ဓိရာမိုရ်ကြောင့် သူမရဲ့ ဘဝအခြေအနေကိုဖော်ပြခွင့်ရခဲ့တာမို့
အတိုင်းမသိပျော်ရွှင်နေတဲ့ ခိုင်နှင်းဝေ
ခိုင်နှင်းဝေကတော့ အခုအချိန်မှာ တေးရေး၊တေးဆို ဓိရာမိုရ်ကြောင့် အတိုင်းမသိပျော်ရွှင်နေရပြီလို့ဆိုပါတယ်။အခုလိုပျော်ရွှင်အောင်လုပ်ပေးနိုင်တာက ဓိရာမိုရ်ရဲ့ သီချင်းတစ်ပုဒ်ကြောင့်ပါဘဲ။ဓိရာမိုရ်ကတော့ သီချင်းရေးသားတဲ့ နေရာမှာရော ၊သီဆိုတဲ့ နေရာမှာပါ ကောင်းလွန်းသူတစ်ယောက်အဖြစ် ပရိတ်သတ်တွေက လက်ခံထားတာပါ။အေးချမ်းတဲ့ အသံကြောင့် ပရိတ်သတ်အားပေးမှုကိုရထားသလို အခုလည်းသူ့ရဲ့ သီချင်းတစ်ပုဒ်ကြောင့် ခိုင်နှင်းဝေတစ်ယောက်ပီတိဖြစ်နေရပါပြီ။
ခိုင်နှင်းဝေကတော့ တစ်ခြားကြောင့်ပျော်တာမဟုတ်ဘဲ ဓိရာမိုရ်ရဲ့ အိမ်ဆိုတဲ့ သီချင်းကို MTV ရိုက်ခွင့်ရခဲ့လိုပါဘဲ။အောင်မြင်နေတဲ့ မင်းသမီးတစ်လတ်မို့ MTV တစ်ပုဒ်ရိုက်ရတာက သူ့အတွက်မထူးဆန်းပေမယ့် ဓိရာမိုရ်ရဲ့ အိမ်ဆိုတဲ့ အဓိပ္ပါယ်က သူအကောင်အထည်ဖော်ထားတဲ့ အရာတွေနဲ့ ထပ်တူကျနေလို့ပါဘဲ။အိမ်ဆိုတဲ့ သီချင်းကထွက်ထားတာကြာပေမယ့် Music mtv ကတော့ အခုမှရိုက်မှာပါ။သီချင်းလေးက Social media မှ ပျံ့နှံ့လာကတည်းက ပရိတ်သတ်အကြိုက်နဲ့ ထပ်တူကျခဲ့တဲ့ သီချင်းတစ်ပုဒ်လည်းဖြစ်ပါတယ်။
အိမ်ဆိုတဲ့ အဓိပ္ပါယ်က လူတိုင်းအတွက်လေးနက်တဲ့အရာတစ်ခုဖြစ်နေမှာပါ။အိမ်ဆိုတဲ့ စာလုံးက တစ်လုံးထဲရှိပေမယ့် လေးနက်တဲ့ အဓိပ္ပါယ်တွေ ၊အမှတ်တရတွေ၊ပျော်ရွှင်မှု၊ဝမ်းနည်းမှုတွေက အများကြီးပါဘဲ။အိမ်ဆိုတာ တစ်ချို့ လူတွေအတွက်ပျော်ရွှင်စရာကောင်းခဲ့ပေမယ့် တစ်ချို့အတွက်ကတော့ မနွေးထွေးတဲ့ မိသားစုတွေကြောင့် စိတ်ညစ်စရာကောင်းခဲ့တဲ့ နေရာတစ်ခုဖြစ်နေမှာအသေအချာပါဘဲ။ဓိရာမိုရ်ရဲ့ သီချင်းအဓိပ္ပါယ်က နားထောင်ရုံနဲ့ အဓိပ္ပါယ်က သိပ်မလေးနက်ပေမယ့် ခိုင်နှင်းဝေရဲ့ သရုပ်ဆောင်ချက်တွေနဲ့ တွဲပြီး နားထောင်လိုက်ရင် ပိုပြီးလေးနက်စေမှာလည်းဖြစ်ပါတယ်။
ခိုင်နှင်းဝေကတော့ ဓိရာမိုရ်ရဲ့ အိမ်ဆိုတဲ့ သီချင်းကို ဓိရာမိုရ်အသံနဲ့ တွဲပြီး MTV ရိုက်ရတာကို ကျေနပ်နေမိတယ်လို့ဆိုပါတယ်။ခိုင်နှင်းဝေကတော့ သီချင်းရဲ့ အဓိပ္ပါယ်နဲ့ သူတည်ဆောက်ခဲ့ရတဲ့ အိမ်ပုံစံက တစ်ထပ်တည်းကျနေတာမို့ သူရုပ်ဆောင်ခွင့်ရတာကို ပျော်နေခဲ့တာပါ။မိဘတွေရဲ့ ကြင်နာမှုမရှိသလို၊နွေးထွေးမှု ဂရုစိုက်မှုတွေမရလို့ သူ့ဆီရောက်လာတဲ့ ကလေးတွေအတွက် သူတည်ဆောက်ထားအိမ်ကြီးက နွေးထွေးစေမှာ အသေအချာပါဘဲ။ခိုင်နှင်းဝေကတော့ နွေးထွေးတဲ့ အိမ်ကိုသူကိုယ်တိုင်လိုချင်တောင့်တမိနေခဲ့တာလည်းဖြစ်ပါတယ်။
