အိမ်အကူ ၂ ယောက်ကို နောက်ဆုံးပေါ် iPhone 16s
လက်ဆောင်ပေးပြီးတော့ အံ့အားသင့်စေခဲ့တဲ့ မလေးရှားစုံတွဲ
မလေးရှားလူမျိုး Influencer စုံတွဲဖြစ်တဲ့ Jeff Leong နဲ့ Inthira Kalanjiam တို့ဟာ YouTube ချန်နယ်မှာ subscriber ၁.၁ သန်းကျော်ရရှိထားတာပါ။ စက်တင်ဘာ ၂၂ ရက်နေ့က တင်ခဲ့တဲ့ သူတို့ရဲ့ဗီဒီယိုတစ်ခုဟာဆိုရင် တော်တော်လေးပေါက်ခဲ့ပါတယ်။ အဲ့ဒီဗီဒီယိုမှာ သူတို့စုံတွဲဟာ သူတို့ရဲ့အိမ်အကူ ၂ ယောက်ဖြစ်တဲ့ Neneng နဲ့ Sriကို နောက်ဆုံးပေါ် iPhone 16s အသစ်စက်စက်နဲ့ အံ့အားသင့်အောင်လုပ်ခဲ့တာပါ။
Jeff တို့က သူတို့ရဲ့အိမ်အကူတွေကို ဖုန်းအသစ်ရတဲ့အတွေ့အကြုံကို ခံစားစေချင်လို့ အခုလို iPhone 16s ပေးဖို့ ဆုံးဖြတ်ခဲ့တာပါ။ အိမ်အကူတွေကို ဖုန်းအသစ်နဲ့ အံ့အားသင့်အောင်လုပ်ဖို့ Jeffတို့စုံတွဲက သူတို့ရဲ့ ၂နှစ်သမီးလေးကိုလည်း ပါဝင်စေခဲ့ပါတယ်။
၂ နှစ်သမီးလေးကို အိမ်အကူတွေနဲ့ ကျောက်တုံး၊ စက္ကူ၊ ကတ်ကြေးကစားနည်းကို ကစားစေခဲ့ပါတယ်။ နိုင်တဲ့သူက ဆုအကောင်းစားရမှာဖြစ်ပြီး ရှုံးတဲ့သူက သာမန်ဆုတစ်ခုရမယ်လို့ Inthira က ပြောခဲ့ပါတယ်။ Neneng က ၂ နှစ်သမီးလေးကို ရှုံးသွားခဲ့ပြီး Sri က နိုင်သွားခဲ့ပါတယ်။
၂ နှစ်သမီးလေးက လက်ဆောင်ပေးတဲ့အချိန် သူတို့နှစ်ဦးကို မျက်စိမှိတ်ထားစေခဲ့ပါတယ်။ နိုင်သွားတဲ့ Sri က အနက်ရောင် iPhone 16 Pro ကို ရသွားခဲ့ပြီး Neneng က Light Blue အရောင် iPhone 16 ကို ရရှိခဲ့ပါတယ်။
အိမ်အကူ ၂ ယောက်လုံးက သူတို့ရရှိတဲ့ဆုလက်ဆောင်တွေကို မြင်ပြီး စိတ်လှုပ်ရှားက ဝမ်းသာပီတိမျက်ရည်တွေကျခဲ့ရပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။