YouTube မှာ dislike တစ်သန်းကျော်ရရှိနေတဲ့
Snow White live-action ရဲ့ trailer
၂၀၂၅ မှာ ရုံတင်ပြသမယ့် Disney ရဲ့ live-action remake ရုပ်ရှင်တစ်ကားဖြစ်တဲ့ Snow White ကတော့ ပရိသတ်တွေရဲ့အားပေးမှုနဲ့ မေတ္တာပို့သမှုတွေကို တခဲနက်ရရှိထားတဲ့ပုံပါပဲ။
လွန်ခဲ့တဲ့သုံးပတ်ဝန်းကျင်က Disney ရဲ့ တရားဝင် YouTube Channel တစ်ခုဖြစ်တဲ့ Walt Disney Studios မှာ တရားဝင်မျှဝေဖော်ပြထားတဲ့ Snow White live-action ရဲ့ တရားဝင် teaser trailer ဟာ dislike (ကြိုက်နှစ်သက်မှုမရှိ) ပမာဏ တစ်သန်းကျော်ရရှိထားပြီး like (ကြိုက်နှစ်သက်မှုရှိ) ပမာဏကတော့ ရှစ်သောင်းကျော်သာရှိနေကြောင်း သတင်းဝက်ဘ်ဆိုက်တစ်ခုဖြစ်တဲ့ The SFF Gazette ရဲ့ စစ်တမ်းအရသိရှိရပါတယ်။
Snow White live-action remake ရဲ့ ဇာတ်လမ်းဇာတ်ညွှန်းကို The Girl on the Train ရဲ့ ဇာတ်ညွှန်းဆရာမ Erin Cressida Wilson နဲ့ Barbie ရဲ့ ဒါရိုက်တာ Greta Gerwig တို့က ရေးသားထားတာဖြစ်ပြီး 500 Days of Summer နဲ့ The Amazing Spider-Man တို့ရဲ့ ဒါရိုက်တာ Marc Webb က ရိုက်ကူးပေးထားတာဖြစ်ပါတယ်။
Forbes မဂ္ဂဇင်းရဲ့ဆောင်းပါးတစ်ပုဒ်အရ Disney ဟာ Snow White live-action remake အတွက် ရိုက်ကူးရေးဘတ်ဂျက် ကန်ဒေါ်လာ ၂၀၉.၃ သန်းအထိ အသုံးပြုထားကြောင်းသိရပါတယ်။ ဒါဟာ လွန်ခဲ့တဲ့နှစ်က ရုံတင်ခဲ့တဲ့ Disney live-action ရုပ်ရှင်တစ်ကားဖြစ်တဲ့ The Litte Mermaid ထက် နည်းပါးတဲ့ပမာဏတစ်ခုလည်းဖြစ်ပါတယ်။
Snow White မှာ The Hunger Games, West Side Story နဲ့ Shazam! Fury of the Gods သရုပ်ဆောင် Rachel Zegler က Snow White အဖြစ်၊ Wonder Woman သရုပ်ဆောင်ဟောင်း Gal Gadot က ဗီလိန်ဇာတ်ကောင် Evil Queen အဖြစ် ပါဝင်သရုပ်ဆောင်ထားလျက်ရှိပါတယ်။
ဒီရုပ်ရှင်နဲ့ပတ်သက်ပြီး ပရိသတ်တွေက အဓိကသရုပ်ဆောင် Rachel Zegler ရဲ့ တစ်ဖက်စောင်းနင်းဆန်တဲ့မှတ်ချက်တွေ၊ မူရင်း animation ရဲ့ ဇာတ်ကောင်တချို့ကိုဖြုတ်ချကာ တစ်ဖက်စွန်းရောက်တင်ဆက်မှုတွေပြုလုပ်ထားမှုတွေအပေါ် မကျေမနပ်ဖြစ်နေလျက်ရှိပါတယ်။
Ref: Internet
ရေးသားသူ –Myanmar Varient Entertainment II
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
