ဇာတ်လမ်းတွဲအသစ်မှာ ကိုယ်အလေးချိန် ၁၈ ကီလိုဂရမ်တက်ဖို့ ရပ်ကွက်ထဲက ဘာဂါဆိုင်တွေမှာ သွားစားခဲ့ရတယ်ဆိုတဲ့ မင်းသားဂျိုဝူဂျင်
တောင်ကိုရီးယားမင်းသား ဂျိုဝူဂျင်ကို သူ့ရဲ့ဇာတ်လမ်းတွဲအသစ် Gangnam B-Side မှာ ခါတိုင်းမြင်နေကျပုံစံနဲ့မတူဘဲ လုံးဝကွာခြားသွားတာကို တွေ့မြင်ရမှာဖြစ်ပါတယ်။ သူဟာ ဒီဇာတ်လမ်းတွဲမှာ သူ့ရဲ့ဇာတ်ကောင်အတွက် ကိုယ်အလေးချိန် ၁၈ ကီလိုဂရမ်တက်လာအောင်လုပ်ဆောင်ခဲ့ရတာပါ။
သူဟာ အစားတွေအများကြီးစားပြီး ပြင်းပြင်းထန်ထန်လေ့ကျင့်ခန်းလုပ်ခဲ့ရတယ်။ ကိုယ်အလေးချိန်တက်ဖို့ သူ့ရပ်ကွက်ထဲက ဘာဂါဆိုင်တွေအားလုံးမှာ သွားစမ်းစားကြည့်ခဲ့တယ်။ ဒါဟာ သူ့အတွက် ပထမဆုံးပါပဲတဲ့။
Gangnam B-Side ဇာတ်လမ်းတွဲမှာ ဝူဂျင်က သူ့ရဲ့လုပ်ဖော်ကိုင်ဖက်တွေရဲ့အမှားတွေကို ဖော်ထုတ်ခြင်းအတွက် ရာထူးမှလျှော့ချခံခဲ့ရပေမဲ့ ဆိုးလ်မြို့ရဲ့ ဂန်နမ်ရပ်ကွက်မှာ ပျောက်ဆုံးမှုတွေ ဆက်တိုက်ဖြစ်ပွားနေတဲ့ အမှုကို ဖြေရှင်းဖို့ အလုပ်ပြန်ဝင်ခဲ့တဲ့ စုံထောက် ကန်ဒုန်ဝူအဖြစ် သရုပ်ဆောင်ထားပါတယ်။
ထိပ်တန်းမင်းသား ဂျီချန်ဝုကလည်း ဒီဇာတ်လမ်းတွဲမှာ နာမည်ဆိုးနဲ့ ကျော်ကြားတဲ့ လူဆိုး ယွန်ဂီလ်ဟိုအဖြစ် သရုပ်ဆောင်ထားပါတယ်။ Gangnam B-Side ဇာတ်လမ်းတွဲကို Disney+ မှာ နိုဝင်ဘာ ၆ ရက်နေ့ ပြသသွားမှာဖြစ်ပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။