“Harry Potter” ရုပ်ရှင်တွေနဲ့ထင်ရှားတဲ့ ဒိန်းဘွဲ့ရ မက်ဂီစမစ် ကွယ်လွန်
“Harry Potter” ဇာတ်လမ်းတွဲနဲ့ ပရော်ဖက်ဆာမီနာဗာ မက်ဂွန်နာဂါလီအဖြစ် လူသိများတဲ့ ဗြိတိန်မင်းသမီးကြီး မက်ဂီစမစ်သ်ဟာ ကွယ်လွန်သွားခဲ့ပါပြီ။ သူ သေဆုံးတော့ အသက် ၈၉ နှစ်ရှိပါပြီ။
စက်တင်ဘာ ၂၇ ရက်နေ့က အင်္ဂလန်၊ လန်ဒန်မြို့ရှိ Chelsea and Westmister Hospital မှာ မက်ဂီဟာ ငြိမ်းချမ်းစွာကွယ်လွန်သွားခဲ့တယ်လို့ သားဖြစ်သူ ခရစ် လာကင်နဲ့ တိုဘီစတီဖန်တို့က ထုတ်ပြန်ခဲ့ပါတယ်။ သေဆုံးရခြင်းအကြောင်းအရင်းကိုတော့ ထုတ်ပြောပြခဲ့ခြင်းမရှိပါဘူး။
မက်ဂီက ၁၉၅၀ ခုနှစ်က ပြဇာတ်တွေမှာ ပါဝင်ရင်း သူ့ရဲ့အနုပညာအလုပ်ကို စတင်ခဲ့တာပါ။ ၁၉၇၀ ခုနှစ် နဲ့ ၁၉၇၉ ခုနှစ်တွေမှာ “The Prime of Miss Jean Brodie” နဲ့ “California Suite” ဇာတ်ကားတွေနဲ့ အော်စကာဆု ၂ ဆုရရှိခဲ့ပါတယ်။ သူဟာ အိမ်ထောင် ၂ ခါ ပြုခဲ့ပြီး ၁၉၇၉-၁၉၇၅ ခုနှစ်တွေ မှာ တွဲဖက်သရုပ်ဆောင် ရောဘတ်စတီဖန်နဲ့ လက်ထပ်ခဲ့ကာ ၁၉၇၅-၁၉၉၈ ခုနှစ်တွေမှာ တွဲဖက်သရုပ်ဆောင် ဘီဗာလေး ခရော့စ်နဲ့ လက်ထပ်ခဲ့ပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။