စက်ပျက်နေလို့ မထိုးချင်တဲ့ထီ ထိုးခဲ့ရသူ ဒေါ်လာ ၉.၂ သန်းဆု ဆွတ်ခူး
ထိုးချင်တဲ့ ထီလက်မှတ် မရလို့ စိတ်တိုနေတဲ့ အမျိုးသားတစ်ဦးဟာ အခြားထီလက်မှတ်ဝယ်ယူရာကနေ အမေရိကန်ဒေါ်လာ ၉.၂ သန်း ထီဆုကြီး ဆွတ်ခူးခဲ့ပါတယ်။ အမေရိကန်နိုင်ငံ အီလီနွိုက်ပြည်နယ်မှာ နေထိုင်တဲ့ အမည်မဖော်လိုသူ အမျိုးသားဟာ အက်ဒီဆန်မြို့မှ စတိုးဆိုင်မှာ ထီလက်မှတ် ဝင်ဝယ်ရင်း သူထိုးချင်တဲ့ ထီလက်မှတ်မရလို့ ဒေါသထွက်ခဲ့ပါတယ်။
” ကျွန်တော် ထိုးချင်တဲ့ ထီလက်မှတ်က တစ်ခု။ ဒါပေမဲ့ စက်က Lotto လက်မှတ်ပဲ ဝယ်လို့ရတယ်။ အဲဒီတော့ စိတ်ပျက်လက်ပျက်နဲ့ပဲ Lotto လက်မှတ် ဝယ်ခဲ့ရတာပါ။ ထီဖွင့်ပွဲနေ့မှာ စကန်ဖတ်ကြည့်တော့ ဒေါ်လာ ၉.၂ သန်းဆု ပေါက်တယ်လို့ ပေါ်နေတာ။ ကျွန်တော်ဆို ယုံတောင် မယုံဘူး။ ကျွန်တော့်မိန်းမလည်း ပါးစပ်အဟောင်းသား ဖြစ်နေတာ။ အခုတော့ စက်ပျက်နေတာကို ကျေးဇူးတင်ရမှာပဲ”လို့ သူက ဆိုပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။