အင်္ဂါဂြိုဟ်ပေါ်မှာ တွေ့ရတဲ့ မြင်းကျားအဆင်းသဏ္ဍာန်
ကျောက်တုံးတစ်တုံးကြောင့် သိပ္ပံပညာရှင်များ စိတ်လှုပ်ရှားနေ
အမေရိကန်အာကာသအေဂျင်စီ (NASA)မှ ဂြိုဟ်ပေါ်ဆင်းယာဉ်တစ်စီးဟာ အင်္ဂါဂြိုလ်ပေါ်မှာ အသစ်အသစ်သော အရာတွေတွေ့ရှိမယ်လို့ ယူဆတဲ့နေရာကို ဆင်းသက်ခဲ့ရာ ထူးဆန်းတဲ့ကျောက်တုံးတစ်တုံးကို တွေ့ရှိခဲ့ပါတယ်။ ရေခဲတောင်ကျောက်တွေလို အဖြူ၊ အမည်း အစင်းကြားဖြစ်နေတဲ့ ကျောက်တုံးကို တွေ့ရှိမှုဟာ သိပ္ပံပညာရှင်တွေအတွက် စိတ်လှုပ်ရှားစရာ ဖြစ်ခဲ့ပါတယ်။
Mars Perseverance လို့ အမည်ရတဲ့ ဂြိုဟ်ပေါ်ဆင်းယာဉ်ဟာ စက်တင်ဘာလ ၁၃ ရက်မှာ ဒီကျောက်တုံးကို တွေ့ရှိခဲ့တာဖြစ်ပြီး Freya Castle လို့ အမည်ပေးထားပါတယ်။
ကျောက်တုံးတွေ ဖြစ်ပေါ်လာခြင်းမှာ အနည်ကျကျောက်၊ မီးသင့်ကျောက်၊ အသွင်ပြောင်းကျောက်ဆိုတဲ့ ပုံစံ ၃ မျိုးရှိတဲ့အနက် ဒီကျောက်တုံးကတော့ အသွင်ပြောင်းကျောက်အမျိုးအစားဖြစ်မယ်လို့ ယူဆထားပါတယ်။ ဒီကျောက်တုံးကို တွေ့ရှိမှုဟာ အတိတ်ကာလ အင်္ဂါဂြိုလ်အကြောင်း အသေးစိတ်သိရှိနိုင်မယ့် လမ်းစလို့ သတ်မှတ်ထားကြပါတယ်။
Freya Castle ကျောက်တုံးကို တွေ့ရှိရတဲ့ Jezero Crater ချိုင့်ဝှမ်းမှာ အင်္ဂါဂြိုဟ်ရဲ့ ကျောက်သားလွှာနဲ့ အနည်ကျကျောက်သားလွှာတွေသာ အများအားဖြင့် တွေ့ရလေ့ရှိတာကြောင့် ဒီကျောက်တုံးဟာ အမြင့်တစ်နေရာရာကနေ ပြုတ်ကျလာတာဖြစ်မယ်လို့ ယူဆနိုင်ပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။