စိတ်ရင်းစေတနာကောင်းပြီး လုပ်ခဲ့တဲ့ လုပ်ရက်တွေကြောင့်
ပရဟိတအဖွဲ့တွေရဲ့ ဂုဏ်ပြုတာကိုခံနေရတဲ့ ဖြူဖြူထွေး
ဖြူဖြူထွေးကတော့ အခုအချိန်မှာ နာမည်ကောင်းနဲ့ ကျော်ကြားနေတဲ့ ဆယ်လီတစ်ဦးလည်းဖြစ်နေပါပြီ။စကားပြောရင် ပွင့်ပွင့်လင်းလင်းပြောတတ်တဲ့ဖြူဖြူထွေးကတော့ ရိုးသားပြီး စိတ်ထားကောင်းသူတစ်ဦးအဖြစ်ပရိတ်သတ်တွေအနေနဲ့ မြင်တွေ့ရမှာပါ။အနုပညာလောကကို ဝင်ရောက်ခဲ့ချိန်က အဝင်မတော်ခဲ့တာကြောင့် ဝေဖန်မှုတွေရင်ဆိုင်ခဲ့ရပေမယ့် အခုအချိန်မှာတော့ ဖြူစင်ပြီးစေတနာကောင်းတဲ့ သူ့ရဲ့ ပုံစံကြောင့် အားလုံးက ဝိုင်းဝန်းချစ်ခင်နေကြပြီလည်းဖြစ်ပါတယ်။
ဖြူဖြူထွေးကတော့ ငွေကြေးမပြည့်စုံတဲ့ ဘဝကလာတာမို့ ခက်ခဲနေတဲ့ လူတွေ့ရင် ကိုယ်ချင်းစာတရားအပြည့်နဲ့ လှူဒါန်းချင်စိတ်ကတော့ အပြည့်အဝရှိပါတယ်။ဖြူဖြူထွေးကတော့ အနုပညာလောကမှာနာမည်ရလာတဲ့ အချိန်ကစပြီး လှူဒါန်းလာခဲ့တာ အခုထိပါဘဲ။အရင်က သူတတ်နိုင်တဲ့ ငွေကြေးနဲ့ တကယ်လိုအပ်နေသူတွေကို လှူဒါန်းပေးတတ်တဲ့ ဖြူဖြူထွေးက အခုဆိုရင် သိန်းပေါင်း ထောင်ချီပြီး လှူဒါန်းပေးနေတဲ့ လူတစ်ယောက်ဖြစ်လို့နေပြီလည်းဖြစ်ပါတယ်။ဖြူဖြူထွေးကတော့ သိန်းပေါင်းထောင်ချီရဲ့ ကိုယ့်တစ်ယောက်ထဲငွေနဲ့ လှူဒါန်းပေးတာမျိုးမဟုတ်ဘဲ သူ့ကို ယုံကြည်ပြီး လှူဒါန်းခိုင်းတဲ့ အလှူရှင်တွေကြောင့် လှူဒါန်းပေးနိုင်ခဲ့တာပါ။
အလှူရှင်တွေယုံကြည်ရအောင်လည်းဖြူဖြူထွေးရဲ့ အလှူတွေက စေတနာပါလွန်းခဲ့တာကတော့ အားလုံးရဲ့ မျက်မြင်ပါဘဲ။တစ်ချို့အနုပညာတွေဆယ်လီတွေကတော့ လှူဒါန်းပေမယ့် စေတနာမပါကြပါဘူး။Like တွေ၊
follower တွေများပြီး ပရိတ်သတ်စိတ်ဝင်စားမှုရအောင်သာ ပေါ်ပင်တွေလုပ်ပြနေကြပေမယ့် ဖြူဖြူထွေးကတော့ အားလုံးနဲ့ ဆန့်ကျင်ဘက်ပါဘဲ။အလှူတစ်ခုလုပ်ပြီဆိုရင် ကိုယ်တိုင်ကိုယ်ကျသွားပြီး လှူဒါန်းတတ်တာကြောင့် ပရိတ်သတ်ချီးကျူးတာခံနေရတာလည်ဖြစ်ပါတယ်။
လှူဒါန်းမှုတွေထဲမှာ ချီးကျူးအခံရဆုံးကတော့အခုတစ်ခေါက် လှူဒါန်းတဲ့ ရေဘေးအလှူပါ။ရေတွေကြီးပြီး တော်ရုံအလှူရှင်မသွားတဲ့ နေရာမျိုးတွေကိုတောင် ဖြူဖြူထွေးက ကိုယ်တိုင်သွားရောက်လှူဒါန်းပေးခဲ့တာက ချီးကျူးစရာတစ်ခုလည်းဖြစ်ပါတယ်။ရေတွေကြီးပြီး သွားလာဖို့ ခက်ခဲတဲ့ နေရာမျိုးတွေကိုတောင် မရောက်ရောက်အောင်သွားပြီး လှူဒါန်းပေးခဲ့တာကြောင့် သူ့ကိုယုံကြည်ပြီး ပံ့ပိုးပေးတဲ့ အလှူရှင်တွေကများပြားနေခဲ့ကြတာလည်းဖြစ်ပါတယ်။ဖြူဖြူထွေးကတော့ လှူဒါန်းသူတွေများလွန်းလွန်းလို့ ရေဘေးသင့်ပြည်သူတွေပြန်လည်ထူထောင်ရေးအတွက် လှူဒါန်းပေးခဲ့တာ အခုဆိုရင် ၁၀ကြိမ်မြောက်တောင်ရှိခဲ့ပါပြီ။
