သာမာန်ရုပ်ရည်ကိုပိုင်ဆိုင်ထားတာကြောင့် အနုပညာမှာရော၊အချစ်ရေးမှာပါ
ဝေဖန်မှုတွေပြင်းထန်ခဲ့တဲ့ မင်းသမီးမေမီကိုကိုရဲ့ ဘဝအကြောင်း
မေမီကိုကိုက သရုပ်ဆောင်ကောင်းတဲ့ မင်းသမီးတစ်လတ်ဖြစ်ပေမယ့် ရုပ်ရည်ပိုင်းနဲ့ပတ်သက်ပြီး ဝေဖန်မှုတွေပြင်းထန်ခဲ့သူပါ။ရုပ်မချောဘဲ မင်းသမီးတစ်ယောက်ဖြစ်လာတာနဲ့ပတ်သက်ပြီး ဝေဖန်မှုတွေပြင်းထန်ခဲ့ပေမယ့် အခုအချိန်ထိ သူ့ရဲ့ အနုပညာအရည်အသွေးက မှေးမှိန်မသွားခဲ့ပါဘူးနော်။မြိုင်ကာရိုက်တာနဲ့ ပရိတ်သတ်အားပေးမှုကို ရရှိခဲ့တဲ့ မေမီကိုကို ကိုတော့ ၁၉၉၂၊နိုဝင်ဘာ၂၆ရက်နေ့က ကချင်ပြည်နယ်၊ဗန်းမော်မြို့မှာ မွေးဖွားခဲ့ပါတယ်။
မွေးချင်း၃ယောက်ရှိတဲ့ ထဲမှာ အငယ်ဆုံးသမီးဖြစ်ပြီး နာမည်အရင်းကတော့ မေဇင်ဖြိုးပါ။မေမီကိုကိုက အနုပညာအလုပ်တွေကို ၅တန်းကျောင်းသူအရွယ်မှာကတညး်က ဝါသနာပါခဲ့သူပါ။မင်းသမီးတစ်ယောက်ဖြစ်တဲ့အမဖြစ်သူရွှန်းလဲ့ကို ကြည့်ရင်း အနုပညာလောကထဲကို ဝင်ရောက်လာခဲ့တာလည်းဖြစ်ပါတယ်။မေမီက အနုပညာလောကထဲကို မော်ဒယ်တစ်ယောက်ကနေ စတင်ခဲ့ပြီး နောက်ပိုင်းမှာ Forevergroup နဲ့ ချိတ်ဆက်မိခဲ့တာပါ။
၂၀၀၈ခုနှစ်လောက်မှာ မော်ဒယ်ဘဝနဲ့ အနုပညာအလုပ်တွေကိုလုပ်ကိုင်ခဲ့ပြီး ၂၀၁၂ခုနှစ်လောက်မှာ အရည်အချင်းရှိတဲ့ အနုပညာရှင်ရွေးချယ်ပွဲမှာ အရွေးခံရပြီး ဇာတ်လမ်းတွဲတွေရိုက်ကူးခွင့်ရရှိခဲ့ပါတယ်။မေမီက သူမရဲ့ပထမဆုံးဇာတ်လမ်းတွဲကို ၂၀၁၆ခုနှစ်မှာ စတင်ရိုက်ကူးနိုင်ခဲ့ပါတယ်။ကိုလူပျိုဆိုတဲ့ ဟာသရုပ်သံဇာတ်လမ်းတွဲကို ဘုန်းဆက်သွင်၊ မေဧကရီထူး၊ရွှေစင်ဝင့်ရှိန်တို့နဲ့ အတူပါဝင်သရုပ်ဆောင်ခဲ့ပါတယ်။၂၀၁၇ခုနှစ်မှာတော့ မာန်ဆိုနဲ့ ဒရမ်မာစီးရီးတွဲတစ်ခုနဲ့ အရိပ်ဆိုတဲ့ ဇာတ်လမ်းတွဲကိုရိုက်ကူးရင်း ပရိတ်သတ်တွေကိုချပြခဲ့ပါသေးတယ်။
