Miss Universe Korea အလှမယ်ပြိုင်ပွဲမှာ ဗိုလ်လုပွဲတက်ရောက်နေပြီဖြစ်တဲ့ အသက် ၈၀ အရွယ်အလှမယ်
၁၉၅၂ ခုနှစ်မှာ ပထမဆုံး Miss Universe အလှမယ်ပြိုင်ပွဲကို မကျင်းပခင် ချွိုက်ဆွန်းဟွာဆိုတဲ့ အမျိုးသမီး မွေးဖွားလာခဲ့တာ ဆယ်စုနှစ်တစ်ခုနီးပါးရှိပါပြီ။ အခုဆို သူဟာ နိုဝင်ဘာလကျ မက္ကစီကိုမှာ ကျင်းပမယ့် Miss Universe ဖိုင်နယ်ပွဲမှာ တောင်ကိုရီးယားကိုယ်စားပြုအလှမယ်အဖြစ် ဝင်ရောက်ယှဉ်ပြိုင်ခွင့်ရမယ့်အခွင့်အရေးရှိနေပါပြီ။
သူဟာ Miss Universe Korea 2024 သရဖူကိုဆောင်းဖို့အတွက် စက်တင်ဘာ ၃၀ ရက်နေ့ကျရင် အခြားနောက်ဆုံးဆန်ကာတင်အလှမယ် ၃၁ ဦးနဲ့ ယှဉ်ပြိုင်သွားရမှာပါ။ ချွိုက်ဆွန်းဟွာသာ Miss Universe Korea 2024 သရဖူကိုဆောင်းရမယ်ဆိုရင် Miss Universe အလှမယ်ပြိုင်ပွဲမှာ အသက်အကြီးဆုံးဝင်ရောက်ယှဉ်ပြိုင်သူဖြစ်လာမှာပါ။
“အသက် ၈၀ အရွယ်အမျိုးသမီးကြီးက ဘယ်လိုလုပ် အရမ်းကျန်းမာနေရတာလဲ”၊ “အဲ့ဒီခန္ဓာကိုယ်ဖြစ်အောင် ဘယ်လိုထိန်းသိမ်းခဲ့တာလဲ”၊ “Diet ကဘာလဲ”လို့ ပြောရလောက်အောင် ကမ္ဘာကြီးကို ဆွဲဆောင်ချင်တယ်လို့ ချွိုက်ကပြောပါတယ်။
ဒုတိယကမ္ဘာစစ်အတွင်း မွေးဖွားခဲ့ပြီး ကိုရီးယားစစ်ပွဲရဲ့ခက်ခဲကြမ်းတမ်းမှုတွေကို ကျော်လွှားခဲ့တဲ့ ချွိုက်က ဖက်ရှင်မော်ဒယ်တစ်ယောက်ဖြစ်လိုတဲ့အိပ်မက်ရှိခဲ့တာပါ။ အသက် ၇၂ နှစ်မှာ အကြွေးရှိတာကြောင့် freelance Care Nurse အဖြစ် သူ့ရဲ့အသက်မွေးဝမ်းကြောင်းအလုပ်ကို ပြန်စတင်ဖို့ဖြစ်လာခဲ့ပါတယ်။
ဒါပေမဲ့သူက မော်ဒယ်ဖြစ်လိုတဲ့သူ့အိပ်မက်ကိုလည်း လက်မလျှော့ခဲ့ပါဘူး။ သူ့ရဲ့လူနာတစ်ယောက်က မော်ဒယ်အလုပ်ကို ကြိုးစားကြည့်ဖို့ အကြံပြုခဲ့ပါတယ်။ ချွိုက်က Harper’s Bazaar နဲ့ Elle ကိုရီးယားမဂ္ဂဇင်းတွေမှာ မော်ဒယ်အဖြစ် ပါဝင်ခွင့်ရခဲ့သလို ၂၀၂၅ ခုနှစ်ကျ Seoul Fashion Week မှာ ပါဝင်တော့မှာဖြစ်ပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။