အာကာသထဲမှာ ပထမဆုံး တယောထိုးသူအဖြစ်
မှတ်တမ်းဝင်ခဲ့တဲ့ SpaceX အင်ဂျင်နီယာ
SpaceX ကုမ္ပဏီရဲ့ Polaris Dawn အာကာသခရီးစဉ်မှာ အင်ဂျင်နီယာအဖြစ် လိုက်ပါခဲ့သူ ဆာရာဂီးလစ်ဟာ အာကာသထဲမှာ ပထမဆုံး တယောထိုးဖျော်ဖြေသူအဖြစ် မှတ်တမ်းဝင်ခဲ့ပါတယ်။ Harmony of Resilience (ခံနိုင်ရည်စည်းချက်)လို့ အမည်ပေးထားတဲ့ တေးသီချင်းဗီဒီယိုထဲမှာ ဆာရာဂီးလစ်က Star Wars:The Force Awakens ထဲမှ ဂျွန်ဝီလျံရဲ့ Rey’s Theme သီချင်းကို တယောထိုးခဲ့တာပါ။ Crew Dragon အာကာသယာဉ်ထဲမှာ ဆွဲငင်အားကင်းမဲ့နေတဲ့အနေအထားနဲ့ တယောထိုးခဲ့တာဖြစ်ပြီး ကမ္ဘာ့နိုင်ငံအသီးသီးမှ သံစုံတီးဝိုင်းတွေရဲ့ မြင်ကွင်းပုံရိပ်တွေကိုလည်း ဗီဒီယိုထဲမှာ ထည့်သွင်းဖော်ပြခဲ့ပါတယ်။
စက်တင်ဘာလ ၁၃ ရက်နေ့က ဖြန့်ချိခဲ့တဲ့ အဲဒီဗီဒီယိုဟာ တကမ္ဘာလုံး စည်းလုံးညီညွတ်ရေးနဲ့ မျှော်လင့်ချက်ရှင်သန်ရေးကို ရည်ရွယ်ဖန်တီးခဲ့တာပါ။ ဒီဗီဒီယိုထဲမှာ ကလေးဘဝ ရောဂါဘယကြုံတွေ့မှု တိုက်ဖျက်ရေး၊ ဂီတပညာရေး မြှင့်တင်ရေး ဆောင်ရွက်နေတဲ့ စိန့်ဂျူဒ်သုတေသန ကလေးဆေးရုံနဲ့ El Sistema USA ရဲ့ လှုပ်ရှားမှုတွေကို အသားပေး ဖော်ပြသွားတာ တွေ့ရပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။