လွန်ခဲ့တဲ့ နှစ်ပေါင်း ၅၀ က လျှောက်ထားတဲ့ အလုပ်လျှောက်စာကို ပြန်လည်ရရှိခဲ့သူ
ဗြိတိန်အမျိုးသမီးတစ်ဦးဟာ လွန်ခဲ့တဲ့ နှစ်ပေါင်း ၅၀ က လျှောက်ထားတဲ့ အလုပ်လျှောက်စာကို ပြန်လည်ရရှိခဲ့ပါတယ်။ လက်ရှိအချိန်မှာ အသက် ၇၀ အရွယ်ရှိတဲ့ အမျိုးသမီး တိုင်ဇီဟော့ဒ်ဆန်ဟာ ၁၉၇၆ ခုနှစ် ဇန်နဝါရီလက ဆိုင်ကယ်စတန့်သမားအလုပ် လျှောက်ဖို့ စာတိုက်ကနေ အလုပ်လျှောက်စာ ပေးပို့ခဲ့ပါတယ်။ ဒါပေမဲ့ အဲဒီစာဟာ စာတိုက်မှာ ပျောက်သွားခဲ့ပြီး လိပ်မူထားတဲ့ နေရာကို မရောက်ခဲ့ပါဘူး။
” အလုပ်လျှောက်ထားတာ ဘာလို့ပြန်စာမရတာလဲလို့ တွေးနေတာ။ အခုမှပဲ ဖြစ်ကြောင်းကုန်စင် သိရတော့တယ်”လို့ တိုင်ဇီဟော့ဒ်ဆန်က ဆိုပါတယ်။ သူ့ထံ ပြန်ရောက်လာတဲ့ စာအိပ်ပေါ်မှာ ” စတိန်းစာတိုက်က စာပို့နောက်ကျသွားတာပါ။ အံ့ဆွဲထဲမှာ ပြန်တွေ့လို့ပါ။ နှစ် ၅၀ နောက်ကျသွားပါတယ်”လို့ ရေးထားပါတယ်။
တိုင်ဇီဟော့ဒ်ဆန်ဟာ ဆိုင်ကယ်စတန့်သမားအလုပ်မရခဲ့ပေမဲ့ စိတ်လှုပ်ရှားမှုကို ခုံမင်တဲ့ သူ့ဝါသနာကို မစွန့်လွှတ်ခဲ့ဘဲ မြွေဖမ်းသမား၊ အလှပြလေယာဉ်မှူး၊ လေကြောင်းသင်တန်းနည်းပြ အလုပ်တွေ လုပ်ခဲ့ပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။