ဘောလုံးလောက ကထွက်ခွာတော့မယ့် သားဖြစ်သူရိုမီယိုအတွက်
ဒေးဗစ်ဘက်ခမ်းရဲ့မွေးနေ့ဆုတောင်းစကား
ကမ္ဘာကျော်ဘောလုံးသမားဟောင်း ဒေးဗစ်ဘက်ခမ်းဟာ တနင်္ဂနွေနေ့က အသက် ၂၂ နှစ်ပြည့်မြောက်တဲ့ သားဖြစ်သူ ရိုမီယိုအတွက် ကြည်နူးဖွယ်မွေးနေ့ဆုတောင်းပေးခဲ့ပါတယ်။ လူမှုကွန်ယက်ပို့စ်တစ်ခုကတဆင့် ရိုမီယိုကို ဂုဏ်ယူမိကြောင်း ထုတ်ပြခဲ့တာပါ။
“ပျော်ရွှင်ဖွယ် အသက်၂၂ နှစ်ပြည့်မွေးနေ့ဖြစ်ပါစေ…ကျွန်တော့်ရဲ့ချောမောတဲ့ကောင်လေး…ကြင်နာတတ်တဲ့၊ စိတ်အားထက်သန်တဲ့၊ အလုပ်ကြိုးစားတဲ့အမျိုးသားအဖြစ် ပြောင်းလဲလာတဲ့အတွက်အရမ်းဂုဏ်ယူမိတယ်။ သားနဲ့ထိုက်တန်တဲ့အတွက် အံ့ဩစရာကောင်းတဲ့နေ့ကို ပိုင်ဆိုင်နိုင်ပါစေ။ သားကို အရမ်းချစ်တယ်”လို့ ဒေးဗစ်ဘက်ခမ်းက ရေးသားခဲ့တာပါ။
သားသမီးတွေထဲမှာဆိုရင် ဖခင်ဖြစ်သူ ဒေးဗစ်ဘက်ခမ်းရဲ့ခြေရာနင်းခဲ့သူက ရိုမီယိုပါပဲ။ ရိုမီယိုက Inter Miami အရံအသင်းနဲ့ Brenford B အသင်းတွေမှာ ကစားခဲ့တာပါ။ ဒါပေမဲ့ ရိုမီယိုက အသက်မွေးဝမ်းကျောင်းလုပ်ငန်းအသစ်လုပ်ဖို့အတွက် ဘောလုံးလောကက ထွက်ခွာတော့မယ်ဆိုတဲ့ သတင်းထွက်ရှိထားပါတယ်။
အခု ရိုမီယိုက မိခင်ဖြစ်သူဗစ်တိုးရီးယားလို ဖက်ရှင်လောကထဲ ဝင်ရောက်တော့မှာဖြစ်ပြီး ထိပ်တန်းဖက်ရှင်အေဂျင်စီ Safe Management နဲ့လည်း စာချုပ်ချုပ်ဆိုထားတယ်လို့ သိရပါတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။