ကျောင်းကားမီးလောင်စဉ်အတွင်း နောက်ဆုံးထွက်သက်တဲ့အထိ
တာဝန်ကျေခဲ့တဲ့ ဆရာမလေး
စက်တင်ဘာ၁ ရက်နေ့က ထိုင်းနိုင်ငံမှာ ကြေကွဲဝမ်းနည်းစရာဖြစ်ရပ်တစ်ခုဖြစ်ပွားခဲ့ပါတယ်။ ကျောင်းသား/သူနဲ့ ဆရာမအပါအဝင် အယောက် ၄၀ ကျော်လိုက်ပါပြီး လေ့လာရေးခရီးထွက်လာတဲ့ ကျောင်းကားဟာ ဘန်ကောက်မြို့မြောက်ပိုင်းဆင်ခြေဖုံးရှိ အဝေးပြေးလမ်းမမှာ မီးလောင်သွားခဲ့တာပါ။ လေ့လာရေးခရီးလိုက်ပါလာခဲ့တဲ့ ကလေးတွေက သူငယ်တန်းအရွယ်ကနေ အသက် ၁၂ ကျော်အရွယ်ကျောင်းသား/သူတွေပါ။
အဲ့ဒီကျောင်းကားမီးလောင်မှုကြောင့် ကျောင်းသား/သူ အယောက် ၂၀ နဲ့ ဆရာမ ၃ ဦးသေဆုံးသွားခဲ့ပါတယ်။ ဝမ်းနည်းဖွယ်အသက်ဆုံးရှုံးခဲ့ရတဲ့ ဆရာမ ၃ ဦးထဲမှာ ဆရာမ Kanokwan Sripong ဟာဆိုရင် နောက်ဆုံးထွက်သက်တဲ့အထိ ဆရာမတာဝန်ကိုကျေပွန်ခဲ့တယ်လို့ သတင်းတွေမှာ ဖော်ပြထားပါတယ်။
ဆရာမ Kanokwan ရဲ့ရုပ်အလောင်းကိုတွေ့တော့ မီးဒဏ်ကနေ ကလေးတစ်ဦးကို ကာကွယ်ဖို့အတွက် ကလေးကိုပွေ့ဖက်ထားခဲ့တာလို့ ကယ်ဆယ်ရေးအဖွဲ့ရဲ့ပြောစကားအရ သိရပါတယ်။ သူဟာ နောက်ဆုံးအချိန်အထိ သူ့ရဲ့ကျောင်းသား/သူတွေကို ကာကွယ်ပေးသွားခဲ့တာပါ။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။