အသက်ကြီးချိန်မှာ ပြန်မှီခိုရမယ့်သားသမီးတွေမရှိတော့တာမို့
ထိုင်းနိုင်ငံထိသွားပြီး အလုပ်တွေကြိုးစားရတော့မယ့် ဦးသျှန်ထွန်း
အသက်ကြီးလာတဲ့ အချိန်ကျမှ သားသမီးတွေရဲ့ ပစ်ပယ်တာကို ခံလိုက်ရတဲ့ ဦးသျှန်ထွန်းကတော့ ဘဝနေဝင်ချိန်အတွက် ကြိုးစားရှာဖွေနေရပြီလည်းဖြစ်ပါတယ်။လောကမှာ စုန်ရေသာ ရှိပြီး ဆန်ရေဆိုတာမရှိဘူးဆိုတဲ့ စကားက မှန်ကန်ကြောင်း ဦးသျှန်ထွန်းရဲ့အဖြစ်က လက်တွေ့ပြလာခဲ့ပြီလည်းဖြစ်ပါတယ်။ဦးသျှန်ထွန်းကတော့ တစ်ချိန်က နိုင်ငံကျော်အဆိုတော် ရွှေရည်သိန်းတန်နဲ့ အိမ်ထောင်ကျပြီး ကလေး၂ယောက်ရခဲ့ပေမယ့် ကံမကောင်းစွာနဲ့ဘဲ Single father ဘဝကို ရောက်ရှိခဲ့ရသူပါ။ပုံမှန်အိမ်ထောင်တစ်ခုမှာ အိမ်ထောင်ကွဲရင် ကလေးတွေကို မိခင်ကသာ စောင့်ရှောက်ကြပေမယ့် သူတို့ကတော့ ပြောင်းပြန်ပါဘဲ။
ဦးသျှန်ထွန်းကတော့ အိမ်ထောင်ကွဲပြီးချိန် အရွယ်ကောင်းမှာ နောက်အိမ်ထောင်မပြုဘဲ ကလေးနှစ်ယောက်ကို ပြုစုပျိုးထောင်ရင်း အချိန်တွေကုန်ဆုံးခဲ့ပေမယ့် အခုအချိန်မှာတော့ တစ်ယောက်တည်းအထီးကျန်ဘဝကိုရောက်ခဲ့ရပါပြီ။ကလေးတွေအရွယ်ရောက်တဲ့အထိ ပြုစုပျိုးထောင်ခဲ့တဲ့ ဦးသျှန်ထွန်းကတော့ သူအိုမင်းလာမယ့်အချိန်မှာ ကလေးတွေ ဘေးနားမှာရှိမယ်ဆိုတဲ့ စိတ်ကိုသွင်းပြီး အလုပ်တွေကို ကြိုးစားခဲ့ပေမယ့် လက်တွေ့မှာတော့ တစ်ခြားစီပါဘဲ။ကလေးတွေက အရွယ်ရောက်လာတဲ့ အချိန်မှာ တစ်သက်လုံးကျွေးမွေး စောင့်ရှောက်ခဲ့တဲ့ အဖေဖြစ်သူကို ပြန်လုပ်ကျွေးဖို့ နေနေသာသာ အခုအချိန်မှာ အဆက်အသွယ်တောင်မလုပ်ကြတော့ပါဘူး။
အရွယ်ရောက်လာလေ လောဘစိတ်တွေ ဖုံးလွှမ်းလာလေမို့ အခုအချိန်မှာ ပိုက်ဆံချမ်းသာတဲ့ အမေဖြစ်သူနဲ့ သွားနေပြီး ဖခင်ကြီးကို ပစ်ထားခဲ့တာလည်းဖြစ်ပါတယ်။ကလေးတွေကတော့ အခုအချိန်မှာ အမေဖြစ်သူနဲ့ မပူမပင်ဘဝမှာ နေထိုင်နေရတာမို့ နောင်တဆိုတာမျိုး မရှိသေးပါဘူး။အမေနောက်ကိုလိုက်ပြီးကတည်းက ဖုန်းSim card တွေပြောင်းပြီး အဆက်အသွယ်မလုပ်တော့တာ အခုထိပါဘဲ။