တစ်ခါတစ်ခါသွားလှူရင် အနည်းဆုံး သိန်း၅၀၀အထက်မှာ ပါဘဲ။အလှူရှင်တစ်ခါပေါ်တိုင်းသွားလှူပေးသလို လှူတဲ့ အခေါက်တိုင်းမှာလည်း သူ့ကိုယ်တိုင်လိုက်ပါ လှူဒါန်းပေးတာကတော့ ချီးကျူးစရာပါဘဲ။ခရီးတွေဝေးဝေးလံလံသွားရပြီး ပင်ပန်းတာတွေ၊နေမကောင်းတာတွေရှိပေမယ့် သူ မလိုက်တဲ့ အခေါက်ဆိုတာမရှိပါဘူး။အခုလိုမျိုး ခက်ခဲနေတဲ့ ပြည်သူတွေကို အကောင်းဆုံးတွေ ကူညီပံ့ပိုးပေးချင်တဲ့ သူ့ရဲ့ စေတနာကတော့ အခုအချိန်မှာ ရောင်ပြန်ဟပ်လာခဲ့ပါပြီ။သူ့ရဲ့လုပ်ရက်ကို ချီးကျူးသူတွေရှိသလို Follower ရှာတယ်ဆိုပြီး ဝေဖန်ကြပေမယ့် အသက်ကိုရင်းကာအပင်ပန်းခံပြီး ဘယ်သူကမှ Follower လိုချင်လောက်မှာ မဟုတ်ပါဘူးနော်။
ဘာလုပ်လုပ်ဝေဖန်တိုက်ခိုက်တဲ့ လူနည်းစုက သက်သက်ကိုရှိကြပေမယ့် စေတနာပါတဲ့ သူ့ရဲ့လုပ်ရက်ကြောင့် ချီးကျူးပြီး ဂုဏ်ပြုကြတဲ့ လူတွေကလည်းအများကြီးပါဘဲ။အခုလည်းစေတနာသန့်သန့်နဲ့ လှူဒါန်းပေးတဲ့ သူ့ရဲ့ အလှူကြောင့် ပရဟိတအဖွဲ့တွေကနေ ဂုဏ်ပြုဆုတွေ တသီကြီးချီးမြှင့်လာခဲ့ပြီလည်းဖြစ်ပါတယ်။လူတွေအပေါ်မှာအကျိုးပြုတဲ့ ဖြူဖြူထွေးရဲ့ လုပ်ရက်ကို အသိအမှတ်ပြု၊ဂုဏ်ပြုတဲ့အနေနဲ့ ဂုဏ်ပြုဆုတွေ အပြိုင်အဆိုင်ချီးမြှင်ခဲ့ကြတာလည်းဖြစ်ပါတယ်။
ဖြူဖြူထွေးကတော့ အလင်းရောင်ပရဟိတအသင်းက ချီးမြှင့်တဲ့ ဂုဏ်ပြုဆုတံဆိပ်ရယ်၊လည်ဆွဲရယ်ရခဲ့သလို AK group က ချီးမြှင့်တဲ့ ဂုဏ်ပြုမှတ်တမ်းနဲ့ တစ်ခြားပရဟိတအဖွဲ့က ချီးမြှင့်တဲ့ ဂုဏ်ပြုလက်မှတ်တွေပါ ရရှိခဲ့ပါတယ်။
ပရဟိတအသင်းတွေကတော့ သူ့ရဲ့ဖြူစင်ပြီး နှလုံးလှတဲ့ စိတ်ကို ဂုဏ်ပြုချီးမြှင့်ခဲ့တာကတော့ သူ့အနေနဲ့ ဘာနဲ့မှမလဲနိုင်တဲ့ ပီတိတွေပါဘဲ။ရှေ့ဆက်ပြီး လုပ်ရမယ့် ပရဟိတအလုပ်တွေအတွက် အခုချီးမြှင့်တဲ့ ဆုတံဆိပ်တွေက သူ့အတွက်ခွန်အားဖြစ်စေမှာ အသေအချာပါဘဲနော်။ဖြူဖြူထွေးကတော့ ကောင်းမွန်တဲ့ သူ့ရဲ့ လုပ်ရက်တွေကို အကောင်းတွေးပေးတဲ့ လူတွေရှိတာနဲ့တင် သူ့အတွက်က ကျေနပ်စရာကောင်းနေခဲ့ပါပြီ။သူ့အနေနဲ့ နောက်ထပ်လုပ်မယ့် လှူဒါန်းမှုတွေကိုလည်း အကောင်းဆုံးလုပ်ဖို့ စိတ်ကူးရှိပြီး၊ပရိတ်သတ်ပေးတဲ့ ခွန်အားနဲ့ ရှေ့ဆက်သွားဖို့ အားအပြည့်ဖြစ်နေပြီလည်းဖြစ်ပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။