စပိန်နိုင်ငံမှာ လွန်ခဲ့တဲ့ နှစ်ပေါင်း ၅၆၀၀ ကတည်းက တည်ဆောက်ထားတဲ့
ကျောက်သားတံတားတစ်စင်း တွေ့ရှိ
စပိန်နိုင်ငံ မာယော့ကာကမ်းရိုးတန်းနားမှ ဂူတစ်ခုထဲမှာ လွန်ခဲ့တဲ့ နှစ်ပေါင်း ၅၆၀၀ ကတည်းက လူသားတွေ တည်ဆောက်ထားတဲ့ ကျောက်သားတံတားတစ်စင်းကို ရှာဖွေတွေ့ရှိခဲ့ပါတယ်။ ဒီတွေ့ရှိမှုဟာ ရှေးခေတ်ဗိသုကာပညာနဲ့ လူသားတွေအခြေချနေထိုင်မှုသမိုင်းအတွက် အရေးပါတဲ့ တွေ့ရှိမှုတစ်ရပ်ပါ။
ဘိလပ်မြေ၊ မဆလာ မသုံးဘဲ ထုံးကျောက်တုံးကြီးတွေ ဆင့်ကာဆင့်ကာ တည်ဆောက်ထားတာပါ။ တစ်ချိန်က ဒီနေရာမှာ ရှိခဲ့ဖူးတဲ့ ရေကန်ကို ဖြတ်သန်းသွားဖို့ တံတားထိုးခဲ့ကြပြီး အခုတွေ့ရှိရတဲ့ ကျောက်သားတံတားကတော့ အဲဒီတံတားရဲ့အဆက်ဖြစ်တယ်လို့ သုတေသီတွေက ဆိုပါတယ်။ (လက်ရှိအချိန်မှာ ရေအောက်မြုပ်နေတဲ့) ဂျီနိုဗီဆာဂူထဲကနေ တွေ့ရှိခဲ့တဲ့ ကျောက်သားတံတားဟာ ရေအရင်းအမြစ်တွေကို ရယူသုံးစွဲနိုင်ဖို့ ရှေးလူတွေရဲ့ ကြိုးပမ်းမှုတစ်ရပ်လို့လည်း ယူဆထားကြပါတယ်။
အစောပိုင်းတွေ့ရှိရတဲ့ အထောက်အထားတွေအရ မာယော့ကာကျွန်းနားတစ်ဝိုက်မှာ လွန်ခဲ့တဲ့ နှစ်ပေါင်း ၄၄၀၀ လောက်ကစပြီး အခြေချနေထိုင်သူတွေရှိခဲ့တာလို့ ဆိုထားပေမဲ့ အခုတွေ့ရှိမှုအရ လွန်ခဲ့တဲ့ နှစ်ပေါင်း ၆၀၀၀ ကျော်ကတည်းက ဒီနေရာမှာ အခြေချနေထိုင်သူတွေ ရှိနေပြီလို့ ယူဆနိုင်ပါတယ်။ တွေ့ရှိထားတဲ့ အရိုးတွေ၊ အိုးတွေရဲ့ သက်တမ်းအရ လွန်ခဲ့တဲ့ နှစ်ပေါင်း ၉၀၀၀ လောက်ကတည်းက အခြေချနေထိုင်သူတွေ ရှိနေပြီလို့ ယူဆနိုင်ပေမဲ့ ရေဒီယိုကာဗွန်သက်တမ်း တွက်ချက်ရာမှာ ရေရာမှုအားနည်းနေတာကြောင့် အတိအကျ ပြောနိုင်ခြင်းတော့ မရှိသေးပါဘူး။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။