ငယ်စဉ်ကတည်းက မိစုံဖစုံနဲ့ နွေးနွေးထွေးထွေးနေချင်ခဲ့ပေမယ့်မဖြစ်နိုင်ခဲ့သလို အိမ်ထောင်ကျခဲ့တဲ့ အချိန်မှာလည်း သာယာတဲ့ အိမ်လေးဖန်တီးချင်ခဲ့ပေမယ့် ယောကျာ်းရဲ့ ဖောက်ပြန်မှုကြောင့်မျှော်လင့်ထားတာတွေက သဲထဲရေသွန်လိုက်သလိုပါဘဲ။သူ့ဘဝမှာ သူဖြစ်ချင်တဲ့ အရာတွေ မဖြစ်လာတာမို့ သူအနေနဲ့ကိုယ်ချင်းစာစိတ်အပြည့်နဲ့ ကလေးတွေအတွက် နွေးထွေးတဲ့ အိမ်ကိုဖန်တီးခဲ့တာလို့ဆိုပါတယ်။ပတ်ဝန်းကျင်အမြင်မှာသာ မိဘမဲ့ ဂေဟာဆိုပြီး ဖြစ်နေပေမယ့် ကလေးအတွက်ကတော့ မိဘအိမ်လိုနွေးထွေးစေမှာ အသေအချာပါဘဲ။
ခိုင်နှင်းဝေအတွက် အခုလို အိမ်ကောင်းတစ်လုံးဖြစ်လာဖို့က လွယ်ကူတဲ့ အရာတော့မဟုတ်ပါဘူး။မလိုတဲ့ လူတွေရဲ့ ဝေဖန်တိုက်ခိုက်မှုတွေကြားကနေ မဖြစ်ဖြစ်အောင် ရုန်းကန်ခဲ့ရတာပါ။ကလေးတွေကို ဗန်းပြစားတယ်၊မင်းသမီးဖြစ်ပြီး အပိုလုပ်နေတယ်၊ခိုင်နှင်းဝေကြောင့် မိဘမဲ့ကလေးပိုများလာတယ်ဆိုတဲ့ အခြေအမြစ်မရှိဘဲ တိုက်ခိုက်နေတဲ့ စကားလုံးတွေကြားကနေ နွေးထွေးတဲ့ အိမ်လေးကို မဖြစ်ဖြစ်အောင်တည်ဆောက်နိုင်ခဲ့တာမို့ သူ့အနေနဲ့ ဝမ်းသာပျော်ရွှင်ခဲ့ရတာအမှန်ပါဘဲ။
ခိုင်နှင်းဝေကတော့ အိမ်ရဲ့ Music mtv မှာ သူနဲ့ အတူကံကောင်းလေးကိုပါ သရုပ်ဆောင်ခိုင်းခဲ့ပါသေးတယ်။ကျန်တဲ့ ကလေးတွေက သရုပ်ဆောင်ကလေးလေးတွေပါဝင်ခဲ့ပြီး ကံကောင်းလေးကိုတော့ အမှတ်တရအနေနဲ့ ထည့်ခဲ့တာလည်းဖြစ်ပါတယ်။
ကံကောင်းရောက်တာ မကြာသေးတဲ့ အချိန်မှာ အခုလို ရိုက်ခဲ့ရတာကြောင့် ထည့်ခဲ့သလို အခုလိုမျိုး ချို့ယွင်းချက်နဲ့ မွေးဖွားလာခဲ့ကြတဲ့ ကလေးတွေရဲ့ ဘဝကို ပုံဖော်ပေးချင်တာလည်းပါပါတယ်။မိသားစုဝင်တွေက ချို့ယွင်းချက်ပါတဲ့ ကလေးတွေကိုမလိုချင်လို့ စွန့်ပစ်ကြတဲ့ အပေါ်မှာ သူ့အနေနဲ့ စိတ်အကောင်းဖြစ်ရသလို ကလေးကိုလည်းစာနာသနားတာမို့ ကံကောင်းလေးကို ထည့်ပြီး အမှတ်တရအနေနဲ့ ပုံဖော်ခဲ့တာလည်းဖြစ်ပါတယ်။
ခိုင်နှင်းဝေကတော့ အတိုက်အခိုက်တွေ၊ဝေဖန်မှုတွေကြားကနေ ကလေးတွေရဲ့ နားခိုရာကို ဖန်တီးနိုင်ခဲ့တာမို့ သူနဲ့ ထပ်တူကျတဲ့ သီချင်းလေးမှာ ပါဝင်ခွင့်ရခဲ့တာကို အတိုင်းအသိဝမ်းသာပျော်ရွှင်ခဲ့ရပြီလည်းဖြစ်ပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။