ကင်ဆာကုသမှုခံယူနေစဉ် ဒရုန်းပျံသန်းခြင်းပညာ လေ့လာခဲ့သူက
ဒရုန်းတွေနဲ့ အီမိုဂျီပုံစံတွေ ပုံဖော်ပြီး ဂင်းနက်စ်စံချိန်တင်
ကင်ဆာရောဂါ ကုသမှုခံယူနေတုန်း ဒရုန်းပျံသန်းခြင်းပညာကို လေ့လာလိုက်စားခဲ့တဲ့ ဗြိတိန်အမျိုးသားတစ်ဦးဟာ ၃ မိနစ်အတွင်း ဒရုန်းတွေအသုံးပြုပြီး (မျက်နှာအမူအယာပုံစံ) အီမိုဂျီအများဆုံး ဖန်တီးနိုင်သူအဖြစ် ဂင်းနက်စ် စံချိန် တင်ခဲ့ပါတယ်။ ခရစ္စတိုဖာဘရက်ဒ်ဘာရီဟာ ၂၀၀၇ ခုနှစ်ကစပြီး လေယာဉ်နမူနာပုံစံငယ်တွေကို စမ်းသပ်ပျံသန်းခဲ့တာပါ။
” ကင်ဆာရောဂါကို ဓာတ်ရောင်ခြည်ကုသမှု ခံယူနေတုန်း ကိုယ်လက် လှုပ်ရှားမှုလည်း ဖြစ်အောင်၊ စိတ်ပြေလက်ပျောက်လည်းဖြစ်အောင် လေယာဉ်နမူနာပုံစံငယ်တွေကို ပျံသန်းခဲ့တာပါ”လို့ ဘရက်ဒ်ဘာရီက ဆိုပါတယ်။ အဲဒီအချိန်ကစပြီး မောင်းသူမဲ့ယာဉ်တွေဟာ သူ့အတွက် ကမ္ဘာငယ်တစ်ခု ဖြစ်လာခဲ့ပါတယ်။
မောင်းသူမဲ့ယာဉ်သုံးပြီး ရိုက်ကူးရေးလုပ်တာ၊ တိုင်းတာစစ်ဆေးမှုတွေ လုပ်တာ၊ ပျားပန်းခပ်သလို ပုံသဏ္ဍာန်ဖော်တာတွေ လုပ်ခဲ့ပါတယ်။ ဘရက်ဒ်ဘာရီဟာ မောင်းသူမဲ့ယာဉ် ၁၀၉ စီး အသုံးပြုပြီး ၃ မိနစ်အတွင်း အီမိုဂျီ ၃၀ ဖန်တီးကာ (ယခင်စံချိန်ဟောင်းမှာ အီမိုဂျီ ၂၄ ခု ဖြစ်) ဂင်းနက်စ် စံချိန်တင်ခဲ့တာဖြစ်ပါတယ်။
” ဘေးအန္တရာယ် ကင်းရှင်းစေဖို့အတွက် ဝေဟင်ထဲမှာ သုံးဖက်မြင်ပုံသဏ္ဍာန် အစီအစဉ် ရေးဆွဲမှု တော်တော်များများ လုပ်ရပါတယ်။ လာမယ့် ၁၀ နှစ်အတွင်း ကျွန်တော့်စံချိန်ကို တစ်ယောက်ယောက်က ချိုးဖျက်မယ်၊ ကျွန်တော့်ဗီဒီယိုကို တွေ့ပြီး စံချိန်ချိုးချင်စိတ် ပေါ်ပေါက်လာတာဆိုရင် ကျွန်တော် အလွန်ပျော်မိမှာပါ”လို့ သူက ဆိုပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။