ ချွေးမလေးပါ။မင်းသားကြီးနေမျိုးအောင်က အောင်မြင်တဲ့ မင်းသားတစ်လတ်ဖြစ်ခဲ့ပေမယ့် ဂုဏ်မောက်တာမျိုးမရှိခဲ့ဘဲ ပွင့်ပွင့်လင်းလင်းနေထိုင်တတ်သလို သူတို့ရဲ့ ချွေးမကိုလည်း အနေအေးပြီးပွင့်လင်းတဲ့ လူထဲက ရွေးချယ်ထားခဲ့တာပါ။
Violet က DJ အလုပ်တွေကိုလည်း လုပ်ကိုင်နေသလို သူအားတဲ့အချိန်တွေမှာ ယောက္ခမရဲ့ စီးပွားရေးကို ဝိုင်းလုပ်တဲ့ အနေနဲ့ Live လွှင့်ပြီးဈေးရောင်းကာ နားလည်မှုတွေနဲ့ မိသားစုတစ်ခုတည်ဆောက်နေခဲ့တာလည်းဖြစ်ပါတယ်။Violet က လက်ရှိ DJလောကမှာ အောင်မြင်တဲ့လူတစ်ယောက်ဖြစ်နေခဲ့သလို သူဖွင့်ပေးခဲ့တဲ့ ပွဲပေါင်းက တစ်ထောင်ကျော်လောက်ရှိနေခဲ့ပါပြီ။သူ့ရဲ့ကြိုးစားမှုတွေကြောင့် အောင်မြင်နေပေမယ့် အခုတော့ DJလောက ကနေ အနားယူဖို့ပြောလာခဲ့ပါပြီ။အောင်မြင်နေသလို ငွေအမြောက်အများဝင်နေပေမယ့်လည်း မပျော်တဲ့အလုပ်တစ်ခုမှာ Violet က စက္ကန့်ပိုင်းတောင်မနေချင်တော့ပါဘူး။
သူ့အနေနဲ့ အလုပ်မှာ ဘယ်လောက်တောင် မပျော်ဖြစ်နေရလဲဆိုရင်သီချင်းသံကြားတာနဲ့ ဒေါသထွက်နေရသလို မီးအနီရောင်တွေနဲ့ DJ စက်ကိုမြင်ရင် မုန်းနေရတဲ့အထိ ဆိုက်ကိုဖောက်နေရလို့ပါဘဲ။Violet က DJလောကမှာ အချိန်အတော်ကြာ ကျင်လည်ခဲ့တာမို့ အရာရာက သူ့အတွက်ငြီးငွေ့စရာကြီးပါဘဲ။လူမှုပေါင်းသင်းမှုမရှိဘဲ သူများတွေ အိပ်တဲ့ အချိန်မှာ အလုပ်တွေကြိုးစားနေရတာကြောင့် နေ့နဲ့ ညမှားတာတွေက ကျန်းမာရေးထိခိုက်သလို လူမှူဆက်ဆံရေးမှာလည်း ကတိပျက်နေခဲ့ပါတယ်။ချိန်းထားတဲ့ အချိန်ကို မရောက်နိုင်သလို တော်ရုံဘယ်သူ့ကိုမှ မတွေ့ဖြစ်နိုင်ခဲ့တာ အချိန်အတော်ကြာခဲ့ပါပြီ။
ပတ်ဝန်းကျင်မှာ လူတွေနဲ့ပေါင်းသင်းရတာအဆင်မပြေတော့သလို မိသားစုကိုပါ အချိန်မပေးနိုင်တော့တာကြောင့် သူ့အနေနဲ့ အလုပ်ပြောင်းဖို့ စဉ်းစားနေတာ အချိန်အတော်ကြာခဲ့ပါပြီ။အလုပ်လုပ်နေရပေမယ့် ပတ်ဝန်းကျင်မှာ ကိုယ်တစ်ယောက်တည်းအထီးကျန်နေရသလို အဆိုးဆုံးကတော့ သူမရဲ့ စိတ်နဲ့ ကျန်းမာရေးကြောင့်ပါဘဲ။တစ်ရက်က ၃ပွဲလောက်ဖွင့်ရတာမျိုးတွေရှိပြီး အဝတ်အစားတွေ ဆန်းပြားနေအောင် စဉ်းစားခဲ့ရတာတွေ၊ အမြဲသစ်လွင်အောင်လုပ်နေရတာကလဲ ငြီးငွေ့စရာဖြစ်လို့နေပါတယ်။
သူမရဲ့အလုပ်က တတ်တတ်ကြွကြွနဲ့ mood ဝင်မှ ရမှာမို့ alcohol တွေနေ့တိုင်းနီးပါးသောက်ရာကနေ အခုဆို အသည်းအားဆေးတောင်သောက်နေရပြီလို့ဆိုပါတယ်။ကျန်းမာရေးထိခိုက်လာခဲ့သလို နေ့တဒူဝ ဆူညံနေတဲ့ သီချင်းသံတွေလည်းမကြားချင်တော့သလို ဒီအလုပ်ကြီးမှာ မပျော်တော့တာမို့ အလုပ်ကနေ အနားယူဖို့ ဆုံးဖြတ်လိုက်ပါပြီ။
သူမရဲ့ ပြတ်သားတဲ့ ဆုံးဖြတ်ချက်ကို ပရိတ်သတ်တွေက အံ့ဩခဲ့သလို အလုပ်တွေဆက်လုပ်စေချင်ပေမယ့် သူ့အနေနဲ့ ဆုံးဖြတ်ချက်ချပြီးသွားပါပြီ။အလုပ်ကနေအေးဆေးနားပြီး အလှူအတန်းတွေလုပ်ဖို့ စိတ်ကူးရှိပြီး Vlog ရိုက်တာနဲ့ ယောက္ခမမိသားစုနဲ့အတူ ဈေးရောင်းပြီးကူလုပ်ပေးတော့မယ့်အကြောင်းအသိပေးလာခဲ့ပါတယ်။
Violet ကတော့ အလုပ်ကနားတော့မယ်ဆိုတဲ့ ဆုံးဖြတ်ချက်ကို အားလုံးသိအောင်ပြောရတာကလည်း အလုပ်နားဖို့ စိတ်ဆုံးဖြတ်နိုင်အောင်လို့ဆိုပြီး ပွဲရှာတာမဟုတ်ဘဲ တကယ်အေးဆေးနေချင်တော့တဲ့ အကြောင်းပြောလာခဲ့တာလည်းဖြစ်ပါတယ်။
ရေးသားသူ –One Daily Channel
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။