ဦးသျှန်ထွန်းကတော့ ကျန်ရှိသေးတဲ့ ဘဝလက်ကျန်ကို တစ်ယောက်တည်းဖြတ်သန်းရတော့မှာမို့ ဝါသနာပါတဲ့ အလုပ်တွေလည်းလုပ်ကိုင်မှာဖြစ်သလို ဝင်ငွေကောင်းမယ့် အလုပ်ပါ တိုးချဲ့လုပ်ကိုင်တော့မယ်ဆိုတာကို အားလုံးကို အသိပေးလာခဲ့ပါပြီ။ဦးသျှန်းထွန်းရဲ့ နောက်ထပ်တိုးချဲ့သွားမယ့်အလုပ်ကလည်း အနုပညာအလုပ်တစ်ခုပါဘဲ။ပရိတ်သတ်တွေအကြိုက်တွေ့စေမယ့် သီချင်းတွေကိုရေးသားတဲ့ နေရာမှာ နာမည်ကြီးသူတစ်ယောက်ဖြစ်တာမို့ သီချင်းတွေ နေ့တိုင်းရေးသားနေရပေမယ့်ဝင်ငွေကတော့ ထင်သလောက်မကောင်းခဲ့ပါဘူး။သီချင်းရေးလို့ရလာတဲ့ငွေကြေးတွေကို တပည့်တွေကို မျှဝေပေးရတာတွေရှိတာကြောင့် ဝင်ငွေက ပရိတ်သတ်ထင်သလောက်ကောင်းမနေဘူးလို့ဆိုပါတယ်။
ဦးသျှန်ထွန်းကတော့ အခုအချိန်မှာ အနာဂတ်မှာ အားကိုးစရာသားသမီးမရှိတော့တာမို့ အခုကတည်းက ရှာဖွေစုဆောင်းဖို့ ပြင်ဆင်နေပြီလည်းဖြစ်ပါတယ်။ဝါသနာပါတဲ့ အလုပ်လည်းဖြစ်သလို ဝင်ငွေကောင်းမယ့် အလုပ်ဖြစ်တဲ့ Music agency ကိုထိုင်းနိုင်ငံမှာ ဖွင့်လှစ်သွားမှာလည်းဖြစ်ပါတယ်။ဦးသျှန်ထွန်းကတော့
Music agency ကို အရင်က ဖွင့်ဖို့ ကြံရွယ်ခဲ့ပေမယ့် သီချင်းတွေ ဆက်တိုက်ရေးနေရတာကြောင့်သူလုပ်ချင်တဲ့ music agency ဘက်ကို မလှည့်နိုင်သေးတာလည်းဖြစ်ပါတယ်။
အခုတော့ ဝါသနာပါရာသီချင်းတွေရေးသားရင်း ဝင်ငွေကောင်းမယ့် အလုပ်ကိုပြောင်းလုပ်တော့မှာလည်းဖြစ်ပါတယ်။ဦးသျှန်ထွန်းက Music agency လုပ်မယ်ပြောပေမယ့် Music နဲ့ ပတ်သက်တာတွေ၊မြန်မာရိုးရာ အဝတ်အစားပိုင်းတွေ၊တူရိယာတွေအစုံကိုပါဌားရမ်းပေးသွားမှာပါ။ထိုင်းနိုင်ငံမှာ မြန်မာအကအလှ၊ယဉ်ကျေးမှုနဲ့ ပတ်သက်ပြီး ဖျော်ဖြေတာဆိုရင် မြန်မာနိုင်ငံကနေ သယ်သွားစရာမလိုဘဲ သူ့ရဲ့ Agency ကနေ လိုချင်တာတွေဌားနိုင်အောင် ပြင်ဆင်သွားမှာလည်းဖြစ်ပါတယ်။
ထိုင်းနိုင်ငံမှာ ထိုင်းရောက်ရွှေမြန်မာတွေများတာမို့ ဖျော်ဖြေပွဲတွေခဏခဏလုပ်နေရတဲ့ အချိန်မှာ သူ့ရဲ့ အလုပ်က ဖြစ်အုံးမှာအသေအချာပါဘဲနော်။ဦးသျှန်ထွန်းကတော့ သူ့ရဲ့ Agency ကို အရိန္ဒမာဆိုပြီး ပေးဖို့ စဉ်းစားထားပြီးပြီလည်းဖြစ်ပါတယ်။သူ့ရဲ့ သီချင်းတစ်ပုဒ်ဖြစ်တဲ့ အရိန္ဒမာကို အစွဲပြုပြီး ထိုင်းနိုင်ငံ၊ဘန်ကောက်မြို့မှာ ဖွင့်လှစ်ဖို့ စီစဉ်နေပြီလည်းဖြစ်ပါတယ်။
အရင်က ပြန်ကြည့်စရာသားသမီးတွေနဲ့ တစ်ခြားကိစ္စတွေကြောင့် မသွားဖြစ်ပေမယ့် အခုအချိန်မှာတော့ သေချာကြိုးစားမှာရတော့မှာမို့ ဆုံးဖြတ်ချက် အခိုင်အမာချလိုက်တာလည်းဖြစ်ပါတယ်။နောက်လှည့်ကြည့်စရာသားသမီးမရှိတော့တာမို့ ဘန်ကောက်မှာ အခြေချဖို့က သေချာသလောက်ရှိနေပြီလည်းဖြစ်ပါတယ်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။