ကလေးလူနာတွေကို ဂီတနဲ့ ကုသပေးနေတဲ့ သူနာပြုဆရာမ
တိတ်တဆိတ်သူရဲကောင်းဆု ဆွတ်ခူး
ကလေးငယ်တွေကို ဂီတနဲ့ ဆေးပညာ ပေါင်းစပ်ကုသပေးခဲ့တဲ့ ဗြိတိန်နိုင်ငံမှ သူနာပြုဆရာမဟာ တိတ်တဆိတ်သူရဲကောင်းဆု ဆွတ်ခူးခဲ့ပါတယ်။ သွေးကင်ဆာရောဂါ ခံစားရသူ ကလေးငယ်တွေကို ပြုစုစောင့်ရှောက်ပေးတဲ့ ဆယ်လီစပန်ဆာဟာ ဘာမင်ဂမ်ကလေးဆေးရုံမှာ ၂၅ နှစ်ကြာ တာဝန်ထမ်းဆောင်ခဲ့သူပါ။ ဆယ်လီဟာ Ex Cathedra သံစုံအဖွဲ့ရဲ့ အဆိုတော်တစ်ဦးလည်း ဖြစ်ပါတယ်။
ဆယ်လီဟာ ဆေးရုံတက်နေရတဲ့ ကလေးငယ်တွေ ပျော်ရွှင်စေဖို့အတွက် လွန်ခဲ့တဲ့ နှစ် ၂၀ ကစပြီး Singing Medicine အစီအစဉ်တစ်ခုကို ဖော်ဆောင်ခဲ့ပါတယ်။ အဲဒီအစီအစဉ်ကတော့ သီးခြားခွဲထားရတဲ့ ဝေဒနာရှင်တွေ အပါအဝင် ဆေးရုံတက်နေရတဲ့ ကလေးလူနာတိုင်းကို သီချင်းဆိုပြတာပဲ ဖြစ်ပါတယ်။ ကိုဗစ်-၁၉ ကပ်ရောဂါကာလမှာ လူချင်းတွေ့ဆုံဖို့ မဖြစ်နိုင်လို့ ကလေးငယ်တွေအတွက် တေးသီချင်းဗီဒီယို ထောင်နဲ့ချီ ဖန်တီးပေးခဲ့ပါတယ်။ ဆယ်လီရဲ့ ဦးဆောင်မှုကြောင့် သူတို့အဖွဲ့ဟာ ဘဝတစ်ပါး ကူးပြောင်းလုဆဲဆဲ ဖြစ်နေတဲ့ လူနာတွေကိုတောင် တေးဂီတနဲ့ ပျော်စရာတွေ ဖန်တီးပေးနိုင်ခဲ့ပါတယ်။
ကလေးဆေးရုံတွေအပြင် လေဖြန်းခြင်း၊ မှတ်ဉာဏ်ချွတ်ယွင်းခြင်း ဝေဒနာရှင်တွေကိုပါ တေးဂီတနဲ့ ကုသပေးနိုင်အောင်လည်း ဆယ်လီက တိုးချဲ့နိုင်ခဲ့တာပါ။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။