ကျောင်းသားလေးတွေက ကျောင်းစောင့်ကြီးကို ဂျစ်ကားသစ်တစ်စီး
မွေးနေ့လက်ဆောင်ပေး
အထက်တန်းကျောင်းသားလေးတစ်ဖွဲ့ဟာ သူတို့ အလွန်ချစ်ခင်တဲ့ ကျောင်းစောင့်ကြီးကို ကားသစ်တစ်စီး မွေးနေ့လက်ဆောင်ဝယ်ပေးပြီး အံ့အားသင့်စေခဲ့ပါတယ်။ ဗာဂျီးနီးယားပြည်နယ် ဂျိမ်းစ်မက်ဒီဆင် အထက်တန်းကျောင်းမှ ကျောင်းသားတစ်ဖွဲ့ဟာ အမေရိကန်ဒေါ်လာ ၂၀၀၀၀ ကျော် ရန်ပုံငွေရှာဖွေပြီး ဂါနာနိုင်ငံကနေ ရွှေ့ပြောင်းလာတဲ့ ကျောင်းစောင့်ကြီး ဖရန်ဆစ်အပရာကူအတွက် Jeep Wrangler ကားသစ်တစ်စီး ဝယ်ပေးခဲ့တာပါ။
အပရာကူဟာ ကျောင်းသား/သူတွေကို နွေးထွေးဖော်ရွေစွာ ဆက်ဆံတတ်သူဖြစ်ပြီး အမြဲတမ်းလိုလို အပြုံးနဲ့ဆီးကြိုတတ်သူပါ။ ဒီအတွက် ကျောင်းသား/သူတွေက သူ့ကို ချစ်ခင်ကြပြီး စက်တင်ဘာလ ၉ ရက်မှာ ကျရောက်တဲ့ သူ့မွေးနေ့အတွက် လက်ဆောင်ပေးဖို့ ပြီးခဲ့တဲ့မေလကတည်းက GoFundMe စာမျက်နှာတစ်ခု တည်ထောင်ခဲ့ကြတာပါ။
ရပ်ရွာအတွင်း နေထိုင်ကြသူတွေရဲ့ ထည့်ဝင်လှူဒါန်းမှုနဲ့အတူ ဒေါ်လာ ၂၁၀၀၀ ရရှိခဲ့ကြပြီး ကြက်သွေးရောင်ဂျစ်ကားသစ်ကြီး ဝယ်ပေးနိုင်ခဲ့တာပါ။ အပရာကူကတော့ မယုံနိုင်အောင် အံ့အားသင့်ခဲ့ပြီး သူ့ဘဝမှာ ဒီနေ့ကို မေ့မှာမဟုတ်တော့ဘူးလို့ ဆိုပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။