မေမီကိုကိုဆိုပြီး ပရိတ်သတ်တွေအသိအမှတ်ပြုခဲ့တဲ့ ဇာတ်လမ်းတွဲကတော့ အဲ့ဒီ့ဇာတ်လမ်းတွဲ၂ခုလုံးနဲ့ မဟုတ်ဘဲ ပျားရည်အိုင်ဆိုတဲ့ ဇာတ်လမ်းတွဲနဲ့ပါ။၂၀၁၇မှာရိုက်ကူးခဲ့တဲ့ ပျားရည်အိုင်ဆိုတဲ့ ဒရမ်မာစီးရီးတွဲကတော့ သူမအတွက်အောင်မြင်မှုတွေများစွာရရှိခဲ့တဲ့ ဇာတ်လမ်းတွဲလို့ဆုိရမှာပါ။အဲ့ဒီ့ဇာတ်လမ်းတွဲကို အောင်ရေချမ်း၊ဘုန်းရှိန်ခန့်၊ရှင်မွေလ၊ဟိန်းမင်းသူ၊မြတ်သူသူတို့နဲ့အတူ တွဲဖက်ရိုက်ကူးခဲ့ပြီး မြိုင်ဆိုတဲ့ ဇာတ်ေကာင်စရိုက်ကြောင့် ပရိတ်သတ်တွေရဲ့အားပေးမှုကို ရရှိခဲ့ပါတယ်။
မေမီကိုကိုကတော့ မြိုင်ဆိုတဲ့ ဇာတ်ရုပ်နဲ့ Star award ကပေးတဲ့ အကောင်းဆုံးအမျိုးသမီးသရုပ်ဆောင်ဆုကို ၂၀၁၉ခုနှစ် ၊ဧပြီလ ၅ရက်နေ့မှာ ရရှိပိုင်ဆိုင်ခဲ့ပါတယ်။မြိုင်တစ်ယောက်ကြိုးစားလွန်းတာကြောင့် ပျားရည်အိုင်ဇာတ်လမ်းတွဲနဲ့ ဆုရခဲ့တယ်ဆိုရမှာပါ။အနုပညာအပေါ်မှာ ရူးသွပ်သူတစ်ယောက်ဖြစ်တဲ့ မေမီက သရုပ်ဆောင်တာနဲ့ ပတ်သက်ပြီး မှန်ကြည့်ပြီး သရုပ်ဆောင်သလို ဒီ့ထက်ပိုရူးသွပ်တာကတော့ မှန်ကြည့်ပြီးကိုယ်ပါးကိုယ်ရိုက်တာတွေရှိသလို ပူလောင်တဲ့ ခံစားမှုမျိုးကိုသိချင်ရင် အပူကိုင်တာတို့ရေနွေးပူထဲ လက်ထည့်တာက အစလုပ်ကိုင်ခဲ့သူပါ။
သူ့ရဲ့အနုပညာအပေါ်ထားတဲ့ရူးသွပ်မှုတွေကြောင့် အောင်မြင်တဲ့ မင်းသမီးတစ်လတ်ဖြစ်လာခဲ့တာလည်းဖြစ်ပါတယ်။ဆုရပြီးအောင်မြင်ခဲ့တဲ့ေ နာက်မှာတော့ ရင်ထိပ်ဖွယ်ဒရမ်မာ ဇာတ်လမ်းတွဲတစ်တွဲဖြစ်တဲ့ လိပ်ပြာနှောင်ကြိုးဇာတ်လမ်းတွဲနဲ့ အဆိပ်သေွးအတွဲ၂၊တတိယ ေမြာက်ဆံုမှတ်ကို ၂၀၁၉မှာ ရိုက်ကူးခဲ့သလို ၂၀၂၀မှာတော့စာရေးဆရာမ မစန္ဒာ ရေးသားထားပြီး လူကြိုက်များခဲ့တဲ့ ဂျီဟောသူဆိုတဲ့ ဝတ္ထုကို ရုပ်သံဇာတ်လမ်းတွဲအဖြစ် ရိုက်ကူးရာမှာ ညိုထွေးအဖြစ် ပါဝင်သရုပ်ဆောင်ခဲ့ပါသေးတယ်။ဇာတ်လမ်းတွဲတွေနဲ့ အောင်မြင်မှုရခဲ့တဲ့ မေမီကိုကိုက အခုအချိန်မှာ ဇာတ်လမ်းတွဲတွေအပြင် ၊ရုပ်ရှင်ဇာတ်ကားပေါင်းများစွာကို ရိုက်ကူးရင်းအောင်မြင်တဲ့ မင်းသမီးတစ်လတ်ဖြစ်လို့လာပါပြီ။
မင်းသမီးအဖြစ်အောင်မြင်ခဲ့တဲ့ မေမီက အခုအချိန်မှာ စွယ်စုံရမင်းသမီးတစ်လတ်အဖြစ် ထင်ရှားလို့နေခဲ့ပါတယ်။ေမာ်ဒယ်၊မင်းသမီး၊အဆိုေတာ်၊စာရေးဆရာ၊ဒါရိုက်တာ စတဲ့ဂုဏ်ပုဒ်တွေအောင်မြင်ခဲ့သူပါ။အဆိုတော်တစ်ယောက်အနေနဲ့ သီချင်းသုံးပုဒ်ထွက်ရှိခဲ့ပါသေးတယ်။၂၀၂၀၊ဇူလိုင်၊၂၅ရက်နေ့မှာ အလွမ်းပြေသီချင်းထွက်ခဲ့သလို၊၂၀၂၊စက်တင်ဘာ၊၁၄ရက်နေ့မှာ ယုံကြည်နေမယ့်ချစ်ခြင်း၊၂၀၂၀၊နိုဝင်ဘာ၊၂၆ရက်နေ့မှာတော့ အနမ်းပန်းသီချင်းကို ထွက်ရှိခဲ့ပါတယ်။စာရေးဆရာမတစ်ယောက်အနေနဲ့လည်း အနမ်းတစ်ပွင့်၏ကျိန်စာဆိုတဲ့ နာမည်နဲ့ ၂၀၂၀မှာ ဝတ္ထုတိုထွက်ရှိခဲ့ပါတယ်။
မော်ဒယ်၊မင်းသမီး၊စာရေးဆရာ၊အဆိုတော်ဆိုတဲ့ ဂုဏ်ပုဒ်အပြင် မကြာသေးခင်က ဒါရိုက်တာဆိုတဲ့ ဂုဏ်ပုဒ်ကိုပါ ထပ်မံရရှိခဲ့ပြန်ပါတယ်။Music MTV တစ်ပုဒ်ကို ကိုယ်တိုင်ဇာတ်ညွှန်းရေးပြီး ဒါရိုက်တာတစ်ယောက်အနေနဲ့ ရိုက်ကူးခဲ့တဲ့ အပေါ်မှာလည်း အနုပညာသမားအချင်းချင်း ချီးကျူးသံတွေပါကြားခဲ့ပါတယ်။အနုပညာနဲ့ ပတ်သက်ရင် ဘက်စုံထူးချွန်သူ မေမီကိုကိုကတော့ အခုအချိန်မှာ စီးပွားရေးလုပ်ငန်းတစ်ခုဖြစ်တဲ့ KO KO nail &beauty spa ကိုဖွင့်လှစ်နိုင်ခဲ့သလို အချစ်ရေးမှာလည်းကံကောင်းလွန်းနေသူတစ်ယောက်လည်းဖြစ်ပါတယ်။
ချစ်သူက နိုင်ငံခြားမှာ တာဝန်ထမ်းဆောင်နေတဲ့ ဒေါက်တာကျော်ဇောဟိန်းဖြစ်ပြီး ချောမောတဲ့ ရုပ်ရည်နဲ့ မက်လောက်စရာပညာအရည်အချင်းကို ပိုင်ဆိုင်ထားတာကြောင့် အမျိုးသမီးထုကြီးပါ အားကျရတဲ့အထိဖြစ်ခဲ့ပါတယ်။LDRS တွေဖြစ်ကြပေမယ့် တစ်ယောက်ကိုတစ်ေယာက်နားလည်မှုတွေပေးထားသလို ဒေါက်တာကျော်ဇောဟိန်းဘက်ကတော့ မင်းသမီးဖြစ်တဲ့ မေမီကိုကို ကို နားလည်မှုအပြည့်အဝပေးထားပြီး အနုပညာနဲ့ပတ်သက်ရင်လည်း ဝင်ရောက်စွက်ဖတ်တာမရှိဘဲ အပြည့်အဝလုပ်ခွင့်ပေးထားတာလည်းဖြစ်ပါတယ်။
ရုပ်ရည်ကွာခြားမှုကြောင့် ဝေဖန်ေနတဲ့ ပရိတ်သတ်တွေရှိနေလည်း သူတို့နှစ်ယောက်ကတော့ နားလည်မှုေတွ၊ချစ်ခြင်းမေတ္တာတွေရှေ့ဆက်နေခဲ့တာလည်းဖြစ်ပါတယ်။အခုအချိန်မှာ ဝေဖန်မှုကြားကနေ ချစ်သူသက်တမ်း၄နှစ်ကျော်ခဲ့ပါပြီ။ကောင်လေးဘက်က လက်ထပ်ဖို့ပြောပေမယ့် အနုပညာအလုပ်တွေကို လုပ်ချင်သေးတဲ့ မေမီကတော့ အသက် ၃၅နှစ်မှ အိမ်ထောင်ပြုဖို့တွေးထားတဲ့ အကြောင်းပြောပြလာခဲ့ပါတယ်။
ရေးသားသူ – One Daily Channel
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။